«tasdiqlayman» О‘quv ishlari bо‘yicha prorektor

Maktab direktori:
-o’quv-tarbiya jarayoni va maktabning kundalik faoliyatiga bevosita rahbarlik qiladi, maktabda o’quv-tarbiya jarayonini rejalashtiradi va tashkil qiladi, bu jarayon qanday borayotganligini va uning natijalarini nazorat qiladi, maktab ishi sifatiga va samaradorliugiga javob beradi, sinfdan tashqari va maktabdan tashqari ishlarni tashkil qilish uchun zarur bo’lgan shart-sharoitlarni yaratib beradi;
-maktabning pedagog va boshqa xodimlari ishini rejalashtiradi, muvofiqlashtiradi va nazorat qiladi.
-kadrlarni saralash, ishga qabul qilish va joy-joyiga qo’yish ishlarini amalga oshiradi, xodimlarning mansab vazifalarini belgilaydi, pedagogik jamoatchilikning, o’quvchilar va ota-onalarning fikrlarini hisobga olib, sinf rahbarlarini tanlaydi, pedagoglar, ma’muriy, o’quv-tarbiyaga aloqador va xizmat ko’rsatuvchi xodimlarni ishga oladi,ishdan bo’shatadi; ularning kasbiy mahoratini oshrish, ijodiy o’sishi, ilg’or pedagogik texnologiyalarni qo’llashi uchun, pedagogik tajribalar o’tkazish uchun sharoit yaratadi;
-xodimlarning ijodiy tashabbusini qo’llab-quvvatlaydi va rag’batlantiradi, jamoada ijobiy ma’naviy sof muhitni shakllantiradi;
-maktabning ma’muriy –xo’jalik, moliyaviy ishini ta’minlaydi, davlat tomonidan ajratilgan mablag’lardan, shuningdek maktab fondi mablag’idan oqilona foydalanishni uyushtiradi, maktabda xavfsizlik texnikasi me’yorlari va qoidalariga rioya qilish tartibini yaratadi;
-o’quvchilar uchun mashg’ulotlar jadvalini, maktab xodimlarining ish jadvallari va pedagogik yuklamasini, tarifikatsion ro’yxatlar va mehnat ta’tillari jadvallarini tasdiqlaydi;
-pedagogik kengash qarorlari bajarilishini tashkil qiladi va ularning bajarilishi uchun mas’uldir;
-mehnat tarbiyasi va ta’limi bo’yicha, kasb tanlashga yo’naltirish, ijtimoiy foydali mehnat bo’yicha ishlarni yo’lga qo’yadi;
-o’quvchilarning o’z-o’zini nazorat qilish ishlarini yo’lga qo’yadi, maktab o’quvchilarining “Komolot”, “Kamalak” tashabbuskor tashkilotlariga yordam beradi;
-maktab o’quvchilari va xodimlari salomatligini muhofaza qilish maqsadida tegishli shart-sharoitlar yaratilishini ta’minlaydi;
-ish yuritish va maktab hujjatlarining to’g’ri olib borilishini, o’z vaqtida hisobot berilishini, maktab mulkining yaxshi saqlanishini ta’minlaydi;
-o’z faoliyati uchun maktab pedagogik kengash oldida, mahalliy vakolatli organlar oldida javobgardir,ma’lum muddatlarda ular oldida hisobat berib turadi.