1. 2-§ Сунъий интеллект ва нейронтўрли технологиялар фани бўйича талабаларда касбий компетенсияларини ва уларни баҳолашдаги муаммолар

Мамлакатимиз олимларидан: Л.Т.Хурвалиева: “Компетенсия – билим, кўникма, малака, қарашлар, индивиднинг қадрияти ва шахсий сифатлари, квалификациянинг намоён бўлиши ёки таъсир кўрсатиш қобилияти”, – деб таърифлайди¹¹.
Р.Атамуратов: компетенсия бу қуйидаги рақамли кўникмалардан иборат деб ўз илмий ишларида қўлаган: фото-визуал кўникмалар, қайта ишлаш кўникмалари, тармоқланиш кўникмалари (ночизиқли гиперматнли навигация билимлари), ахборот кўникмалари (ахборот сифати ва ишончлилигини баҳолаш), ижтимоий-эмоционал кўникмалари ҳамда фикрлаш ва баҳолаш кўникмалари¹².
Компетентлик - бирон бир ишни самарали қила олисҳ қобилияти, ишни бажаришда талабларни қондира олиш қобилияти, аниқ ишчи функсияларни бажаришда талабларни қондира олиш қобилияти.
Касбий компетентлик - мутахассис томонидан касбий фаолиятни амалга ошириш учун зарур бўлган билим, кўникма ва малакаларнинг эгалланиши ва уларни амалда юқори даражада қўллай олинишидир деб ёзадилар.
Хорижлик олимлардан: Л.М.Митина педагогик компетентлик - деганда предмет ҳақидаги билимлар, ўқитиш методикаси ва дидактикаси, педагогик мулоқот кўникма ва малакаси, шунингдек ўз- ўзини ривожлантириш, ўз-ўзини такомиллаштириш, ўзўзини амалга ошириш усуллари ва воситаларининг уйғун бирлашишини тушунган.¹³
Ноаниқ вазиятларда фаолият кўрсата олиш қобилияти бу компетентликдир, дейди О.Е.Лебедев.¹⁴
МДҲ мамлакатлари олимларидан: Компетентлик инсоннинг интеллектуал шахсий, ижтимоий касбий ҳаётий фаолиятига асосланади, деб ёзади И.А.Зимняя¹⁵.
В.В.Башевнинг таъкидлашича, компетентликлар – инсоннинг индивидуал қобилияти бўлиб, улар шарт­шароитлар ўзгарган пайтда ушбу қобилиятнинг бошқа шарт­шароитларга кўча олишида намоён бўлади.¹⁶

Мамлакатимиз олимларидан: Н.А.Муслимов ўзининг тадқиқот ишларида ўқитувчининг касбий компетентлигини шаклланганлик асосини олтита сифатлар, (1.2.4-диаграмма) да яъни мотивацион хислатлар, сифатларини ташкил этишини таъкидлаб ўтади.¹⁷

1.2.4-диаграмма (Касбий компетентлик)