3. Biznes- rejenin’ mánisi, mazmunı hám dúziw zárúriyatı. Kishi biznes hám isbilermenlik iskerligin joybarlawdı jetilistiriw. Kirisiw

Isbilermenlik xızmetin rejelestiriwdiń áhmiyeti, biznes rejeniń mazmunı hám wazıypaları
REJE
1. Kishi biznes hám isbilermenlik xızmetin joybarlawdıń maqseti hám wazıypaları.
2. Kishi biznes hám isbilermenlikti rawajlandırıwda biznes-rejenin’ áhmiyeti.
3. Biznes- rejenin’ mánisi, mazmunı hám dúziw zárúriyatı.
4. Kishi biznes hám isbilermenlik iskerligin joybarlawdı jetilistiriw.

Kirisiw
Ózbekistan Respublikası ekonomikasın bekkemlew, hár tárepleme rawajlantirip barıw, isbilermenlikti jetik iyelew, onıń sır-sınatların puqta úyreniwdi talap etpekte. Atap aytqanda, bazar munasábetlerine ótiwdi tezlestiriwshi eń tiykarǵı jollardan biri bul kishi biznes hám isbilermenlikti rawajlandırıw esaplanadı. Sol sebepli de isbilermenlikti rawajlandırıwǵa, onı mámleket tárepinen qollap-quwatlanıwı, jeke isbilermenlikte ǵayrat kórsetiw, onı xoshametlewge arnalǵan kóplegen nızam, párman hám qararlar qabıl etilgen. Bulardıń hámmesi Ózbekstan rawajlanıwınıń tiykarı esaplanǵan bárkámal áwladtı jetistiriwdi talap etedi. «Ruwxıy tárepten jetilisken rawajlanǵan insandı tárbiyalaw, tálim hám bilimlendiriwdi kóteriw, milliy oyanıw ideyasın ámelge asıratuǵın jańa áwladtı er jetkiziw mámleketimizdiń eń zárúrli wazıypalarınan biri bolıp qaladı»- degen edi birinshi Prezidentimiz I. Karimov. Mámleketimizde alıp barılıp atırǵan ekonomikalıq social reformalardıń túpkilikli negizin isbilermenlik, hám isbilermenlik sózlerisiz oyda sawlelendiriw qıyın.
Erkin bazar munasábetleriniń keń gúlleniw tabıwı adamlar turmısında, olardıń turmıs formasında, ruwxıy hám turmıslıq kónlikpelerinde kórinetuǵın bolıp atır. Házirgi waqıtta respublikamız puqaraları rawajlanǵan Evropa mámleketleri, AQSH, Yaponiya sıyaqlı mámleketlerdiń bay ámeliy tájiriybesi jóninde jetkilikli informaciyaǵa iye bolıp atır. Respublikada ekonomikalıq reformalardı jáne de tereńlestiriw, mámleket ıqtıyarınan shıǵarıw hám jeke menshiklestiriw processlerin barǵan sayın háwij aldırıw, sonıń menen birge isbilermenlikti rawajlandırıw hám qollap quwatlawdı támiyinlew maqsetinde: Ózbekstan Respublikasınıń Mámleket múlkin basqarıw hám jekelestiriw Komiteti menen Ózbekstan Respublikası finans ministrligi aldındaǵı mámleket múlki fondı negizinde Ózbekstan Respublikası mámleket múlkin basqarıw hám isbilermenlikti qollap-quwatlaw mámleket Komiteti dúzilgen.
Ózbekstanda isbilermenlikti qollap-quwatlanıwı, básekiniń rawajlanıwına, tutınıw bazarın tovarlar hám xızmet jumısları menen toltırıwǵa, jańa jumıs jayların jaratıw, úlken muǵdardaǵı múlk iyeleri hám isbilermenlerdi qáliplesiwine xızmet etiwshi Respublikada ótkerilip atırǵan ekonomikalıq reformalardıń eń zárúrli baǵdarlarınan biri bolıp tabıladı. Isbilermenlikti qollap quwatlanıwı tekǵana ekonomikanı turaqlı rawajlanıwı, xojalıq baylanısların ońlaw, básekin rawajlandırıw hám tutınıw bazarın toltırıw menen baylanıslı bolǵan ekonomikalıq maqsetlerdi támiyinlewi zárúr. Bulardan tısqarı bunday mámleket járdemi ekonomikalıq siyasiy wazıypalardı sheshiwi respublikanıń barlıq aymaqlarında siyasiy ortalıqtıń bekkemlewi, isbilermenlik iskerligine tiyisli bolǵan unamlı social munasábetlerdi qáliplestiriwi, oǵan xalıqtıń aktiv bólegin qosıwı jumıssızlıqtı, infilyatsiya hám basqa negativ unamsız social jaǵdaylardı aldın alıwı kerek.
Shet el mámleketlerinde- kishi biznestiń ózinde 500 adam bánt bolǵan hám sawda-satıq kólemi 20 mln. dollardan aspaǵan firmalar bar.
Biraq, bul kórsetkishler, belgili dárejede shártli bolıp tabıladı, arnawlı kórsetkishler retinde, taǵı, qosımsha baha salıǵı hám kárxana daǵı tiykarǵı qurallar muǵdarı qollanıladı. Óziniń «kishi biznes» degen atına qaramastan, bul islep shiǵarıw hám kommerciya iskerligi túri barlıq rawajlanıp atırǵan mámleket ekonomikasında úlken áhmiyetke iye.
Onıń tómendegi abzallıqları bar:

• 
  jergilikli resurslarda islep turǵan yamasa jergilikli bazardı támiyinlep turıwshı kishi kárxanalar hesh bolmaǵanda transport ǵárejetleriniń ekonom etiliwi ornına kem ǵárejetli bolıp tabıladı. Olardıń ekonomikalıq ústinligi jergilikli sharayatların jaqsı bilgenleri sebepli, islep shiǵariwdi onsha kóp bolmaǵan kapital hám miynet ǵárejetleri menen ámelge asırıwında bolıp tabıladı;
  

• 
  kishi kárxanalardaǵı miynet, ádetde, materiallıq xarakteristikaǵa iye, hám ol ámeliyatta kanselyariya miynetine salıstırǵanda paydalı bolıp tabıladı;
  

• 
  isleytuǵınlardıń kemligi, olardıń hár biri qábiettiń jeńilraq júzege shıǵiwına járdem beredi;
  

• 
  iykemlesiw, yaǵnıy islep shiǵilıp atırǵan ónim assortimenti hám túrin ózgertiwi kishi kárxanalarda onsha úlken qıyınshılıqlar tuwdırmaydi. Sol sebepli bazar ekonomikasına tiykarlanǵan mámleketlerde kishi biznes óz dárjesin tınımsız kúsheytip hám bekkemlenip atır.