Avtomobil transporti muhandisligi fakulteti transport vositalari muhandisligi kafedrasi transport vositalari konstruksiyasi

29-masala. Dvigatel quvvati va burovchi momentini o‘zaro bog‘lovchi 9554 koeffitsientini hisoblab chiqaring.
30-masala. Agar avtomobil dvigatelining quv­vati 35 kVt, yetakchi g‘ildiraklaridagi tortish kuchi 1.3 kN, g‘ildiraklarining aylanish chastotasi 500 min^-1, transmissiyasining f.i.k. 0,92 bo‘lsa, g‘ildirash ra­diusi aniqlansin.
31-masala. GAZ-53A avtomobili 10 m/s tezlikda tekis harakatlanayotganida yetakchi g‘ildiraklaridagi tortish kuchi 4,3 kN bo‘lsin. Agar dvigatelining quvvati 48 kVt bo‘lsa, transmissiyasining f.i.k. aniqlan­sin.
32-masala. Avtomobil sinash vaqtida uzatish soni 6,2 bo‘lgan I-uzatmada harakatlanmoqda. Agar yetakchi g‘ildiraklaridagi burovchi moment 8440 N•m, ularning aylanish chastotasi 68 min^-1, transmissiya­sining f.i.k. 0,85, asosiy uzatmasining uzatish soni 6,8, g‘il­dirash radiusi 0,38 m bo‘lsa, avtomobilning tezligi, tortish kuchi, dvigatelining quvvati aniqlansin.
33-masala. GAZ-24 «Volga» yengil avtomobili uza­tish soni 1,45 bo‘lgan uchinchi uzatmada 100 km/soat tezlikda harakatlanganda g‘ildiraklarining aylanish chastotasi 800 min^-1, dvigateliniig quvvati 70 kVt, transmissiyasining f.i.k. 0,92, asosiy uzatmasining uzatish soni 4,1, g‘ildirash radiusi 0,332 m bo‘lsa, yetakchi g‘ildiraklaridagi tortish kuchi aniqlansin. Masala g‘ildirash radiusidan foydalanib va foydalanmay yechilsin.
34-masala. Avtomobil gorizontal yo‘lda to‘g‘ri uzatmada tekis harakatlanayotganida dvigatelining quvvati 55 kVt, g‘ildiraklarining burchak tezligi 45 rad/s edi. Agar yetakchi g‘ildiraklaridagi tortish kuchi 3,4 kN, asosiy uzatmasining uzatish soni 6,5, g‘il­dirash radiusi 0,32 m bo‘lsa, transmissiyasining f. i. k. aniqlansin.
35-masala. Karburatorli dvigatel tirsakli valining burchak tezligi _N=570 s^-1 bo‘lganda, 51,5 kVt eng katta quvvatga erishadi. Eng katta momentiga to‘g‘ri keladigan tirsakli valining burchak tezligi 0,5 _N. Shu holat uchun dvigatelning eng katta momenti va quvvati aniqlansin. (Masalani yechishda S.R. Leydermanning empirik formulasidan foydalaning).