G qarshiboyeva, J. Majidov

Qattiqqо‘llik  –  bir  qarashda  emotsional  rad  etishga  о‘xshaydi, 
lekin  undan  ochiqroq  va  og‘irroqdir.  Qattiqqо‘llik  tо‘g‘ridan-tо‘g‘ri 
bolani  yoshligidan  kaltaklash,  haqorat  qilish,  kamsitish  shaklida  yoki 
bola  ehtiyojlariga  tо‘la  befarqlik,  uning  bor-yо‘qligini  gо‘yoki 
sezmaslik  kabi  kо‘rinishlarda  bо‘lishi  mumkin.  Ikkala  holatda  ham 
bola  yoshligidan  nima  qilib  bо‘lsa-da,  tezroq  katta  bо‘lish,  о‘zi 
amallab  tirikchiligini  qilish,  ota-ona  tazyiqidan  qutulishni  о‘ylab 
yashaydi.  Bunday  oilada  bolani  u  yoki  bu  xulqi  uchun  jazolash  odat 
tusiga  kirib  qoladi,  bola  qо‘rqqanidan  ota-ona  hukmiga  itoat 

---

79 
 
etayotganligi,  buning  istiqbolda  yomon  asoratlari  borligini  kattalar 
bilmaydilar,  bilsalar  ham  bu  usul  ular  uchun  samarali  tuyuladi. 
Aybdorlik,  aybga  yarasha  jazo  kabi  usullar  bola  xulq-atvorini 
boshqaruvchi  psixologik  omilga  aylanadi,  u  ham  kelajakda  doimo 
aybdorlarni qidirishga о‘rganib boradi.  
A.  Freyd  nazariyasiga  kо‘ra,  ana  shunday  jazoga  hukm  etilgan 
bola tobora agressiv bо‘lib borib, о‘zida alamni qaysidir bir obyektdan 
(о‘zidan  kichiklardan,  begonalardan,  hayvonlardan)  olishga  qasd 
qiladigan,  qasoskor  bо‘lib  о‘sadi.  Amerikalik  olim  S.  D.  Sherrits 
(2003) oiladagi ana shu kabi qattiqqо‘lliklarning bola va ota-ona xulq-
atvoriga  salbiy  ta’sirini  о‘rganib,  ularning  xarakterida  rо‘y  beradigan 
о‘zgarishlarga tо‘xtalib о‘tgan. Jismoniy jihatdan bolaga zug‘um qilib, 
uni  kaltaklash  holatlari  deyarli  barcha  ijtimoiy  qatlam  vakillariga 
xosdir.  Hayotda,  ish-faoliyatida  omadi  kelmagan  yoki  baxtsiz 
muhabbat  qurboni  bо‘lgan,  lekin  farzand  kо‘rgan  ayollarning 
aksariyati  achchig‘ini  bolasidan  olishga  moyillik  tarkib  topadi,  bu 
tobora  hayotiy  kо‘nikmaga  aylanib  boradi.  Ayniqsa,  stress  omillar 
ta’sirida  ota-ona  (masalan,  ishsizlar,  uyi  yо‘qlar,  ish  qidirib  boshqa 
yerlarga ketib qolgan migrantlar, etnik yoki moliyaviy ziddiyatlarning 
qurbonlari,  kambag‘allar)  о‘z  ijtimoiy  muammolarini  hal  qilaolmay, 
tug‘ilgan bolasidan о‘ch ola boshlaydi.  
Turmushdagi  muammolar  qanchalik  ota  yoki  ona  uchun 
murakkab  tuyulsa,  ularning  bolasini  kaltaklashi,  undan  о‘ch  olish 
ehtimoli  shuncha  yuqori  bо‘lishini  olimlar  о‘rganishgan.  Shunisi 
xarakterliki, bolasini tez-tez dо‘pposlaydigan ota-ona ayrim holatlarga 
unga  qattiqqо‘lliklarining  sababini  aytib,  bu  kabi  harakatlarni  nima 
uchun,  nima  sababdan  amalga  oshirayotganligini  tushuntirishga  ham 
jazm  qiladi,  bolani  ularni  tushunishga,  hattoki,  kо‘mak  berishga 
chaqiradi.  Masalan,  topganini  о‘zi  kо‘chada  yeb,  alkogolga 
almashtirib  kelib,  achchig‘ini  yana  boladan  oladi-da,  puli  asli  kam 
ekanligini,  ichmasa  turolmasligini  bolaga  tushuntiradi.  Bunda 
bolaning  yoshi  unchalik  ahamiyatli  ham  emas,  2  yoshdan  о‘tgan 
bolaga nisbatan jazo choralari kо‘rilganligini ayrim holatlarda OAVda 
aks ettiriladi.