Balalar psixologiyasi kk

Psixologiyanin` metodlari. Psixologiyanin` tiykarg`i metodlari- baqlaw ha`m ta`jriybe boladi. Jeke 
metodlarda gu`rrin`lesiw, anketa, adam xizmetleri protsessin ha`m juwmaqlarin analizlew metodi, test metodi, 
biografiya metodi, ja`ne basqa da geyparalari qollaniladi. 
Baqlaw. Baqlawdin` bir neshe varianti bar. Sirtqi baqlaw- bul sirtinan tikkeley baqlaw arqali 
psixologiya ha`m adamnin` minez-qulqi haqqinda mag`liwmat jiynaw usili. Ishki baqlaw yamasa o`zi baqlaw 
psixolog-izertlewshi o`zin qiziqtirg`an qubilisti sanasinda qalayinsha elesletetug`in bolsa sol turisinda u`yreniw 
ma`selesin maqset etkende qollaniladi. Psixolog tiyisli qubilislardi ishten qabil ete otirip olardi (misali, o`z 
obrazlarin, sezimlerin, oylarin, uayimlarin) baqlaydi yamasa onin` tapsirmasi menen introspektrlaw o`tkerip 
atirg`an basqa adamlardin` usinday mag`liwmatlarinan paydalanadi. Introspektsiyanin` ha`zirgi ku`ndede o`z 
a`hmiyetin saqlap qaldirg`an jetiskenliklerinen biri bul tuwridan-tuwri tikkeley baqlaw uqiplilig`i. Biraq bul 
usildin` kemshiligi de bar, bul aling`an mag`liwmatlardin` sub`ektivligi, olardi tekseriw yamasa na`tiyjelerdi 
ta`kirarlaw mu`mkinshiliginin` bolmawinda. Ishki baqlaw bolsa, izertlewshini qiziqtirg`an qubilistin` isenimli 
sirtqi belgileri bolmag`anda psixologiyaliq mag`liwmatlar jiynawdin` birden bir usili sipatinda qollaniladi. Erkin 
baqlaw ko`binese ne na`rseni baqlaw kerek ekenligin aniq belgilew mu`mkin bolmag`anda, u`yrenilip atirg`an 
qubilistin` belgileri ha`m onin` shamalang`an ha`reketi izertlewshige aniq bolmag`an jag`dayinda o`tkeriw 
maqsetke muwapiq. 
Psixolgiyaliq baqlaw maqsetli boliwi tiyis: baqlawshi neni baqlamaqshi ha`m ne ushin baqlamaqshi 
ekenin attan-aniq ko`z aldina keltiriwi ja`ne tu`siniwi lazim, al bolmasa baqlawdin` o`zi gez kelgen, ekinshi 
da`rejeli faktlerdi aniqlawg`a aylanip ketedi. Baqlawdin` qalay bolsa solay emes, sistemali tu`rde ju`rgiziw 
lazim.