Yozma nutq.
Qoralama maktubingizni oqqa koʻchiring.
Bu topshiriq oʻquvchilarga yozgan
matnlarini tahrir qilish, xato va
kamchiliklarini aniqlab, kerakli oʻrinlarini toʻldirib yozish koʻnikmasini
shakllantirishga qaratilgan. Oʻquvchilar yozgan matnlarini koʻrib chiqib, oqqa
koʻchirishlari lozim.
Tinglab tushunish.
Sinfdoshlaringiz yozgan maktublarni tinglang. Ularga munosabat bildiring.
Bu topshiriq oʻquvchilarning tinglab tushunish
hamda munosabat bildirish
koʻnikmasini shakllantirishga qaratilgan. Oʻquvchilar navbat bilan yozgan
maktublarini oʻqib berishlari lozim. Bir kishi oʻqiganda qolgan oʻquvchilar
tinglovchi boʻlib, sinfdoshlarining matniga munosabat bildirishlari aytiladi.
Bunda oʻquvchilar sinfdoshlarining
maktubini tinglar ekan,
uning berilgan
tavsiyalarga qay darajada amal qilganligiga, grammatik va mazmun jihatdan
gaplarning bogʻlanganligiga, olmoshlarning oʻz oʻrnida qoʻllanganligiga eʼtiborni
qaratishlari, oʻzi bildirilayotgan eʼtirozlarni izohlab berishlari lozim.
Oʻquvchilarning umumiy fikr aytishga yoʻl qoʻymaslik lozim.
Uyga vazifa.
Yozma nutq. Matn yaratish.
Quyidagi fikrlarni oʻqing. Oʻrganganlaringiz asosida tilning inson hayotidagi
oʻrni haqida ijodiy matn yozing. Fikrlaringizni sheʼr shaklida ifodalashingiz
ham mumkin.
Mazkur topshiriq oʻquvchilarning erkin fikrlab, ijodiy yondashishlariga
qaratilgan. Oʻquvchilar berilgan matnni oʻqib, ushbu matndan olgan xulosalarini
matn koʻrinishida yozishlari lozim. Bu jarayonda fikrlarini sheʼr
shaklda yozishlari
mumkinligi ham aytib oʻtiladi.
Bu topshiriq oʻquvchilar orasida yozuvchilikka qiziqadigan oʻquvchilarning
qobiliyatini yuzaga chiqarishga qaratilgan.
