Majburiyat predmeti. Majburiyat predmeti (mavzui) haqida ikki xil fikr mavjud. Ulardan biriga ko’ra, majburiyat predmeti faqat ashyolardan iborat bo’lib, ularga narsalar, pul yoki shartnoma asosida ko’rsatiladigan xizmatlar kiradi. Bu fikrga ko’ra, majburiyat predmeti bo’lgan barcha narsalar ikki guruhga bo’linadi: 1) xususiy alomatlari bilan belgilanmaydigan ashyolar – bunda ularning hajmi, og’irligi, miqdori ko’rsatiladi (masalan, pul, vino, don va h.); 2) xususiy alomatlari bilan belgilanadigan ashyolar (masalan, haykalchalar, guldonlar, uy-joy va h. k.), bunda ularning aniq belgilari, sifat xususiyatlari haqida shartnomada ko’rsatmalar mavjud bo’lish lozim.
Ikkinchi fikrga ko’ra, shartnoma majburiyati biror ashyoni berish (dare), nimadir ijro etish (fatsare), biror narsani taqdim etish (prestare)dan iborat. Ya’ni bunda shartnomadagi ashyolar emas, uni bajarish harakatlari nazarda tutiladi. Har ikki fikrning ham mantiqiy asosi bor.
Do'stlaringiz bilan baham: |
