Finans hám finanslıq munasábetlerdiń xarakterli belgileri

25. Qaznashılıq sisteması - Finans ministrliginiń zárúrli buwını, onıń tiykarǵı wazıypaları. 2004-jıl 26-avgustta «Mámleketlik byudjettiń qazna orınlanıwı haqqında»ģı Ózbekistan Respublikası Nızamı qabıl etildi. Usı nızamnıń tiyisli statyasında: «Mámleketlik byudjettiń qazna orınlawı nızam hújjetlerinde belgilep qoyılatuģın arnawlı wákillikli finans organı hámde onıń Qaraqalpaqstan Respublikası, walayatlar, rayonlar, qalalardaģı aymaqlıq bólimleri tárepinen ámelge asırıladı» –dep belgilep qoyılģan.Qaznashılıq finans ministrligine boysınatuģın yuridikalıq shaxs atına iye mámleketlik organı esaplanadı. Qaznashılıq Qaraqalpaqstan Respublikası Qaznashılıq Basqarması, Toshkent qalası hám walayatlar basqarmaları, qala hám rayonlarda Qaznashılıq bólimleri sıyaqlı aymaqlıq organları xızmet kórsetedi. Qaznashılıq Ózbekistan Respublikası Finans Ministri orınbasarı, Ózbekistan Respublikası Ministrler Kabineti tárepinen tayınlanģan Mámleket Qaznashısı basshılıq etedi.Qaznashılıq «Mámleketlik byudjettiń qazna orınlanıwı haqqında»ģı nızamda belgilengen, sonday-aq Ózbekistan Respublikası Finans Ministrligi tárepinen berilgen wákillikleri átirapında Qaznashılıqtıń birden-bir esap beti hám onıń subektlerin basqarıwdı ámelge asıradı. Qaznashılıqtıń wákillik berilgen lawazımdaģı shaxslarınan basqa hesh bir yuridikalıq shaxs yaki fizikalıq shaxs qaznashılıqtıń birden-bir esap beti qarjılarınan pul ótkeriw ushın bankke tólew tapsırmasın beriw huquqına iye emes.Ózbekistan Respublikası Prezidentiniń «Mámleketlik byudjettiń qazna orınlanıw sistemasın jánede rawajlandırıw ilajları haqqındaģı PQ-594-sanlı (28.02.2007) Qararınıń qabıl etiliwi menen finans Ministrligi janındaģı Qaznashılıqtıń juwapkershiligine tómendegi tiykarģı wazıypalar júkletiledi:-Mámleket byudjetiniń kassa orınlanıwı, sonıń ishinde, túsetuģın dáramatlardı túrli dárejedegi byudjetler ortasında bólistiriw, byudjetten qarjı alıwshılardıń qárejetler smetaları orınlawı hám Mámleketlik byudjet orınlawı haqqında esabat dúziw;-Mámleketlik byudjet qarjıların birden-bir qaznashılıq esap beti, sonday-aq, tiyisli byudjetler dáramatları hám qárejetleri ortasındaģı kassa úzilisleriniń aldın alıwda támiyinleytuģın territoriyalıq qaznashılıq esap-betlerin járiyalaw arqalı basqarıw;-Byudjet shólkemleriniń tovarlar (jumıs, xızmet) jetkerip beriwshiler menen shártnamalardı, sonday-aq, mámleketlik byudjet qarjıları esabınan kapital qurılıs boyınsha buyırtpashılardıń shártnamaları qárejetler smetasında kórsetilgen summalar hám maqsetlerge muwapıq ráwishte dúziliwi ústinen qattı qadaģalaw ornatıw tiykarında anıq shártnamalardı májbúriy dizimnen ótkeriw tártibin járiyalaw arqalı byudjet shólkemleriniń maqsetke muwapıq emes, tiykarsız qárejetlerdiń aldın alıw;-byudjet shólkemleri, sonıń ishinde áskeriy qorģaw hám qáwipsizlik dúzilmelerin finanslastırıwģa baģdarlanatuģın byudjet qarjılarınan paydalanıwdı maqullastırıw ústinen monitoringti ámelge asırıw, bunda olar tárepinen dúzilip atırģan shártnamalardıń sıpatı támiyinleniwin, olardıń maqsetke muwapıqlıģı hám baha sheshimin názerde tutıw hámde dáldálshılıq xızmetlerinen bas tartıw;-Qárejetler smetası hám dizimge alınģan shártnamalarda názerde tutılģan qatań summalar átirapında tovarlar (is, xızmet) jetkerip beriwshilerdiń úzliksiz esap-betlerine byudjet qarjılar alıwshılar atınan hám olardıń tapsırması boyınsha tólemlerdi ámelge asırıw arqalı tólem intizamına sózsiz boysınıwı ústinen qadaģalawdı támiyinlew;-Mámleketlik byudjet qazna orınlawınıń buxgalteriyalıq esabı hám esabatın júrgiziw, mámleketlik byudjet orınlanıwı haqqında informaciya jıynaw, qayta islew hám analizlew, sonday aq, Ózbekistan Respublikası mámletlik ishki sırtqı qarızlarģa xızmet kórsetiw, Ózbekistan Respublikası kepilliklerin orınlaw.Búgingi kúnde Qaznashılıq hám onıń aymaqlıq bólimleriniń shólkemlik strukturasına tiyisli normativ hújjetlerde kórsetilgen bolıp, zárúr hallarda qaznashılıqtıń oraylıq apparatı hám onıń bólimleri strukturasına finans organları basqarıw xızmetleriniń belgilengen sanı átirapında ózgerisler kiritiw huquqı berilgen.