Г. И. Мухамедов 2022 йил Чирчиқ давлат педагогика университети ҳузуридаги dsc

Эътиборингиз учун раҳмат!
Раис, б.ф.д., проф. Р.А.ЭШЧАНОВ: – Семинар аъзоларида маъруза юзасидан қандай саволлар бор?
Педагогика фанлари доктори, профессор Д.О.Химматалиев: –
1. Тадқиқотингиздаги “Лойиҳа методи”, “Фикрлаш дизайни”, “Web квест” каби web-дизайн бўйича компетентликни ривожлантиришга хизмат қилувчи таълим методларини тавсифлаб берсангиз?
2. Олиб борилган тадқиқот натижалар самарадорлигини ҳисоблашда Стьюдент статистикасидан фойдаланибсиз, авторефератда келтириб ўтилган 2-жадвалда ўртача киймат қандай топилди?
Тадқиқотчи Ф.П.Рахмонкулов: – Раҳмат, саволлар учун.
Биринчи саволга жавоб: 1. “Фикрлаш дизайни” – бу инновацияни яратувчи методикадир. Унинг калит элементи – муаммони чуқур тушуниш ва кузатиш. Фикрлаш дизайни олиб бориш босқичлари қуйидагилардир:
1. Тушуниш – берилган муаммоли вазиятни тушуниш;
2. Фокус − аниқ муамммога йўналтирилган асосий нуқта;
3. Ғоя − ғоялар ишлаб чиқиш;
4. Прототип − прототип яратиш;
5. Тест − натижани текшириш
2. Web-квестни қўллаш методикаси. Дарсда web-квест методидан фойдаланиш учун ўқитувчи муаммоли вазифаларини яратади ва уларни интернет орқали ишлаш имкониятига эга электронквест кўринишида шакллантиради. Дарс давомида ўқитувчи талабалар учун маслакдош вазифасини бажаради ва улар билан биргаликда изланишда тақдим этилган тестларни топширишга ҳаракат қилади. Шу асосда қурилган дарс янги материални ўрганишга ҳам, уни такрорлашга ҳам қаратилиши мумкин.
3. Бўлажак информатика ўқитувчисининг web-дизайн бўйича компетентлигини ривожлантиришда “лойиҳалаш методи” ни қўллаш яхши самара беради. Лойиҳа деганда, ўқитувчи томонидан мустақил бажариладиган субъектив мақсад асосидаги ҳаракатлар маҳсулот яратишни ниҳоясига етказиш, мазкур меҳнат объекти лойиҳалаш жараёнида тайёрланган бўлиб, у ёзма ёки оғзаки тарзда тақдим этилади. Шу боис энг муҳим компетенцияларни ривожлантиришда Лойиҳалаш методи, бошқа методларга қараганда кўпроқ зарурдир. У предмет мазмунига кўра универсал, дунё педагогик тажрибаси унинг ниҳоятда самарадор эканлигини тасдиқлаб турибди.