Toshkent moliya instituti b. I. Nurmuxamedova, sh. K. Xamdamov davlat moliyasi
Ijtimoiy ta’minot xarajatlarini davlat byudjetidan mablag‘ bilan
Download 3.69 Mb. Pdf ko'rish
|
Давлат молияси Дарслик-
|
16.4. Ijtimoiy ta’minot xarajatlarini davlat byudjetidan mablag‘ bilan
ta’minlash Ijtimoiy ta’minotga ehtiyoj jamiyat paydo bo‘lishi bilan tug‘ildi. Har qanday jamiyatda – uning iqtisodiy va siyosiy tuzilishidan qat’i nazar – o‘zlariga bog‘liq bo‘lmagan vaziyatlar sababli tirikchilik kechirish uchun mablag‘ topishga qodir bo‘lmagan aholi toifalari bo‘ladi. Ularga, eng avvalo, bolalar va keksa kishilar, nogironlar, yetimlar, yolg‘iz fuqarolar kiradi. Bundan tashqari, ijtimoiy yordamga muhtojlar safini vaqtincha yoki bir umr mehnatga layoqatsizligini yo‘qotgan odamlar to‘ldirishi mumkin. Jamiyat rivojlanishi va ijtimoiy aloqalar murakkab- lashishi bilan ijtimoiy yordamga muhtoj bo‘lgan fuqarolar qatoriga iqtisodiy sabablar oqibatidagi ishsizlar, kambag‘allar, shuningdek, inflyatsiyaning yuqori sur’atlaridan moddiy ahvollari og‘irlashganlar kiradi. Bunday toifadagi fuqarolarni ijtimoiy jihatdan qo‘llab-quvvatlash jamiyat miqyosida muayyan moliyaviy resurs- larni jamlash va ijtimoiy ta’minot maqsadlariga safarbar qilishni talab etadi. Bu maqsadlardagi moliyaviy resurslar bir qancha manbalardan moliyalashtirilishini oldingi bobda ta’kidlagan edik. Quyida keltirilgan jadvalda O‘zbekiston Respubli- kasi Adliya vazirligida 2010 yil 11 oktyabrda 2146-son bilan ro‘yxatga olingan “O‘zbekiston Respublikasi byudjet tasnifini qo‘llash bo‘yicha yo‘riqnoma”ga muvofiq, aholini ijtimoiy qo‘llab-quvvatlash va ijtimoiy ta’minlash bilan bog‘liq xarajatlari tarkibiga qanday xarajatlar kiritilganligi va ularni mablag‘ bilan ta’min- lash manbalari keltirilgan (16.1-jadval). 16-jadvalda byudjet tasnifining “Xarajatlarning vazifa jihatdan tasnifi” bo‘yicha xarajatlarning guruhlanishini va ularni mablag‘ bilan ta’minlash manbalarini ko‘rib o‘tdik va shuning guvohi bo‘ldikki, ijtimoiy ta’minot turlariga 365 kiruvchi bir qator xizmatlar: ijtimoiy nafaqalar, ijtimoiy xizmatlar va ijtimoiy xizmat ko‘rsatuvchi tashkilotlarni saqlash bo‘yicha xarajatlar bir necha manbalardan amalga oshirilar ekan. Bular: davlat byudjeti (respublika va mahalliy byudjetlar), Bandlikka ko‘maklashish davlat jamg‘armasi mablag‘lari, Byudjetdan tashqari Pensiya jamg‘armasi mablag‘lari va boshqa nobyudjet va nodavlat manbalar. Download 3.69 Mb. Do'stlaringiz bilan baham: 
|