Adliya bo‘limi boshlig‘i B.Toxirjonov
Ijrochi : A.Anvarov
Tel: (73)353-11-88
Farg‘ona tumani adliya bo‘limi, Sizning 2021-yil 21-dekabr kungi murojaatingiz yuzasidan qo‘yidagilarni ma’lum qiladi:
Xususan, mazkur murojaatingizda qayd etilishicha, Farg‘ona tumani 52-umumiy o‘rta ta’lim maktabida ishlagan mehnat davirlaringiz uchun to‘lanishi lozim bo‘lgan ish xaqlari Farg‘ona tuman xalq ta’limi bo‘limi tomonidan to‘lab berilmay kelinayotganligi sababli, mazkur ish haqilarini undirib berilishida amaliy yordam ko‘rsatilishini so‘ragansiz.
O‘zbekiston Respublikasi Mehnat kodeksining 154-moddasida Ish beruvchi o‘zining moliyaviy holatidan qat’i nazar, xodimga bajargan ishi uchun haqni belgilangan mehnat haqi shartlariga muvofiq ushbu Kodeksning 161-moddasida ko‘rsatilgan muddatlarda to‘lashi shartligi, 161-moddada esa, Mehnatga haq to‘lash muddatlari jamoa shartnomasi yoki boshqa lokal normativ hujjatda belgilanadi va har yarim oyda bir martadan kam bo‘lishi mumkin emas. Xodimlarning ayrim toifalari uchun alohida hollarda O‘zbekiston Respublikasi Hukumati tomonidan ish haqi to‘lashning boshqa muddatlari belgilab qo‘yilishi mumkinligi ko‘rsatilgan.
Shunga ko‘ra, murojaatni ko‘rib chiqish natijasi yuzasidan, Farg‘ona tuman xalq ta’limi bo‘limiga ish haqidan bo‘lgan qarzdorlikni to‘lab berish yuzasidan adliya bo‘limining bajarilishi majburiy bo‘lgan taqdimnomasi kiritilishi ta'minlandi.
Murojaatingizni ko‘rib chiqish natijasi bo‘yicha 2017-yil 11-sentyabrdagi “Jismoniy va yuridik shaxslarning murojaatlari to‘g‘risida”gi O‘RQ-445-sonli qonuni talablariga ko‘ra, Sizga yuborilgan javob xatidan norozi bo‘lsangiz, belgilangan tartibda yuqori turuvchi organga yoki sudga murojaat qilishingiz mumkinligi tushuntiriladi.
Do'stlaringiz bilan baham: |
