Я. Маматова, С. Сулайманова

Эстетик ва креатив кўникмалар:
– Бўлажак журналист реал воқеликка асосланган фактлар ёрдамида сюжет ярата 
олади. Сюжетни яратиш жараёнида қаҳрамонининг тажриба ва ҳиссиётларини ўзиники 
билан таққослайди, яъни у шахсий қадриятларини медиада таклиф этилганлар билан 
таққослашни билади.
– Медиаконтентдаги мантиқ, ҳиссиёт ва образларнинг тарозида тенг бўлишини 
таъминлайди.
– Талаба медиаматнда ўз индивидуаллигини намоён қила олади.
– У амалиётда муаллифлик ҳуқуқларининг асосий тамойилларини қўллай олади.
Интерфаоллик кўникмалари:
– Талаба-журналист медиамаконда турли ролларни бажариши мумкин. 
– Талаба медиаларда тақдим этилган турли қараш, нуқтаи назарларни қабул қилади 
ҳамда баҳс-мунозараларда фаол қатнашади.
– У сўз эркинлиги тамойилини тўлақон тарзда тасаввур қилади ва ундан 
фойдаланади, медиадаги хусусий ва оммавий макон фарқини тушунади, медиага жалб 
қилинишнинг турли усулларини аниқлай олади.
– У вазиятга таъсир кўрсатишга қодир, медиа орқали мақсадли равишда мулоқотга 
киришади ва турли ижтимоий муаммолар бўйича оммавий баҳслар давомида фаол 
фуқаролик позициясини эгаллайди.  
Хавфсизлик кўникмалари: 
– Бўлажак журналист медиааудитория таркибини, унинг ижтимоий-демографик 
тавсифини билади, ахборотнинг муайян аудитория гуруҳларига таъсири технологиясини 
билади. 
– У медиа фойдаланувчиларининг ҳуқуқ ва мажбуриятларини билади ва улардан 
фойдаланади.
– Ёш журналист Интернетда ишлаш жараёнида ахлоқ меъёрларига риоя қилади, 
ахборотни ҳимоя қилади ва виртуал маконда ахборот конфиденциаллигини 
таъминлайди.
Ахборотни бошқариш бўйича кўникмалар: 
– Бўлажак журналист шахсий контентини тайёрлаш жараёнида турли манбалардан 
олинган ахборот билан ишлашни билади. Шу билан бирга сараланган ахборотни қайта 
ишлашни билади ва уни баҳолашда турли усуллардан фойдаланади.