Hujjat matni 537266-(551546)

Viloyat komissiyasi masʼul kotibi oʻziga yuklangan vazifalardan kelib chiqib:
viloyat hududidagi voyaga yetmaganlar oʻrtasida nazoratsizlik va huquqbuzarliklarning profilaktikasi, ushbu hodisalarning kelib chiqish sabablarini bartaraf etish, bolalarni joylashtirish va ularning huquqlari, erkinliklari va qonuniy manfaatlarini himoya qilish
boʻyicha tadbirlarni ishlab chiqadi va amalga oshirilishini nazorat qiladi;
tumanlar (shaharlar) komissiyalarining ishini nazorat qiladi va yoʻnaltiradi, ularning faoliyatini tahlil qiladi, ularga tashkiliy-uslubiy yordam koʻrsatadi;
davlat organlari va tashkilotlarning ijobiy ish tajribalarini umumlashtiradi va ommalashtiradi, ularga tashkiliy-uslubiy yordam koʻrsatadi;
voyaga yetmaganlar oʻrtasidagi nazoratsizlik va huquqbuzarliklar profilaktikasi, ularning huquqlari, erkinliklari va qonuniy manfaatlarini himoya qilish masalalari boʻyicha takliflar ishlab chiqadi;
davlat organlari, fuqarolarning oʻzini-oʻzi boshqarish organlari va nodavlat notijorat tashkilotlarining voyaga yetmaganlar oʻrtasida nazoratsizlik va huquqbuzarliklar profilaktikasi, ularning huquqlari, erkinliklari va qonuniy manfaatlarini himoya qilish
masalalari boʻyicha faoliyatini muvofiqlashtirish boʻyicha choralarni koʻradi;
Masʼul kotib joriy ishlarni va hududiy komissiya qarorlarining bajarilishi yuzasidan nazoratni amalga oshiradi.
tumanlar (shaharlar) komissiyalarining qarorlarini tekshiradi, noqonuniy yoki asossiz qarorlarni bekor qiladi.
Ota-ona yoki ota-ona oʻrnini bosuvchi shaxslar nazoratisiz va qarovsiz qolgan, ijtimoiy jihatdan xavfli ahvolda boʻlgan oilalarda yashayotgan, shuningdek, davlat va jamoatchilik yordamiga muhtoj boʻlgan boshqa voyaga yetmaganlarni ularning xulq-atvori,
psixologik portreti, yoshi, iqtidori, qobiliyati, qiziqishlari va boshqa omillarni inobatga olgan holda tegishli vazirlik va idoralar qarorlari (yoʻllanmalari) asosida oʻquv yili davomida vazirlik va idoralar tasarrufidagi umumtaʼlim yoki ixtisoslashtirilgan taʼlim
muassasalariga voyaga yetmaganlar ishlari boʻyicha komissiya tavsiyasiga asosan joylashtiri ishlarini tashkil etadi;
Chinoz tumanida joylashgan Respublika qiz bolalar oʻquv-tarbiya muassasasidagi tarbiyalanuvchilar bilan individual ravishda suhbatlar oʻtkazish asosida ularni toifalarga ajratgan holda ota-onasi yoki ularning oʻrnini bosuvchi shaxslarga qaytarish, vasiy yoki
homiy tayinlash, joylashtirishning boshqa shakllarini qoʻllash choralarini koʻradi;
manfaatdor vazirliklar va idoralar bilan birgalikda ixtisoslashtirilgan oʻquv-tarbiya muassasalari tarbiyalanuvchilari va ularning oilasidagi ahvolni har tomonlama oʻrganish va baholash, tarbiyalanuvchilar ixtisoslashtirilgan oʻquv-tarbiya muassasalaridan
qaytgandan soʻng ularni oʻqishga joylashtirish, ijtimoiy moslashuvi hamda oilasidagi muammolarni tezkorlik bilan hal etish choralarini koʻradi;
ijtimoiy jihatdan xavfli ahvolda boʻlgan voyaga yetmaganlar huquqbuzarlik yoki boshqa gʻayriijtimoiy xatti-harakatlar sodir etishi, nazoratsiz yoxud qarovsiz qolishiga sabab boʻlgan omillarni chuqur tahlil etib, ularni bartaraf etish choralarini koʻradi;
Toshkent viloyati hokimligi faoliyati sohasida davlat boshqaruvini takomillashtirish boʻyicha takliflar ishlab chiqishda qatnashadi;
prokuratura organlaridan kelib tushgan taqdimnoma va protestlar, adliya hamda huquqni muhofaza qiluvchi boshqa organlardan kelib tushgan taqdimnomalar ijrosini belgilangan muddatlarda ijrosi taʼminlanmaganligi haqida maʼlumotlarni yetkazadi.
Kelib tushgan taqdimnoma muhokamasi yuzasidan yigʻilish kunlarini rahbariyat bilan kelishadi va masʼul shaxslarni ishtirokini taʼminlash, ushbu masala yuzasidan tegishli materiallarni toʻplash masalalarini hal etadi;
Komissiyaning masʼul kotibi kundalik ishlarni rejalashtiradi va tegishli Toshkent viloyati hokimi va komissiya qarorlarining (farmoyish) bajarilishi ustidan nazoratni amalga oshiradi;
Komissiya tarkibiga kiruvchi aʼzolarining ish faoliyatini muvofiqlashtiradi;
voyaga yetmaganlarni tarbiyalash, oʻqitish, taʼminlash sharoitlari, shuningdek Oʻzbekiston Respublikasi Ichki ishlar vazirligi, Xalq taʼlimi vazirligi hamda Oliy va oʻrta maxsus taʼlim vazirligi tizimidagi muassasalarda voyaga yetmaganlar bilan muomala
qilish yuzasidan nazoratni tashkil etadi;
jazoni ijro etish muassasalaridan ozod etilgan yoxud ixtisoslashtirilgan oʻquv-tarbiya muassasalaridan qaytib kelgan voyaga yetmaganlarni ishga joylashtirish va ularning maishiy yashash sharoitini yaxshilashda yordam koʻrsatish, davlat yordamiga muhtoj
boʻlgan boshqa voyaga yetmaganlarni joylashtirish shakllarini aniqlashda, shuningdek voyaga yetmaganlarni ijtimoiy reabilitatsiya qilishga doir qonun hujjatlarida nazarda tutilgan boshqa funksiyalarni amalga oshirishda koʻmaklashadi;
voyaga yetmaganlar, pedagogik jamoalar va jamoatchilik oʻrtasida huquqiy targʻibotni amalga oshiradi;
voyaga yetmaganlarning, ularning ota-onasi yoki ota-onasining oʻrnini bosuvchi shaxslarning, shuningdek voyaga yetmaganlarning huquqlari erkinliklari va qonuniy manfaatlari buzilishi bilan bogʻliq boshqa shaxslarning murojaatlari, shikoyatlari va
arizalarini koʻrib chiqadi;
Ichki ishlar organlari bilan birgalikda tarbiyaviy taʼsir qilish yoki maʼmuriy jazolash choralari koʻrilgan, ozodlikdan mahrum etish bilan bogʻliq boʻlmagan jazoga hukm qilingan, jazoga shartli hukm qilingan va jazoni oʻtashdan muddatidan oldin shartli
ravishda ozod qilingan, ixtisoslashtirilgan oʻquv-tarbiya muassasalaridan qaytgan yoki tarbiya koloniyalarida jazoni oʻtagan voyaga yetmaganlarning hulq-atvorini kuzatib borishni tashkil etishda qatnashadi, shuningdek ushbu toifadagi voyaga
yetmaganlarning hisobini olib borishini tashkil qiladi;
zarur boʻlgan hollarda, voyaga yetmaganlarni ishga joylashtirish yoki ularni taʼlim muassasalariga yuborish chora-tadbirlarini koʻradi;
bolalarni ixtisoslashtirilgan oʻquv-tarbiya muassasalarida hamda yetim va ota-ona qarovisiz qolgan bolalar uchun moʻljallangan taʼlim muassasalarida saqlash va tarbiyalash sharoitlari, bolalarning istiqomat joylarida madaniy dam olishlari uyushtirilishi,
shuningdek zarur holllarda, umumiy taʼlim maktablarida, boshqa tavʼlim muassasalarida, madaniy-maʼrifiy muassasalar va sport tashkilotlarida voyaga yetmaganlar bilan tarbiyaviy ishlar olib borilishi yuzasidan nazoratni amalga oshiradi;
voyaga yetmaganlar nazoratsizligi va ular tomonidan huquqbuzarliklar sodir etilishining oldini olish, ularning huquqlari va qonuniy manfaatlarini himoya qilish masalalari boʻyicha davlat organlari, fuqarolarning oʻzini-oʻzi boshqarish organlari va jamoat
birlashmalarining faoliyatini muvofiqlashtiradi;
tuman va shahar komissiyalar faoliyatiga tashkiliy-uslubiy rahbarlik qiladi, yoʻnaltiradi va muvofiqlashtiradi, ularga uslubiy yordam koʻrsatadi, ularning ijobiy ish tajribalarini umumlashtiradi va ommalashtiradi.
ijro uchun topshirilgan yuqori tashkilotlar hujjatlari, viloyat hokimi qaror, farmoyish va topshiriqlari, murojaatlarning belgilangan tartibda ijrosini taʼminlaydi;
Komissiya faoliyati bilan bogʻliq hujjatlar yuzasidan ish yuritilishini tashkil etadi;
Komissiya hujjatlarini tegishli muassasa va tashkilotlarga joʻnatadi, tegishli maʼlumot va axborotlar joylardan komissiyaga tegishli boʻlgan axborot va maʼlumotlarni toʻplaydi. Komissiyaning kundalik faoliyati bilan bogʻliq ishlarni tashkil etadi;
Komissiya yigʻilishlarida koʻrib chiqiladigan birlamchi maʼlumotlarni toʻplaydi va komissiya yigʻilishlari boʻyicha hujjatlar tayyorlaydi.