Fonemalarning lisoniy va nutqiy xususiyatlari bo‘yicha mashqlar tahlili. So‘z urg‘usi va bo‘g‘in turlari bo‘yicha mashqlar

Uyga vazifa: Topshiriqlar. 1.Gaplarni o‘qib, ajratilgan birliklardagi fonema va tovushlarni aniqlang. 2. Mavjud fonemalar turli o‘rinlarda qo‘llangan so‘zlar tuzib, qatorni boyiting. 3. Fonema va tovushning xususiyatlarini alohida-alohida bayon qiling. 4. a) fonemalarni o‘zaro qiyoslang; b) tovushlarni o‘zaro qiyoslang. 5. a) fonemalardagi umumiylikni aniqlang; b) tovushlardagi umumiylikni aniqlang. 6. a) fonemalardagi farqlarni toping; b) tovushlardagi farqlarni toping. 7. a) fonemalarni tasniflang; b) tovushlarni tasniflang. 8. a) fonemalarning zotiy tabiatini bayon qiling; b) tovushlarning zotiy mohiyati haqida hukm chiqaring. 9. Fonemalararo va tovushlar o‘rtasidagi lisoniy ziddiyat va munosabatlarni toping. 10. Fonemalarni qo‘llab mashq va test tuzing.


Ilmga mashg‘ul bo‘lsang, o‘zdiradi, amalga mag‘rur bo‘lsang, to‘zdiradi (Maqol). 2. Xudo har bir bandasiga mana bundo-oq yashang deb chiziq tortib, ko‘rsatib qo‘yibdi (H.Davr.). 3. Saroyning ichki bezaklarini ko‘rib bolalarga xos soddalik bilan zavqlanib ketdi (J.Lon.). 4. – O‘, Bo‘ri polvon, belbog‘ingni yaxshilab boyla, bo‘shab ketyapti! - Abil tentak, ehtiyot bo‘l-ov! (Т.Мур.) 5. U kishiga ixlos qo‘ymagan odam kamdan-kam edi. Ona tomondan ham juda haqqa yetishgan odamlarmiz (G‘.G‘ul.). 6. Bir lahza ko‘zlari olayib tikilib turdi-da, ko‘ksidan shamol g‘uvurini ham, o‘z vujudini ham larzaga soluvchi bir nido otilib chiqdi (O‘.Hosh.).

~ ~