Электр хавфсизлиги

63 
4. Муфтага қўйиладиган бирикма билан ишлаш. Кабелларни ѐтқизиш. 
Кабел ва муфталарни бошқа ерга кўчириш. 
Муфтага қўйиладиган бирикма қопқоқли ва бурни бўлган махсус металл 
идишда эритилиши зарур. Қопқоғи очилмаган банкадаги бирикмани эритиш 
ман этилади. Муфтага қўйиладиган қайноқ бирикма, кавшарлаш қотишмаси 
билан ишлаганда, брезент қўлқоп ва ҳимоя кўзойнакларидан фойдаланиш 
зарур. 
Кийимнинг енги қўлқоп устига чиқарилиб, енг ичидан бойланган бўлиши 
ѐки тирсаккача кийиладиган қўлқопдан фойдаланиш керак. 
Қайноқ бирикма ва эриган қотишмали идишни қўлдан-қўлга узатиш ман 
қилинади. Уни қўлдан-қўлга узатишда ерга ѐки мустаҳкам тагликка қуйиб 
узатиш зарур. 
Муфтага қуйиш учун эритилган бирикма ва қотишмани олдиндан 
қиздирилган металл таѐқ ѐки қошиқ ѐрдамида аралаштириш зарур. Қизиган 
бирикма ва қотишма ичига сув томишига йўл қўйиб бўлмайди. 
Йилнинг совуқ вақтларида қизитилган бирикмани муфтага қуйишдан 
олдин, уни иситиш зарур. 
Кабел билан барабанни ғилдиратганда ишчининг кийимларини барабан 
қисмларига ўралиб кетишига йўл қўймаслик чораларини кўриш зарур. 
Барабанни кабели билан фақат горизонтал текислик бўйича қаттиқ ерда ѐки 
тормоз мосламаси бўлган тақдирда мустаҳкам тўшалган полда ғилдиратишга 
рухсат этилади. 
Кабел, бўш барабан, механизм ва бошқа асбоб-ускуналарни чуқурни 
ўпирилиш призмаси ташқарисига ва хандақ четидан 1 м дан узоқ ерга 
жойлаштириш керак. 
Агар кабел қўлда ѐтқизиладиган бўлса, умумий ишчилар сони кабел 
бўлагини оғирлиги ҳар бир эркак учун 35 кг, аѐл учун 15 кг ҳисобидан 
аниқланиши керак. Иш брезент қўлқопда бажарилиши зарур. 
Кабелни ѐтқизиш жараѐнида ишчиларни қайрилиш бурчаклари ичида 
туриши ва бурчакларда кабелни қўлда ушлаб туриб узатиш ман қилинади. 
Бундай мақсадлар учун бурчак роликлари ўрнатилиши зарур. 
Кабелни электр токи билан иститиш учун кучланиши 380 В дан юқори 
бўлган трансформаторлардан фойдаланиш ман қилинади. 
Кабелни ва муфталарни бошқа ерга кўчиришни кабел тармоғи 
ўчирилганидан сўнг, бажарилиши зарур. 
Кучланиш остида бўлган кабелларни бошқа ерга кўчириш, қуйидаги 
шартлар бажарилганидан сўнг, рухсат этилиши мумкин: 
- кўчирилиши мумкин бўлган кабелни ҳарорати 5°С дан кам бўлмаслиги; 
- кўчирилиши керак бўлган кабел бўлагидаги муфта ѐғоч тахтага 
хомутлар билан қаттиқ маҳкамланган бўлиши; 
- иш мобайнида диэлектрик қўлқоп
кийиб, устидан механик 
шикастланишдан ҳимоя қилиш мақсадида, брезент қўлқоп
кийиб ишланиши; 
- ишлар, кабел ѐтқизиш тажрибасига эга бўлган ишчилар томонидан V 
гуруҳга эга бўлган ходим назоратида бажарилиши шарт; 

---