Qirq birinchi oyat:
تَرْهَقُهَا قَتَرَةٌ
Ma’noviy tarjimasi: Ustini zulmat qoplagan.
Tafsiri jalolayn: Ustini zulmat qoplagan. Ya'ni, ustini zulmat va qorong'ulik qoplab olgan.
Tafsiri hilol:
Qirq ikkinchi oyat:
أُولَٰئِكَ هُمُ الْكَفَرَةُ الْفَجَرَةُ
Ma’noviy tarjimasi: Ular, ana o’shalar, kofirlar va fojirlardir.
Tafsiri jalolayn: Ana o'shalar, (bu holat egalari) ular kofirlar va fojirlardir.Ya'ni kufr va buzg'unchilik orasini ja'mlovchilardir.
Tafsiri hilol: Jannatiylarning chehralari porloq bo’lib, o’zlariga yetgan xushhabardan yuzlari kulguga to’lib turgan bir paytda boshqa toifa odamlar tamoman boshqacha, aksincha holatda bo’ladilar. Mazkur holatdagi kishilarning yuzini g’ubor bosgan, g’uborning ustidan zulmat ham qoplagan bo’lagan bo’ladi. Ya’ni ular g’am ustiga g’am , anduh ustiga anduh tortayotgan bo’ladilar. Chunki o’z daxshatlari ila hammani qo’rqinchga solib turgan qiyomat kunida u sho’rliklarga do’zax va uning azoblarining bashorati berilgan bo’ladi.
Do'stlaringiz bilan baham: |
