1-mavzu: xalqaro huquqqa kirish reja: Xalqaro huquq tushunchasi, predmeti va funksiyalari

Mantiqiy savollar
1. BMT Nizomining 25-moddasiga ko’ra, tashkilotning barcha a'zo-davlatlari Xavfsizlik Kengashining qarorlariga bo’ysunishga va ularni ijro etishga rozilik bildirishadi.
Nizomning mazkur qoidasi Xavfsizlik Kengashi qarorlarini xalqaro huquqning manbasi sifatida qarashni taqozo etadimi? Fikringizni bildiring.
2. Xalqaro-huquqiy odat qanday shakllanadi? Qaysi elementlar uning shakllanishida asosiy rolь o’ynaydi?
3. Xalqaro huquqning shakllanishida xalqaro tashkilotlarning roli qanday?
4. Xalqaro sud, arbitraj va tribunallar huquqni yaratishda ishtirok etadimi? Fikringizni asoslang.
5. Berilgan variantlar ichidan to’g’ri javob (javoblar)ni aniqlang. Fikringizni asoslang: Xalqaro huquqda oliy yuridik kuchga ega normalar:
А) imperativ normalar
B) dispozitiv normalar
C) shartnomaviy normalar
D) odat-huquqiy normalar
E) deklarativ normalar

Xalqaro shartnoma va xalqaro-huquqiy odat quyidagi tartibdagi nisbatga ega:

А) bir xil yuridik kuchga ega
B) shartnoma ko’proq kuchga ega
C) odat ko’proq kuchga ega

Inson huquqlari umumjahon deklaratsiyasi ...

А) milliy huquq manbasi
B) BMT tavsiyaviy hujjati
C) odat normalari to’plami
D)Xalqaro shartnoma
E) doktrina

6. BMTning dengiz huquqi bo’yicha Uchinchi Konferentsiyasi Konferentsiya Yakuniy aktini qabul qilish va Dengiz huquqi bo’yicha konventsiyani imzolash bilan yakunlandi.

Mazkur Yakuniy aktning huquqiy tabiatini aniqlang. Xalqaro konferentsiyalar aktlari xalqaro huquqning manbasi bo’lib hisoblanadimi?


Mavzu bo‘yicha kazuslar

1. 1951 yilda Xalqaro Sud Angliya-Norvegiya o`rtasida baliq oviga oid nizoni ko`rib chiqdi. Angliya, ko'rfazga kirishning kengligi 10 dengiz milidan oshmasligi kerak, degan qoida xalqaro huquqning umume'tirof etilgan normasi ekanligini ta'kidladi. Norvegiya ushbu qoida unga nisbatan qo'llanilmasligini ta'kidladi, chunki u doimo Norvegiyaning qirg`oqlarida qo'llanilishiga qarshi bo'lgan.

   
   

Vaziyatga huquqiy baho bering. Muayyan davlatning yaqqol ifodalangan va izchil noroziligi xalqaro huquqning odatiy qoidasi paydo bo'lishiga to'sqinlik qila oladimi? Bu qoida mazkur davlatga nisbatan qo'llaniladimi?

2. 1957 yilda Portugaliyaning Hindiston hududidagi ikki anklavi - hududiy egaliklari hududida keskinlik kuchayganligi sababli Hindiston hukumati Portugaliyaning mazkur hududlarga kirishini to'xtatishni buyurdi. Portugaliya o’z talablarini shu bilan izohlar ediki, uning Hindiston hududi orqali o’tish huquqiga Buyuk Britaniya tomonidan, keyinchalik esa mustaqilligini qo’lga kiritganidan so’ng huquqiy voris sifatida Hindiston tomonidan so’zsiz rozilik bildirilgan edi. Bunga Hindiston e'tiroz bildirar ekan, mahalliy urf-odatlarning paydo bo'lishi uchun ikkitadan ko'proq davlatning amaliyoti zarurligini ta'kidladi. Angliya hukmronligidan keying davrdagi tomonlar tomonidan tan olingan mahalliy amaliyot hududga kirish huquqini sukutli tan olishni bildiradimi? Xalqaro huquqning lokal normalari ikki davlatning tajribasi bilan yaratilishi mumkinmi yoki buning uchun ko'p sonli davlatlar amaliyoti talab etiladimi?