yo saodat – yo falokat masalasidir. ( A. Avloniy).
Insonni dunyoga kelishi, faqat tug`ilishdan iborat tabiiy- biologik hodisa emas, balki tug`ilgandan keyin o`z zamonasining taraqqiyoti darajasiga ko’tarilishi, mavjud ijtimoiy-tarixiy tajribani egallashi, jamiyatda o’z o’rnini belgilab olishi, tarixiy jarayonning faol ishtirokchisiga aylanishi, o`z e’tiqodiga, o’zligiga, hayotda o’z o’rniga, mavqeiga ega bo’lishi va buning uchun tarbiya olishi kerak bo’ladi. Pedagogikaning lug`aviy ma’nosi yunoncha so’zdan olingan bo’lib, «bola yetaklovchi», ya’ni «tarbiyachi» degan ma’noni anglatadi.
"Pedagogikaning dolzarb masalalari" moduli 8 soatdan iborat bo`lib, quyidagi mavzularni o`z ichiga oladi:
2.1.1 – Mavzu. Pedagogikaning nazariy-metodologik asoslari. Milliy pedagogikaning mohiyati.
2.1.2 – Mavzu. Ta’lim sifatini oshirishda pedagog kompetentliligini rivojlantirish yo’llari.
2.1.3 – Mavzu. Pedagogik innovatsiyalar va ularning ta'lim jarayoniga qo‘llashda o‘qituvchining roli.
2.1.4. . Hamkorlik pedagogikasi va uning asosiy masalalari
Pedagogikaning nazariy metodologik asoslari, milliy pedagogikaning mohiyati, asosiy yo`nalishlari, uzluksiz ta’lim tamoyillari, vazifalari, pedagogik innovatsiyalar mazmun-mohiyatini tushuntirish bo'limning asosiy maqsadidir.
Yuqorida qayd etilgan maqsadga erishish uchun siz bo`lim mavzularini diqqat bilan o`rganib chiqishingiz hamda berilgan mashq va topshiriqlarni bajarishingiz zarur.
Bo`lim oxirida siz pedagogikaning nazariy-metodologik asoslari va milliy pedagogika tushunchasi, pedagogik kompetensiya tushunchasi va turlari uning shakllanish bosqichlari va modeli, pedagogik innovatsiyalar va ularni ta’lim jarayoniga qo’llashda o’qituvchining rolini, hamkorlik va xalq pedagogikasining asoslarini bilib olasiz, pedagogikaning ilmiy-tadqiqot usullarini amaliy faoliyatingizda tatbiq eta olasiz.
=> Quyida ilova qilingan "Terminlar" lug'ati yordamida Siz bo`lim mavzularida keltirilgan yangi atamalar izohi bilan tanishishingiz mumkin.
Pegagogikaga oid atamalar Глоссарий
Do'stlaringiz bilan baham: |
