Fosforitlarni boyitish korxonalari chiqindilari va ularni qayta ishlash
Download 1.54 Mb.
|
5-mavzu (2)
Фосфогипснинг ажратилиши ва ювилиши барабанли лентали, айланувчи конвейер-тарновли (каруселли) ва бошқа вакуум-фильтрларда амалга оширилади. Фильтрларга қўйиладиган асосий талаб бу фосфат кислотадан чўкмани яхши ювиб олишни таъминлашдир.
Кўпинча катта қувватдаги экстракцион системаларда тарновли карусел вакуум-фильтрлар қўлланилади (13.2 – расм). У алоҳида-алоҳида 24 тарновдан иборат ва уларнинг таг қисмига фильтрловчи тўқима ётқизилган бўлади. Тарнов узунлиги 1,9 м ни, эни - ички бўлмасида 0,9 м ни, ташқи бўлмасида эса 1,2 м ни ва чуқурлиги 0,2 м ни ташкил этади. Тарновлар айланма рельс бўйича ҳаракатланадиган ғилдиракли аравачаларга ўрнатилган бўлади.Вакуум-фильтрларда фосфогипсни ажратишда 1 м2 фильтрлаш юзасидан бир соат ичида 500-800 кг гипс чўкмаси ёки 1000-1400 кг яримгидрат ажратилади (қуруқ масса ҳисобида). Фосфогипснинг гигроскопик намлиги 35-40% ни ташкил этади. Олинадиган (қуруқ) фосфогипснинг миқдори фосфатнинг нави ва кальций сульфатнинг гидратланиш даражасига боғлиқ ҳолатда қайта ишланадиган табиий фосфат массасининг 120-160% ини ташкил этади. Апатитнинг қайта ишланишида кальций сульфат яримгидратининг унуми 140% ни, дигидратининг унуми эса 160% ни ташкил қилади. Ювилган сульфатли чўкма фильтрлаш цехидан «қуруқ» ҳолатда транспортёр, автомашина ва бошқалар ёрдамида йўқотилади ёки сув билан қориштирилиб насос ёрдамида чиқинди ҳовузларига ҳайдалади.
Download 1.54 Mb. Do'stlaringiz bilan baham: 
|