|
3. Buxgalteriya esabɪ sistemalarɪ
Finanslɪq maǵlɪwmattan nátiyjeli paydalanɪw ushɪn ol málim bir standart formasɪnda bolɪwɪ lazɪm. Finansliq esabatlar sistemasɪn úyreniwshi predmet yaki pán buxgalteriya esabi delinedi. Buxgalteriya esabɪ sistemalarɪ ulɪwmalɪq finanslɪq sistema infrastrukturasɪnɪń eń áhmiyetli bólegi esaplanadɪ. Bizge belgili, dáslep buxgalteriya esabɪ sistemalarɪ finanslɪq shártnamalar dúziw processlerinɪń evolyuciyasɪ menen birge parallel ráwishte rawajlanǵan. Arxeologlar eramizdan aldɪnǵɪ 2000-jɪllarǵa tiyisli eski Vavilonda dúzilgen finanslɪq operatsiyalar boyɪnsha quramalɪ hám tolɪq esabatlardɪ topqan. Házirgi kúnge shekem buxgalteriyalɪq esabɪ sistemasɪnɪń rawajlanɪwɪnda tiykarǵv “sekiriw” bolǵan eki tárepleme jazɪw usɪlɪndaǵɪ buxgalteriya esabɪna ótiw – Italiyada–Oyanɪw dáwirinde júz berdi. Bul usɪldɪń júzege keliwinde sawda hám bank isleri tarawɪndaǵɪ quramalɪ finanslɪq operatsiyalardi gúzetip barɪwǵa bolǵan talap xoshametlewshi faktor bolɪp xɪzmet etti.
Do'stlaringiz bilan baham: |
