Жигар раки –С22 : этиопатогенез, диагностика ва даволаш усуллари

Жигарнинг анатомик резекцияси (Brisbane классификацияси IHPBA 2000г.)

Анатомик термин	Куино бўйича сегментлар	Хирургик амалиётлар терминологияси
Дарвоза венаси тармоқланишига кўра жигарни иккинчи тартибдаги альтернатив бўлиниши
Ўнг олдинги сектор ёки ўнг парамедиана сектори	Sg 5, 8	Ўнг томонлама олдинги секторэктомия ёки ўнг томонлама парамедианали секторэктомия
Ўнг орқа сектор ёки ўнг ён сектор	Sg 6, 7	Ўнг томонлама орқа секторэктомия ёки ўнг томонлама ён секторэктомия
Чап ўрта сектор ёки чап парамедиана сектор	Sg 3, 4	Чап томонлама ўрта секторэктомия ёки 3,4 бисегментэктомия
Чап ён ёки чап орқа сектор	Sg 2	Чап томонлама ён секторэктомия ёки чап томонлама орқа секторэктомия ёки 2 сегментэктомия

Жигар циррози қўшилиб келган ГЦРни касаллик босқичини инобатга олган ҳолда даволаш усуллари
Барселонача босқичлаш тизими (BCLC - Barcelona Clinic Liver Cancer) цирроз фонида ривожланадиган ГЦРда қўлланилади ва ўсма жараёни босқичини,жигарнинг функционал ҳолатини,беморнинг объектив ҳолатини ва ўтказиладиган даводан кутилаётган самарани инобатга олади.
Ушбу босқичлаш тизимида 5 та босқич фарқланади:
0 - жуда эрта босқич; А– эрта босқич, В – оралиқ босқич; С- тарқалган босқич ва D –терминал босқич фарқланади.Бундан ташқари BCLC тизими ушбу ҳолатларни тавсия этилаётган оптимал даволаш стратегияси ва ўсмани прогнози билан боғлайди.
ГЦРнинг хирургик даволаш усулларидан бошқа усулларини шартли равишда:кимё дорилари билан даволаш (тизимли/регионар химиотерапия, химиоэмбо­лизация), маҳаллий деструкцияловчи усуллар (аблация, радиоэмболизация) ва нур терапияга ажратиш мумкин. Бир неча даво усулларининг комбинацияси самаралироқ эканлиги аниқланган.