Uliwma pedagogika

6. Pedagogikanın` ilim-izertleo` metodları - a`debiyatlardi u`yreniw, baqlaw,
gu`rrin`lesiw, interv`yu, eksperiment, mektep xu`jjetlerin u`yreniw, oqiwshilar islerin u`yreniw, 
reyting, test, anketalar, matematikaliq xa`m kibernetikaliq, aldin`g`i pedagogikaliq ta`jiriybelerdi
u`yreniw xa`m uliwmalastiriw 


O`zin-o`zi tekseriw xa`m baxalaw ushin sorawlar, ma`seleler, tapsirmalar xa`m 

testler 
1. Ta`rbiya ja`miyetlik qubilis degendi Siz qanday tu`sinesiz? 
2.Ta`rbiyanin` tariyxiy xarakteri degenimiz ne?
3. Pedagogikanin` ob`ekti xa`m pa`ni xaqqinda ne aytasiz? 
4. Bir alimlar pedagogika da`slep Evropada payda boldi dese, ekinshi bir alimlar
pedagogika da`slep Orayliq Aziyada payda boldi deydi. Sizin` pikirin`iz qanday? 


5. Shig`istin`, Orayliq Aziyanin` o`tmishtegi ulli oyshillarinin` du`n`ya pedagogikasinin`
rawajlaniwina, milliy pedagogikamizdin` payda boliwi, rawajlaniwi menen qa`liplesiwine 
qosqan biybaxa u`lesleri nelerden ibarat boldi?

6. O`zbekstanda pedagogika iliminin` rawajlaniwina kimler ku`shli ta`sir jasadi?

7. Qaraqalpaqstanda pedagogikaliq oylardin` rawajlaniwina kimler u`les qosti?

8. Pedagogikanin` basqa ilimler menen baylanisinin` a`xmiyetin misallar xa`m faktler
menen da`lillep berin`. 

---

9. Mektep mug`allimleri ja`ma`a`ti ishinen «Pedagogika—bul ilim», «Pedagogika ilim
emes iskusstvo», «Pedagogika xa`m ilim xa`m iskusstvo» dewshiler shig`ip qalip qizg`in ba`seki 
baslanip ketti.
Siz to`reshi sipatinda bul ba`sekini qanday sheshesiz? 
10. Sizge «Oqiwshilarda o`z betinshe erkin pikirlewge rawaj-landiriw» degen temani
izertlew nesip etse qanday ilim-izertlew metodlarin qollanar edin`iz? 
11. O`zin`iz qa`legen bir oqiwshinin` yaki studenttin` qizig`iw xa`m talaplarin aniqlaw
ushin anketa sorawlarin du`zin`. 
12. XXI Elektronli bilimlendiriw a`sirinde pedagogikada qanday jan`aliqlar boladi dep
oylaysiz? Bir qiyal etip ko`rin`. Oyin`izdi seminar sabag`inda mug`allim menen studentlerge 
aytip berin`, olar ne der eken.
13.Ta`rbiyani Etika, Estetika, sotsiologiya, psixologiya xa`m basqa bir qatar ilimler 
u`yrenedi. Berilgen juwaplardan ta`rbiyanin` pedagogika u`yrenetug`in mashqalasin tabin`.
A) Ta`rbiyani ja`miyetlik rawajlaniw faktori sipatinda u`yreniw. 
V) Ta`rbiyani adamnin` psixologiyaliq rawajlaniw faktori sipatinda u`yreniw.
S) Ta`rbiyani ja`miyettin` a`dep-ikramliq progressi ko`z-qarasinan u`yreniw. 
D) Ta`rbiyani uliwma insaniy xa`m milliy qa`diriyatlar ko`z-qarasinan u`yreniw.
E) Ta`rbiyani adamnin` rawajlaniwi xa`m qa`liplesiwi protsesi sipatinda u`yreniw. 
14.To`mende xa`r tu`rli ta`jiriybeler atlari keltirilgen. Solardin` ishinen qaysisin ilimiy-
pedagogikaliq Eksperiment metodi dep atawg`a boladi. 
A) Sabaqta ximiyaliq reaktsiyani ko`rsetiw ta`jiriybesi.
V) Mug`allimnin` sabaqti jan`asha o`tkeriw ta`jiriybesi. 
S) Ana tilin ma`mleketlik bilimlendiriw standarti tiykarinda du`zilgen oqiw
bag`darlamasina muwapiq ta`jiriybe-sinaw maydaninda oqitip ko`riw. 
D). Mektep qasi jer qiytag`inda xa`r tu`rli daqillardi egiw ta`jiriybesi.
E) Universitet, institut rektorin, mektep direktorin saylap qoyiw ta`jiriybesi 

---