Aniqlash usullari

5.6. Iz detektorlari yordamida radonni qayd qilish
Hozirda biron muhitning integral yoki o‘rtacha hajmiy aktivligini aniqlashda, radon va uning hosilalari tarqatayotgan α-zarralarni qattiq jismli iz detektorlari (QJID) yordamida uzoq vaqt qayd qilish usuli keng qo‘llanilmoqda. QJIDlar - nitrotsellyuloza (LR-115, SA-80-15, CN-85), Lexan va Masrofoil E polikarbonati, poliallil-diglikolь-karbonati (SR-39) asosidagi polimer materiallardir [4, 5, 12, 13, 88, 172-189]. Alьfa-zarralar QJID yuzasi bilan to‘qnashganda, yuza qatlamida ko‘zga ko‘rinmas 10^-9∙10^-8 sm li izlar qoldiradi. Nurlangan detektor - ma’lum harorat va vakt davomida ishqor suyuqligida (KON yoki NaON) edirilganda (travlenie, etching) undagi izlar o‘lchami (10⁴—10⁵ martaga) ortib, 10^-4∙10^-2 sm ni tashkil qiladi. Natijada bu izlar tasvirini optik mikroskopda ko‘rish va sanash imkoniyati yaratiladi. Hozirgi iz detektorlarining asosiy ijobiy xususiyatlaridan biri, ularning beta va gamma-nurlarni sezmasligidir.