Tilshunoslik
Download 1.99 Mb. Pdf ko'rish
|
Tilshunoslik nazariyasi
- Bu sahifa navigatsiya:
- Tayanch so‘z va birikmalar
- Adabiyotlar
Nazorat uchun savollar:
1.Tilning paydo bo‘lishi haqidagi farazlar haqida nimalarni bilasiz? 2.Tilning tarixiy taraqqiyoti qanday shakllangan? 3.Tilning tarixiy taraqqiyoti va o‘zgaruvchanligi qanday sodir bo‘lgan? 4.Tillarning o‘zaro ta’siri va rivojlanishi haqida nimalarni bilasiz? 5.Tildagi tarixiy-fonetik o‘zgarishlarni o‘rganuvchi soha qiyosiy – tarixiy tilshunoslik ekanligi haqida nimalarni bilasiz? Tayanch so‘z va birikmalar: Tovushga taqlid farazi, undov farazi, biologik omillar, mehnat chaqiriqlari farazi, imo-ishoralar, ijtimoiy kelishuv nazariyalari, qiyosiy-tarixiy tilshunoslik, lingvogeografiya, sub’ekt, predikat, ob’ekt, atribut. Adabiyotlar 1. O‘rinboyev B. O‘zbek tilshunosligi tarixi. –Samarqand: 1999. –80 b. 2.Nurmonov A. Tanlangan asarlar, 2-jild. Lingvistik ta’limotlar tarixi. –Toshkent, 2012. –232 b. 3.Usmonov S. Umumiy tilshunlik. –Toshkent: O‘qituvchi, 1972. –208 b. 4.Hasanov H. Mahmud Koshg‘ariy. –Toshkent. 1963. 5.Rasulov R. Umumiy tilshunoslik.–Toshkent: Fan va texnologiya, 2017. –312 b. 6.Mahmud Koshg‘ariy. Turkiy so‘zlar devoni. (Devoni lug‘otit turk). 3 jildlik. 1-jild. Tarjimon va nashrga tayyorlovchi: Solih Mutallibov. –T.: Fan, 1960. –500 b. 144 7.Кононов А.Н., Нигматов Х.Г. Махмуд Кашгарский о тюркских языках. История лингвистических учений. Средневековый восток. –Л., 1981. –135 c. 8.Лингвистический энциклопедический словар/ гл. ред. Ярцева В.Н. – 2-е изд., доп. –М. : Болшая рос. Энцикл., 2002. –709 с. 145 DUNYO TILLARI VA ULARNING TASNIFI 31-§. Dunyo tillari Til universaliyalari barcha tillarga tegishli hodisalardir. Barcha tillar sistem xarakterga ega bo‘lgani uchun, struktural tipologiyaning ob’ekti sanaladi. Dunyo tillarining tipologik tasnifini quyidagi turlarga bo‘lib o‘rganamiz: 1.Qiyosiy tipologiya. 2.Genetik tipologiya. 3.Morfologik tipologiya. Qiyosiy tipologiya qarindosh bo‘lgan va bo‘lmagan tillarni qiyoslash orqali ularning xarakterli xususiyatlarini o‘rganadi. Genetik tipologiya butun dunyodagi tillarni qarindosh va qarindosh bo‘lmagan tillarga ajratib, tillar oilasini belgilab beradi. Bunda asosan tillarning kelib chiqish manbasiga e’tibor beriladi. Morfologik tipologiya tillarning qarindoshlik aloqalaridan qat’iy nazar grammatik tuzilishi jihatidan turlarga ajratiladi. Bunda grammatik vositalarning ma’no to‘dalariga birlashishi muhim rol o‘ynaydi. Tillarning morfologik xususiyatlari, tiplari asosida muayyan guruhga birlashtirilib tasnif qilinadi. Morfologik tasnif bo‘yicha tillarning kelib chiqishi, tarixi, qarindoshlik aloqalari muhim emas, ularni grammatik xususiyatlari asosida muayyan guruhlarga birlashtirilib o‘rganiladi. Amorf (oʻzak) tillarga maye, xitoy, bamana, annam, Janubiy Sharqiy Osiyo mamlakatlari xalqlarining ko‘pgina tillari kiradi. Bu tillarning lugʻat tarkibi, asosan, bir boʻgʻinli soʻz oʻzaklardan iborat boʻlib, ularda turlanish, tuslanish xususiyatlari yoʻq. Shu bois ushbu tillarda soʻz yasovchi affikslar, yordamchi soʻzlar vazifasini bajaruvchi yuklamalargina mavjud. Oʻzak tillarda soʻz tartibi muhim ahamiyat kasb etadi. 146 Tillarning morfologik tasnifida dunyo tillarini muayyan morfologik xususiyatlariga koʻra guruhlash, ularning umumiy chizmasini yaratish jihatlari muhim, shu bois u hozir ham oʻz eʼtiborini yoʻqotmagan. Til doimiy taraqqiyotda bo‘lgani uchun undagi barcha belgilar o‘zgaruvchan ekanligini inobatga olib F. do‘. Sossyur shunday deydi: Ko‘plab tadqiqotchilar biror til oilasining xarakterli belgilari xususida gapirganlarida, asosan, uning bobo tili xususiyati haqida o‘ylaydilar va bunday holatda muammo juda yengil tuyuladi, chunki gap ma’lum til va ma’lum davr haqida boradi. Ammo kimdir na makon na zamon ta’sirida bo‘ladigan barqaror belgilar bor deb o‘ylasa, u evolyusion tilshunoslikning asosiy tamoyillariga tajovuz qilgan bo‘ladi. Mohiyatan o‘zgarmaydigan belgilar bo‘lmaydi, ular faqat tasodif tufayligina saqlanib qolishi mumkin. [F. do‘. Sossyur, 2019: 267]. Dunyo tillarini qarindosh va qarindosh bo‘lmagan tillarga ajratib o‘rganish XVIII asrning ikkinchi yarmida paydo bo‘lgan tarixiy-qiyosiy tilshunoslikning izlanish samaralaridan biridir. Umuman qiyosiy-tarixiy tilshunoslikning, tilshunoslikka qo‘shgan eng katta hosilasi butun dunyodagi tillarning geniologik tasnifini yaratish imkonini berganligi bilan ahamiyatlidir. Boshqacha qilib aytsak, komporativistikaning asoslanishi butun dunyodagi tillarning geniologik tasnifini yaratish imkonini berdi. Tillarni bir-biriga qiyoslab, taqqoslab o‘rganish tillardagi so‘zlarning ma’nolari, grammatik xususiyatlari bir-biridan juda katta farq qilishini ko‘rsatdi. Bir - biridan katta farq qilgan tillar kelib chiqishiga ko‘ra qardosh tillar bo‘la olmaydi. Shuningdek, tillarni qiyoslash oqibatida ba’zi tillarning leksik boyligi, grammatik xususiyatlari, ulardagi so‘zlarning shakllari va ma’nolari, paydo bo‘lish manbai ham bir-biriga ancha yaqin ekanligi ko‘rinadi. Bunday tillar bir tildan kelib chiqqan, qardosh tillar 147 hisoblanib, grammatik tuzilishi va boshqa xususiyatlari jihatidan bir-birlariga yaqin bo‘lgan tillar guruhi til oilasi deb qaraladi. Masalan, o‘zbek, uyg‘ur, qozoq, qirg‘iz, tatar, boshqird, ozorbayjon, yoqut, turkman, gagauz, qoraqalpoq, turk, chuvash kabi tillar turkiy til oilasiga kiritiladi. Chunki, bu tillardagi o‘xshashlik, yaqinlik, umuman, qardoshlik tomonlari ularning so‘z boyligi, fonetik, grammatik qurilishiga bir-biriga juda o‘xshaydi. Qardosh tillar jamiyatning tarixiy taraqqiyot jarayonida yo differensiya yoki integratsiya yo‘li bilan paydo bo‘ladigan tarixiy hodisadir. Shuning uchun tillarning qarindoshligini biologik hodisa deb qarash xatodir [I.Yo‘ldoshev, O‘.Sharipova, 2007: 156]. Qardosh bo‘lmagan ba’zi tillarda o‘xshashlik hodisalari uchrashi mumkin. Til ochiq tizim bo‘lgani uchun, bir tildan ikkinchi bir tilga tinimsiz so‘zlarning kirib kelishi yuz beradi. Ma’lu bir tilda boshqa bir qardosh bo‘lmagan tildan kirgan so‘zlar ham ko‘plab uchraydi. Masalan, o‘zbek tiliga arab tilidan: ism, fe’l, harf, kalima, jumla, qofiya, vazn, balog‘at, Download 1.99 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling