Gandbol darvozabonining o`yin texnikasini tasnifi

Gandbol darvozabonining o`yin texnikasini tasnifi.

Gandbol darvozabonni jamoada eng qiyin va mas’ul vazifani bajaradi. Uning harakati faqat darvozaning xavfsizligini emas, balki hujumning natijasini ham belgilaydi. Darvozabon uchun muhimi - avvalo bo`yi, tezlik reaksiyasi, mo`ljallay olish, chaqqonlik, kuch, chidamlilik kabi sifatlaridir. Darvozabonning dastlabki o`yin texnikasiga turish, siljish, chalg’itishlar, to`pni qo`l, oyoq, gavda bilan qaytarish va to`pni uzatishlar kiradi. Darvozabon texnik usullariniing muvaffaqiyatli bajarilishi ko`p jihatdan uning harakatga qanchalik tayyor ekanligi bilan belgilanadi. Darvozaboning dastlabki holatni to`g’ri tanlay bilishi uning harakatga tayyor ekanligi omillaridandir.

Darvozabonning turish holatlari. Darvozabon harakatdagi to`pning vaziyatiga bog’liq ravishda har-xil holatda turishi mumkin. Darvozada turishning asosan ikki turi mavjud: darvoza o`rtasida va darvoza ustunlari yonida. Darvoza o`rtasida asosiy holatda turib harakat qilish qulaydir: oyoqlar yelka kengligida, sal bukilgan, gavda og’irligi ikki oyoqqa baravar bo`lingan, gavdaning yuqori qismi ozgina oldinga egilgan, qo`llarning kaftlari oldinga qaratilgan holda sal bukilib, yon tomonga uzatilgan, kaftlar balandligi taxminan yelka balandligiga teng yoki undan ham balandroq bo`lishi mumkin

Agar hujumchi to`p otishni burchakdan bajarayotgan bo`lsa, unda darvozabon darvoza ustuni yonida turib (oyoqlar oralig’i 15 - 20 sm), darvozaga yaqin bo`lgan qo`lini yuqoriga ko`tarib tirsak bo`g’ini salgina bukilgan bo`ladi, shunda darvozaning yuqori burchagini yopadi; ikkinchi qo`li yon tomonga uzatilgan, gavda og’irligi darvozaga yaqin turgan oyoqqa o`tkazilgan; Ana shunday holatda darvozabon bevosita to`pni qaytaradi yoki tez -tez oldinga chiqadi.

Darvozabonning siljish harakatlari. Darvozabon joyini asosan yon tomonga qadam qo`yib o`zgartiradi. Bu uning o`z yo`nalishini tez - tez almashtirishiga va to`pni qaytarish uchun tayyor bo`lishiga imkoniyat yaratadi.

Darvozabon to`pni olib qo`yishni, sapchigan to`pni egallab, uni o`yinga kiritishni, raqiblar tomonidan tez yorib o`tishni ta’minlovchi to`pni egallashini, oldinga va orqaga tez, harakat qilishni, keskin start olishni bilishi shart.

Agar hujumchi to`p otishni burchakdan bajarayotgan bo`lsa, unda darvozabon darvoza ustuni yonida turib (oyoqlar oralig’i 15 - 20 sm), darvozaga yaqin bo`lgan qo`lini yuqoriga ko`tarib tirsak bo`g’ini salgina bukilgan bo`ladi, shunda darvozaning yuqori burchagini yopadi; ikkinchi qo`li yon tomonga uzatilgan, gavda og’irligi darvozaga yaqin turgan oyoqqa o`tkazilgan bo`ladi. Ana shunday holatda darvozabon to`pni bevosita qaytaradi yoki tez -tez oldinga chiqadi.

Darvozabon hamla qilish harkatlaridan va oyoqlarni bir chiziq bo`ylab yozib o`tirish (shpagat) holatidan tez - tez foydalanishga to`g’ri keladi, shu- ning uchun u bu harakatlarni har tomonga bemalol bajarishni bilishi juda zarur. Uning har xil sakrashlarni bajarishi o`yinda alohida ahamiyatga ega.

Darvozaboning to`p otayoggan o`yinchiga peshvoz chiqishi va sakrashi - darvoza qo`riqlashning murakkab usullari qatoridan o`rin olgan. Darvozaning nishonga olingan burchagini kamaytirish uchun darvozabon yuqoriga yoki uzunlikka sakrab darvozaga yo’naltirilgan to`pning yo`lini to`sishga harakat qiladi.

Odatda, darvozobon sakraganda, to`pning yo’nalish yo`lini ko`proq kamaytirish uchun oyoq va qo`llarini yon tomonga yoyadi. Darvozabon raqiblar bilan to`p uchun kurashda ko`pincha aldash harakatlarini ishlatadi. Chalg’itish maqsdida bir tomonga egilib, keyin boshqa tomonni to`sadi, tez - tez yolg’on chiqishlarni qo`llaydi. Bunday holatlarda hujumchi to`pni darvozabon ustidan oshirib tashlaydi, lekin bunday bo`lishini oldnidan kutgan darvozabon darhol orqaga qaytib, to`p yo’lini to`sishga ulguradi.

To`pni ilish darvozabon o`yin texnikasining eng muhim elementlaridan biridir. Kuchli otilgan to`pni ilish imkoni yo’q bo`lsa ham, uni qaytargandan so`ng egallab olish muhimroqdir, chunki qarshi hujumga o`tish boshlanishi kerak. Shuning uchun darvozabon to`pni ilib olgani ma`qul. Lekin eng yaxshi yo`li to`pni ikki qo`llab ilib olish.

To`pni ushlash darvozabon harakatlaridagi asosiy o`rinni egallaydi. Muhimi, otilgan to`pni (amortizatsiya qilib) tezligini pasaytirib ushlay bilish kerak. Buning uchun to`p kaftga urilganda, qo`l, kaft va barmoqlarini o’zgina orqaga yuborish maqsadga muvofiqdir. Yaqin masofadan sapchib kelgan to`pni darvozabon ushlab olmog’i lozim.

To`pni qaytarishda, ushlab olishda darvozabon bir yoki ikkala qo`lni ishlatishi, baravariga oyoq va qo`l bilan yoki gavda bilan ham to`pni qaytarishi mumkin.

Yuqoridan kelayotgan to`pni darvozabon bir yoki ikki qo`llab ushlaydi. Agar to`p qaysi tarafdan kelayotgan bo`lsa, unda darvozabon to`p kiritish burchagini kamaytirish uchun shu tarafga yoki oldinga bir qadam tashlaydi yoxud sakraydi va to`p ushlashni o’sha tomondagi qo`l barmoqlari yoki kafti bilan bajaradi. Ba`zan bu usul sakrab yiqilgan holda ham bajariladi, lekin bu maqsadga muvofiq emas, chunki bunday usulni bajarishga ko`p vaqt sarflanadi, oqibatda, to`pni qaytargandan so`ng darvozabon o`zining mo`ljalini yo’qotadi. Bunday harakatlarni bajarishda muvozanat yo’qotishga kam «vaqt sarflab, asosiy holatda turishni saqlagan ma`qul.

Darvozaning pastki qismiga otilgan to`p oyoq, bilan qaytariladi. To`p kelayotgan tomon aniqlanib, darvozabon shu tomonga oyoq kaftlarini to`g’rilab, maydonga yaqin keng qadamga hamla qilishga intiladi. Bunda son va boldir orasidagi burchak 90°ni tashkil etadi. Shu tarafga oyoq bilan birga ehtiyotdan o’sha tomondagi qo`l ham cho`ziladi: boshqa qo`l esa muvozanat saqlash uchun yuqoriga ko`tariladi. Hamla qilish oxirida oyoq to`liq tug’rilanadi va darvozabon to`g’ri chiziq bo`ylab oyoqlarini yozib, «shpagat» holatini oladi yoki ikkinchi oyoq tizzasiga tushadi, so`ng tez asosiy holatda turishga qaytadi.

Eng chekka pozitsiyadan darvozaning uzoq, pastki burchagaga yunaltirilgan to`pni darvozabon shu tarafdagi qo`l va oyog’ni baravariga siltab yoki hamla qilib ushlaydi,

Darvozabonning to`pni uzatish texnikasi. Darvozabon tomonidan tez va aniq uzatilgan to`p jamoaning hujumga o`tishi uchun muhim sharoit yaratishning garovidir. Shuning uchun darvozabonning baland traektoriya bilan yoki uzoq masofalarga to`pni yuqorida qo`lni bukib uzatishni qo`llashi qoida tusiga kirib qolgan. To`p egallaganidan so’ng darvozabon, uni uzatish uchun qulay tarafni tanlaydi.

Darvozabonning harakati samarali bo`lishi uchun eng to`g’ri pozitsiyasi darvoza o`rtasi hisoblanadi. Darvoza oldida uning markazidan bir metrgacha masofa bo`ylab harakat qiluvchi darvozabon baland «traektoriya»da keladigan to`pni egallashga doim tayyor bo`lishi lozim. To`p otilishini boshlashini aniqlagach, darvozabon darvoza maydoniga to`p kiritish imkoniyatini kamaytirish uchun oldinga chiqadi. Otilayotgan to`p 30 gradusdan kichik burchak ostida bo`lsa, u holda darvozabon darvoza ustunlari yonidan joy oladi.

Darvozabon hech vaqt to`pni nazoratsiz qoldirmasligi va o`z vaqtida hujumchining to`p otish usulini bu harakat boshlanishidan oldinroq aniqlashi juda muhimdir.

Agar uning jamoasi hujum qilayotgan bo`lsa, unda u 9 metrli chiziq yonida joylashadi, tasodifan jamoasi to`pdan ajrab qolib, raqiblar tez yorib o`tish hujumni amalga oshirsalar, o`yinga qo`shilishga tayyor bo`lib turadi. Bunday holda u to`pni egallash uchun maydonga chiqishi mumkin. Urinishi muvaffaqiyatsiz bo`lsa, unda orqaga chekinadi va darvozada turib, tez yorib o`tib to`pni darvozaga otayotgan hujumchining to`pini qaytarishga harakat qiladi.

Gandbol darvozabonining o`yin texnikasiga o`rgatish metodikasi.

Darvozabonning o`rgatish jarayoni juda murakkab bo`lib tayyorgarlikning barcha bosqichlarini o`z ichiga oladi. Murabbiy doimo esda tutishi joizki, gandbol darvozaboniga individual mashg’ulotlar nafaqat boshlang’ich davrda o`rgatish uchun, balki takomillashtirish davrida xam asosiy o`rin tutadi. Ularning mashg’ulotlari murabbiyning doimiy “yo`naltiruvchi” nazorati ostida o`tishi zarur. Afsuski,aksariyat yuqori malakali gandbol jamoalari darvozabonlari o`z malakalarini umumiy jamoa mashg’ulotlari davrida rivojlantirishadi,ammo individual mashg’ulotlarga e`tiborsizlik bilan qaramasliklari lozim.

Darvozabonlarni tayyorlash uchun maxsus uslubiy qo`llanmalarni yo`qligi va darvozabonni o`yindagi bajaradigan roliga yyetarli ahamiyat berilmasligi deb tushu- nishi lozim. Murabbiylar asosiy e`tiborni jamoasini tayyorlashga qaratadi, darvobonni mashg’ulot davomida oladigan yuklamasi esa juda kam foizni tashkil etadi.

Darvozabonlarning har kunlik individual mashg’ulotlari (3-5 darvozabon bilan) 1,5-2 soatni tashkil qilishi kelajakda “darvozabon yarim jamoa” ta`rifi to`g’riligiga isbot bo`lishi mumkin. Darvozabonlar bilan individual mashg’ulotlar o`tkazish ancha murakkab vazifa. Darvozabon harakatidagi “ikir-chikir”larni ya`ni nozik tamonlarni bilish murabbiydan har bir darvozabonga alohida e`tibor bilan qarashiga majbur qiladigan holatdir.

Darvozabonlikka o`rgatishda didaktik printsiplarni quyidagi ketma-ketligiga e`tibor berilishi lozim;-tushunib harakat bajarish,-faollik,-tizimlilik;-bosqichma-bosqich;-ko`rgazmalilik;-o`rganishga osonlik;-ishonchililik.

Mashg’ulotlarni o`tish usullari-tushuntirish, mashqlarni bajarilishini ko`rsatib berish, aylanma mashg’ulot va h.k.

O`rgatishning boshlang’ich davrida murabbiy darvozabonlarga taqdim qilinayotgan materiallar texnik yoki taktik tayyorlovning qaysi bo`limiga to`g’ri kelishini bu materiallarni qanday o`yin vaziyatlarda qo`llanishini tushuntirib berishi, keyinchalik nazariy tushuntirilgan texnik yoki taktik usulni to`laligicha ko`rsatib berishi o`rgatishni osonlashtiradi. Agar murabbiy o`rgatiladigan o`yin usulini ko`rsatib bera olmasa mashg’ulotdagi malakali darvozabondan ko`rsatib berishni so`rashi kerak. Murabbiy boshdayoq usullar noto`g’ri bajarilganda uni xatoligini o`z o`rnida ko`rsatishi lozim. Agar darvozabon usul mazmunini tushu- nishmasa yoki noto`g’ri bajarsa uni qayta bajarishni so`rash kerak.

Murabbiy darvozabonlarni u yoki bu usul mazmuni va uni qanday bajarilishi to`g’risida to`liq tushunganlariga ishonch xosil qilgandagina usullarni bajartirishga kirishishi mumkin. Agar o`rgatilayotgan usul murakkab bo`lsa, qismlarga bo`lib o`rgatiladi. Agar o`rgatish jarayonida biror-bir usul alohida-alohida elementlarga bo`lib o`rgatilsa, keyin barcha elementlarni qo`shib birgalikda to`la usul qilib bajartiriladi. Murakkab usullarga pastdan yo`naltiriladigan to`plarni qaytarishni kiritish mumkin. Bunday to`pni qaytarishda darvozabon avval chap yoki o`ng tomonga siljiydi va “shpagat”da oyoq bilan to`pni qaytarishga harakat qiladi.

Bu usulni o`rgatishda avval siljish keyin “shpagat” qilish, to`pga oyoqni qo`yish kabilar bo`lib o`rgatiladi. Keyin bu elementlarni birgalikda bajartiriladi. O`rgatish jarayonida o`rgatilgan materialllarni qayta-qayta takrorlash natijasida mukammal bilishga yoki harakatni shartli refleksi darajasiga ko`tarishga erishiladi. Darvozabon o`z harakatlarini taxlil qila oladigan, murabbiy uni xatolarni kuzatib to`g’rilashni qanchalik tez amalga oshirsa, muvaffaqiyatga shu nchalik tez erishiladi. .

Darvozabon uchun guruhda shu g’ullanish vaqtida mashg’ulot zichligiga erishib bo`lmaydi. Negaki u ham barcha bilan birga badan qizdiradi va mashg’ulot boshlanishi bilan darvozaga turib to`plarni qaytarishga tushib ketadi. Kamdan kam xollarda maxsus badan qizdirish mashqlari beriladi.

Bunday mashg’ulotda foydali vaqt birligi darvozabon uchun 20 minutdan kam bo`ladi. Sababi jamoadagi darvozabonlar tez-tez o`rinlarini bir-birlariga bo`shatib berishlari kerak bo`ladi.

Bunday “majburiy” turib qolishlar jamoani taktik kombinatsiyani o`rganayotganlarida ham kuzatish mumkin. Bunday “bo`sh” turishlar bo`lmasligi uchun jamoa murabbiyi darvozabonlarga u yoki bu texnik usulni individual shu g’ullanib o`zlashtirishga-takomillashtirishga topshiriq bergani foydali bo`ladi.

Mashg’ulotlarni zichlik darajasi har xil bo`lishi mumkin. Masalan: o`rgatishning dastlabki mashg’ulotlarida tushuntirish va ko`rsatish ko`p bo`lganligi sababli mashg’ulot zichligi kam bo`lishi tabiiy. Lekin keyingi mashg’ulotlarda mashg’ulot zichligini oshirib boriladi. Mashg’ulotlar zichligi mashg’ulot vaqtini to`g’ri taqsimlanishiga bog’liqligi ilmiy asoslangan bo`lishi kerak. Berilgan topshiriqlarni barcha darvozabonlar bir vaqtda birdaniga bajarsa, darvozada turish tez-tez amalga oshirilsa, mashg’ulot zichligini shu tartibda oshirish mumkin. Darvozada turishganda hujumchilarni barcha harakatlariga reaktsiya qilishlari, usullarni aniq, puxta bajarishlari mashg’ulot zichligini oshirishdagi omillardan hisoblanadi.

Darvozabonni siljishlarga o`rgatish metodikasi.

Murabbiylar darvozabnlarga o`yin texnikalarini o`rgata boshlaganlaridayoq qadamma-qadam siljish texnikasini to`g’ri o`rgatishi juda katta ahamiyat kasb etadi.

Bu siljish usuliga darvozada turganda yoki to`p bilan emas, balki darvozadan tashqarida, to`psiz o`rgatishni boshlash kerak.

Darvozabonlar guruhi bir qatorga saf bo`lib turishadi, oraliq masofa 2m va safda chap yoki o`ng tomonga qadamma-qadam siljib “yurishadi”.

Keyinchalik bu mashqni zalni avval bir tomonga, keyin ikkinchi tomonga aylanib yurib bajartiriladi. Bu mashqni doimo darvozabonni asosiy turish holatida bajartirish maqsadga muvofiqdir. Qadamma-qadam siljishning ketma-ketligi quyidagicha:

-chiziq bo`ylab o`ng yon bilan;

-chiziq bo`ylab chap yon bilan;

-o`yin maydonini aylanib o`ng yon bilan;

-o`yin maydonini aylanib chap yon bilan;

-harakat yo`nalishini murabbiy buyrug’iga asosan o`zgartirish bilan.

Murabbiy bu usullarni tushu ntirib, ko`rsatib bergandan so`ng bitta-bitta bo`lib mashq bajarishga kirishiladi. Murabbiy mashqni bajarilish jarayonida markaziy chiziqdan 8-10 metr masofada turib, yonidan mashqni bajarib o`tayotgan darvozabonlarga xato va kamchiliklarini aytib, tuzatish usulini tushuntirib boradi.

Siljish usuli darvozabonlar tamonidan to`la va xatosiz bajarilgandan so`ng mashq darvoza oldida bajarishga o`tiladi. Buning uchun darvozabonlar darvozaning o`ng yoki chap ustunlari yonida saf turishadi va darvoza chizig’i bo`ylab qarshi tomonga yo`nalgan holda mashqni bajarishga kirishadilar. Mashqni bajarib bo`lganlar darvoza orqasidan o`tib dastlabki joylariga qaytishadi. Murabbiy darvoza o`rtasida 6 metrli chiziqda joylashadi. Dastlab darvozabonlar o`ng tomonga, qayta saflanib chap tomonga mashqni takrorlashadi. Mashq har tomonga albatta 14-16 martadan takror bajarilishi shart.

Siljish usulini darvozabonlar takomillashtirib bo`lganlaridan so`ng, oyoq bilan “tashlanish (vipad)”, “shpagat”, “yarim shpagat” usullarini o`zlashtirishga o`tishadi. Bu usullar to`la o`zlashtirilgandan so`ng darvozabonlarning siljishlar bo`yicha bosqichi yakunlanadi.

“Oyoq bilan tashlanish” larni darvozabon darvozadan tashqarida asosiy turish holatida o`rganishni boshlaydi. Buning uchun u to`pning uchish yo`nalishiga o`ng oyog’ini perpendikulyar ravishda uzatadi (agar to`p o`ng tomonga otilgan bo`lsa), tovonning ichki yoni oldinga qaratilgan holatda bo`ladi (bu vaqtda gavda og’irlik markazi chap oyoqqa o`tkaziladi). To`pning uchish yo`nalishi tomonga yonga katta qadam qo`yadi va oyoq tovonini polga qo`yadi (og’irlik markazi shu oyoqqa o`tkaziladi). Tez chap oyoqni o`ng oyoq yoniga tortadi. “Oyoq bilan tashlanish ”ni boshlash bilan bir vaqtda o`sha tomonga o`ng qo`l uzatiladi. Chap oyog’ini o`ng oyog’i yoniga tortayotganda darvozabon o`ng oyog’i tovoniga to`la tiralgan holatda bo`ladi. Agar chap oyoqni tortish kechiksa, to`pga qilingan harakat sekinlashadi, darvozabon to`pga eta olmasligi mumkin. Mashq darvoza chizig’i bo`ylab emas, balki chiziqqa biroz burchak ostida bajarilishi lozim. Darvozabon o`ng tomonga “oyoq bilan tashlanish” usulini to`la va mukammal o`zlashtirgandan so`nggina, chap tomonda shu mashqni bajarishga o`rgatila boshlanadi. Mashqlar har bir mashg’ulot o`tish jarayonida 28-30 martadan takror bajarilishi lozim. Keyinchalik “oyoq bilan tashlanish”lar darvozaga turib bajariladi.

Mashqni ozroq murakkablashtirish uchun darvozabon chap yoki o`ng tomonga qadamma-qadam (1 qadam) qo`yadi va “oyoq bilan tashlanish” usulini bajaradi. Mashqni darvoza ustuni yonidan boshlab bajartirish kerak. “Oyoq bilan tashlanish”da depsingan oyoq, keyinchalik qadamma-qadam usulini yakunlaydi. Mashq har mashg’ulotda 18-20 martadan ikkala tomonga bajariladi.

“Shpagat” va “yarim shpagat” usullarini o`rgatish va ularni mukammalashtirishdan oldin darvozabonlar albatta mushaklarni va paylarni cho`zish mashqlarini bajarishlari lozim. “Cho`zish” mashqlari ko`p martadan takrorlanishi kerak.

“Shpagat” va “yarimshpagat” usullarini bajarish printsipi bir-biriga o`xshash. Ular usulni qo`llash vaziyati bilangina farqlanadi. “Shpagat” usuli bilan to`pni uzoqdan darvozaga otilganda foydalanilsa, “yarim shpagat” usulida to`p darvozaga darvozabonga yaqin joydan otilganda qo`llanadi.

“Yarim shpagat” usulini bajarishda to`pga uzatilgan oyoq, tizzadan bukilgan, depsinayotgan oyoq tik holatda bo`ladi.

Darvozabonlar 3-4 metr intervalda turishadi. Murabbiy usulni tushuntirib, ko`rsatib bergandan so`ng, mashq 18-20 martadan avval o`ngga keyin chap tomonda bajariladi.

Mashqni darvozada qadamma-qadam siljishini bajargandan so`ng bajarib o`rgatila boshlanadi. Darvozabon avval qadamma-qadam (pristov shag) qadam qo`yadi va “yarim shpagat ” usulini bajaradi. Usul har tomonga 12-16 martadan bajariladi.

O`rgatilgan usullarni maromiga etkazish uchun 2 ta darvozabon yuzma-yuz turishadi. Birinchisi qadamma-qadam qadamlab “shpagat” yoki “yarim shpagat” usulini bajara boshlaydi. Ikkinchisi sherigi harakatlarini “oynadagi tasvir” kabi takrorlaydi. Shu mashqlar albatta usullarni bajarishda qo`l, oyoqlar harakatlari uyg’unlashgan holda bajartiriladi.

To`pni ushlab olish, to`p tezligini kamaytirish va to`pni uzatish texnikasini o`rgatish

Siljishlarni barcha usullarini xamma sirlarini to`la o`rganib bo`lgandan so`ng, to`pni ushlab olish, to`p tezligini pasaytirish, to`pni uzatish texnikasini o`zlashtirishga o`tiladi.

Bu usullar bir-biriga bog’liq usullardir. Darvozabon to`pni ushlab olish bilan uni sherigiga uzatishi lozim, bu tabiiy hol. Shu sababli bu usullar texnikasi birgalikda o`rgatiladi.

To`pni ushlab olish va uni tezligini pasaytirish usuliga aniq ketma-ketlikda o`rgatish lozim:

-avval darvozabonga to`pni ushlash (to`p tezligini pasaytirish)ni to`p ko`krak balandligida uchib kelayotganda;

-bosh balandligida uchib kelayotganda;

-yon tamonlardan uchib kelayotganda;

-poldan sakrab chiqqan to`plarni;

-baland va past otilgan to`plarni to`sishga o`rgatiladi.

To`pni bu usullarda to`sishga o`rgatish juftlikda, “uchburchak”da, “kvadrat”da, zal devori oldida yoki shit oldida, kolonnada, qarama-qarshi kolonnada, darvozada, 5-6 darvozabon guruxida, maydon o`yinchilari guruxida bajartirilishi kerak.

Darvozabonlar bilan asosiy o`rgatishlar darvozaga turish holatlarida o`rgatilishi uning darvozada o`z maydonida erkin harakatlar qilishiga olib keladi. Lekin mashqlarni tanlashda dastlabki mashqlar darvozadan tashqarida shakllanishi kerak. Ular usullarni to`la va mukammal o`rgangunlaricha darvozaga turmagan holda o`zlashtirganlari ma`qul. To`plarni to`sish mashqlarini o`rgatishni dastlabki bosqichida to`p otish kuchi sekinroqdan boshlanishi, keyinchalik to`p zarbini kuchaytirib borish bilan darvozabonlarda to`sish texnikasini kuchaytirish, to`pni his qilishni ham takomillashtirib boriladi.

To`pni ushlab olish, uni tezligini kamaytirish va uzatish usullarini o`rgatish va takomillashtirish uchun namunaviy mashqlar majmuasi:

1.Bir-biridan 6-8 metr masofada bir-biriga qarab (2 ta darvozabon) turiladi. To`pni uzatish texnikasi va uni ushlab olish-ko`krak balandligida, yon tamonlarda, balanddan, pastdan, poldan sakrab chiqqan to`pda amalga oshiriladi. Juftliklar orasidagi masofa sekin asta 30-35 metrga yetkaziladi. Mashq o`rtacha tezlikda 10-12 minut bajariladi.

2.Birinchi mashq “uchburchak”da, “kvadrat”da yoki “doira”da bajariladi.

3.D.h: Darvozabon to`p bilan maydonda o`ltirgan holat; to`pni ustiga baland otadi, sakrab turadi, baland sakrash bilan to`pni ushlaydi. Mashq 12-14 marta takrorlanadi.

4.D.h: Darvozabon notekis devor oldida turgan holat; u to`pni devorga uradi, devordan qaytgan to`pni ushlaydi yoki uchish tezligini kamaytiradi. Mashq 3-5 minut davomida bajariladi.

5.D.h: Darvozabon to`p bilan devorga yoki shitga qarab turadi; to`pni devorga otadi, 360⁰ sakrab buriladi, qaytgan to`pni ushlab oladi yoki uni tezligini pasaytiradi. Mashq 10-12 marta bajariladi.

6.D.h: Darvozabon orqasi bilan devorga, yuzi bilan sherigiga qarab turgan holat: sherik to`pni devorga otadi, darvozabon to`pdan sakrab o`tib 180<sup>0</sup> buriladi va devordan qaytgan to`pni ushlab oladi yoki to`p tezligini pasaytiradi. Mashq 10-12 marta bajariladi.

7.2 ta darvozabon 2 ta o`yinchi orasida turadi. Ikkala o`yinchi qo`lida 1 tadan to`p. Bir o`yinchi to`pni o`z oldida yuqoriga otadi, unga yaqin turgan darvozabon tez uni qarshisiga borib to`pni ushlab oladi. Ikkinchi darvozabon ikkinchi o`yinchi bilan shu mashqni bajaradi. Mashqni keyingi variantida darvozabonlardan biri “do`mbaloq” oshadi, ikkinchisi sherigi ustidan sakrab o`tib to`pni ushlab oladi. Mashqni har bir darvozabon 10-12 martadan bajaradi.

8.D.h: Darvozabon devorga yuzi bilan turadi: u devorga to`pni shunday urishi kerakki, to`p darvozabonga qaytib uni oldida polga tushsin. To`pni ushlab oladi yoki uni uchish tezligini kamaytiradi. Devorga to`pni urish kuchi kuchaytirib boriladi. Mashq 2-3 minut davomida bajariladi.

9.D.h: Darvozabon darvozadan 1-1,5 masofada qo`lida to`p bilan turadi. To`pni darvoza to`siniga uradi, to`sindan qaytgan to`pni ushlab, boshi ustiga otadi va 180⁰ burilib, 6-7 masofadan sherigi darvozaga uloqtirgan to`pni to`sadi yoki tezligini kamaytiradi. Mashq 12-14 marta takrorlanadi.

10.D.h: Darvoza o`rtasida asosiy turish holati: 6-7 metr masofadan darvozabonning chap yoki o`ng tamoniga sherigi to`pni uloqtiradi. Darvozabon to`pni “oyoq bilan to`pga chiqish” (vipad) usulida to`pni ushlaydi. To`pni otish kuchi sekin asta kuchaytirib boriladi. Mashq 2-3 minut davom etadi.

11.D.h: Darvozabon biror ustun yonida turadi: sherigi 7-8 metr masofadan to`pni davrozani uzoq burchagiga bel balandligida yoki balandroq uloqtiradi. Darvozabon qadamma-qadam bir qadam qo`yib “oyoq bilan tashlanib to`sish” (vipad) usulida to`pni to`sadi yoki to`pni uchish tezligini pasaytiradi. Keyin dastlabki holatni o`zgartiradi. Mashq bajariladi.

12.D.h: 11chi mashqdagiday: sherigiga 4 ta to`p. Ularni galma-gal darvozani yuqori burchaklariga uloqtiradi. Darvozabon “qadamma-qadam” usulini qo`llab to`pni ushlab oladi yoki to`pni uchish tezligini pasaytiradi. Mashq tez bajariladi. 4-5 seriyadan so`ng darvozabonlar almashadi.

13.D.h: Darvoza o`rtasida asosiy turish holati: darvozabonda ham, sherigida ham qo`lida to`p bo`ladi. Ikkalasi bir vaqtda qo`lidagi to`pni bir-biriga uzatadi. Sherik to`pni otish yo`nalishini har tomonga o`zgartiradi. Mashq maksimal tezlikda bajariladi. 2-3 minutdan keyin joy almashtiriladi.

14.D.h: Maydonni aylanib harakatlanib to`pni bir-biriga uzatadi. Boshlovchi har aylanganda almashadi.

15.Darvozabonlar darvozada turishadi. Birinchisi to`pni yugurib chiqib sherigi darvozasiga otadi. Ikkinchisi to`pni tushgan joyida ushlab oladi yoki uchish tezlini kamaytirib sherigi darvozasiga otadi. U ham to`pni tushgan joyida ushlab olishga yoki uchish tezligini pasaytirishga harakat qiladi va to`pni yana sherigi darvozasiga uloqtiradi. Mashq 5-6 minut davomida bajariladi.

Darvozaga otilgan to`plarni qaytarish texnikasiga o`rgatish.

Darvozabon to`plarni qo`llari, oyoqlari yordamida, “yarim shpagat”, “shpagat”, “oyoq bilan tashlanib” usullarida qaytaradi. Murabbiy o`rgatishni tezlashtirmasdan darvozabonni erkin harakatlanishiga imkoniyat yaratib berish maqsadida to`pni darvozabonga otish tezligini, kuchsizdan-kuchlikka, uzoq masofadan yaqin masofaga o`tish bilan murakkablashtirib o`rgatishni amalga oshirishi lozim.

To`pni qaytarish texnikasini devor yoki shitga to`pni otish va qaytgan to`pni qaytarishni o`rganishdan boshlashi bir necha vaziyatlarni nazorat qilishga ham o`rgatadi. M: o`rganishdagi mashqni takrorlash zichligi oshadi, to`pni otish kuchini kuchaytirish yoki kamaytirish imkoniyati bo`ladi, to`pni otish yo`nalishini o`zgartirish oson kechadi va to`pni devordan qaytishida darvozabon to`pni qaytarish uchun fikrlashga majbur bo`ladi.

To`plarni qo`l va oyoqlar yordamida qaytarish texnikasini o`rgatish va takomillashtirish uchun mashqlar:

1.D.h: 4-5 metr masofada devorga qarab turgan holat: devorga to`pni otish va to`p poldan sakrab chiqqanda uni qo`llar bilan qaytarish. Mashqni o`zlashtirish takomillashib borishi bilan devor bilan bilan darvozabon orasidagi masofa 2 metrgacha qisqartirib boriladi. Mashq 5-7 minut davomida takrorlanadi.

2.D.h: 1 chi mashqdagiday: darvozabon to`pni devorga shunday otishi kerakki, qaytgan to`p darvozabondan chap yoki o`ng tomonga 2-3 metr masofaga tushishi kerak. Darvozabon “oyoq bilan tashlanib” (vipad) u to`pni qo`llari bilan qaytarsin. Mashq 5-7 minut bajariladi.

3.D.h.: 3-4 metr devordan uzoqda turish holati: Darvozabon orqasidagi sherigi to`pni devorga otadi, u devordan qaytgan to`pni qo`llari bilan qaytaradi. Mashq 2-3 minut bajariladi.

4.D.h: Devorga qarab turish holati: sherigi devorga otgan to`pni darvozabon oyoq tovonlarining ichki yoni bilan qaytarib, unga ma`lum burchak berishga harakat qiladi. Mashq 3-5 minut davom etadi.

5.D.h: 4- mashqdagiday: to`pni devorga otadi, qaytgan to`pni “shpagat” yoki “yarim shpagat” usulini qo`llab qaytaradi. Mashq 3-5 minut takror-takror bajariladi.

6.D.h: Devorga qarab 3-4 metr masofada turish holati: darvozabon orqasidagi sherigi devorga to`pni shunday otadiki, to`p past traektoriyada darvozabon yon tomonlariga qaytishi lozim. Darvozabon bu to`plarni oyog’i bilan qaytarishi kerak. Boshlang’ich to`p otish sekin, keyin kuchliroq, keyinroq esa kuchli bo`ladi. Mashqni takrorlash ham sekindan tezlashtiriladi va 2-3 minut davomida bajariladi.

7.D.h: Darvozabon 5-7 metr masofada joylashgan sheriklari orasida turadi. Sheriklar darvozabonga to`pni ovoz belgisi berib otishadi. Darvozabon to`plarni 180⁰ ga burilib qo`llari bilan qaytaradi. 1-2 minutdan keyin darvozabonlar o`rinlarini almashtiradi.

8.2-3 yoki ko`proq guruhchalarga bo`lingan darvozabonlar bir-birlariga to`pni oyoq tavonlarining ichki qismi bilan to`pni uzatishadi (to`pni uzatish masofasi 1-1,5 metr). To`pni qaytarib uzatish “shpagat” va “yarim shpagat” usullarini qo`llash bilan amalga oshiriladi. Mashq 5-7 minut davom ettiriladi.

9.Bir necha darvozabonlar “doira”da turishadi. Markazda 1 ta darvozabon turadi. U o`rtaga qo`yilgan to`ldirilgan to`pni oyoqlari yordamida “himoya” qilishi kerak. “Doira”da turgan sheriklar bir-birlariga to`pni uzatishadi va to`ldirilgan to`pga tegmasligiga erishishi hamda to`plarni oyoqlari bilan qaytarishi lozim. Har 1 minutda o`rtadagi darvozabon almashadi.

10.D.h: Darvozabon 2 ta sherigi orasida joylashadi. Sheriklarni har birida 1 tadan to`p. Sheriklardan biri to`pni tashlaydi. Darvozabon to`pni “shpagat” usulini qo`llab qaytaradi va tez aylanib “qadamma-qadam” siljish bilan “shpagat”da 2 chi sherik tashlagan to`pni qaytarishi kerak. Sheriklar orasidagi masofa 4 metr. Darvozabon to`pni tashlaydigan sherikka qarab harakatni boshlaganda to`p tashlash lozim. Darvozabonlar bu mashqni 1-2 minut bajarib, almashishadi.

11.D.h: SHerigiga 0,5 metr masofada yuz bilan turish holati: sherikni ikkala qo`lida to`p bilan turadi. U kutilmaganda bir qo`lidagi to`pni tashlaydi. Darvozabon “shpagat” yoki “yarim shpagat” usulini qo`llab to`pni qaytaradi. Mashq 3-5 minut takrorlanadi.

12.D.h: 11 chi mashqdagiday: Sherik qo`lidagi to`plarni birini yuqoriga irg’itadi, birini pastga tashlaydi pastga tashlangan to`pni darvozabon oyoq bilan, yuqoriga otilgan to`pni qo`li bilan qaytaradi. Mashq 10-12 seriyada bajariladi.

13.D.h: Darvoza ustunlari o`rniga to`ldirilgan to`plar qo`yilgan (Darvoza eni 4 metr). improvizatsiyalangan “darvoza”ni 2 tamonida sheriklar to`p bilan turishadi, ular galma-gal “darvoza”ga to`pni otishadi. Darvozabon to`plarni oyoqlari bilan qaytaradi. Qaysi sherik to`pni otsa darvozabon tez o`sha tomonga o`girilishi kerak. Har 3-5 minutda darvozabonlar almashadi.

14.D.h: Darvozabon darvoza o`rtasida joylashadi. Sherigi 5-6 metr masofadan to`pni qaysi yo`nalishga otishini aytib otadi. Darvozabon 180<sup>0</sup> ga burilib to`pni oyoq va qo`llari bilan qaytaradi. Zarbalar avval sekin, uzoqroqdan, keyinroq esa zarba kuch bilan yaqinroqdan beriladi. Mashq 2-3 minut davom etadi.

15.D.h: Darvozabon darvoza ustunlarini biri yonida: sherigi bir necha to`pni galma-gal darvozabon tomonga (o`ng yoki chapga) darvozabondan uzoqlashtira borib dumalata boshlaydi. Darvozabon “yarim shpagat” va “shpagat” usullarida to`plarni qaytaradi. Mashq 5-6 seriya davom ettiriladi.

16.D.h: Darvozabon darvoza o`rtasida o`tirgan holat. Qo`llar bosh orqasida “qulflangan”. Sherigi tomonidan darvozaga otilgan yuqoridan qo`llari bilan qaytarishi kerak bo`ladi. Mashq 15-20 marta takrorlanadi.

17.D.h: Darvozabon darvoza o`rtasida turadi. Darvozani o`ng yuqori burchagiga to`p osib qo`yilgan, pastki chap burchakka to`p qo`yilgan. Maydondagi o`yinchilar potok bilan darvozadagi to`plarni urishga harakat qilishadi. Darvozabon to`plarni qaytarib, osib qo`yilgan va poldagi to`pga to`pni tekkizmasligi kerak. O’tilgan to`plarni oyoq va qo`llari yordamida qaytaradi. Mashq 3-5 minut davom etadi.

18.D.h: 17 mashqdagiday: darvozabon gavdasini bir tomonga engashtiradi va shu vaqtda sherigi darvozabonni engashmagan tomoniga to`pni otadi. Otilgan to`pni darvozabon oyog’i bilan qaytarishi kerak.

19.D.h: Darvozabon darvoza o`rtasida. Darvoza qarshisida (6 metrda) mato tortiladi. Hujumchilar mato orqasidan chiqib, darvozaga to`p otishadi. Darvozabon to`plarni qaytarishi kerak. Mashq 3-5 minut davom etadi.

20.Darvozabon yon holatda turish holatini oladi. Hujumchi o`ng (chap) qanotdan to`p otadi. To`pni darvozabon oyoq va qo`llari bilan qaytarishi kerak. Mashq 10-15 minut davom ettiriladi.

21.D.h: Darvozabon darvoza o`rtasida oyoqlari orasini 0,5 metr qo`yib turadi. Sherigi to`pni uni oyoqlari orasidan darvozaga kiritishga harakat qiladi. Darvozabon oyoqlarini birlashtirib to`pni o`tkazmaligi kerak. Mashq 3-5 minut davom ettiriladi.

22.D.h: Darvozabon darvozani biror burchagida “shpagat” holatida turadi. Sherigi uzoq burchakka to`pni otadi. Darvozabon qo`llari yordamida tez turib, “qadamma-qadam” (pristovnoy shag) qadamlab to`pni qo`li va oyoqlarida qaytaradi. Har bir darvozabon mashqni 12-14 marta takrorlashadi.

Yiqilishlar va to`pga tashlanish texnikasiga o`rgatish.

Bu usullarga o`rgatish bosqichida darvozabonlarni akrobatik tayyorgarligiga katta e`tibor berish lozim. Darvozabonlar oldinga, orqaga, yonga do`mbaloq oshishlarni, qo`l yordamida aylanib olishlarni, uzunlikka sakrab, do`mbaloq oshib ketishni akrobatik texnikasini mukammal bilishlari lozim va shart. Bu texnikani mukammal o`zlashtirgan darvozabonlar qo`rqmasdan va shikaslanmasdan yiqilib va to`pga tashlanib to`pni qaytarishga erishishadi.

Pastdan otilgan to`plarni qaytarishni egallashni birinchi bosqichida darvozabonni polga (matga) tushishini o`rgatiladi. Dastlab murabbiy to`pga tashlanish va yiqilishni ko`rsatib beradi. Gimnastika to`shagiga yonchalab turgan murabbiy yiqilib to`pni qaytarishni imitatsiyasini (mashqni predmetsiz bajarish) ko`rsatadi. Darvozabonlar mashqni bajarib ko`rishadi, murabbiy esa ularni xato va kamchiliklarini ko`rsatib boradi.

Ikkinchi bosqichda gimnastika to`shagi ustida turgan darvozabon 1,5 metr masofada qo`yilgan to`pga tashlanib uni qaytarish mashqini bajaradi. Mashq har ikki tomonda 15-20 martadan takrorlanadi.

Uchinchi bosqich-to`pni yiqilib qaytarish va tushish. Sherik pastlatib to`pni tomonlarga otadi. Darvozabon tashlanib-yiqilib to`pni qaytaradi. Mashq Har 2 tomonda 14-16 martadan takror-takror bajariladi.

To`rtinchi bosqich-darvozabon to`pni devorga otadi. Devordan qaytgan to`pga tashlanib yiqiladi va to`pni qaytaradi. Mashq 14-16 martadan har 2 tomonda bajariladi.

Beshinchi bosqich-darvozabon darvozaga turib tashlanib-yiqilib to`plarni qaytaradi. Murabbiy darvozabonlarga tezda o`rinlaridan turishlarini ta`kidlab turishi lozim.

Yiqilib to`pni qaytarish usulidan farqliroq tashlanib to`pni qaytarishni o`rganishda yarim o`tirgan holatda, imitatsiyadan foydalanishni samarasi kattaroq bo`ladi. Yarim o`tirgan holatda tizza balandligida, qorin balandligida, ko`krak balandligida, bosh balandligida va nihoyat boshdan yuqorida uchib kelayotgan to`plarni tashlanib qaytarishga o`rgatiladi. Bu harakatlar gimnastika to`shagi ustida bajartirilib, mashq mukammal egallanganidan keyin to`shaksiz bajartirishga o`tiladi.

O`rgatishdagi birinchi mashqlar devor oldida bajariladi.

Darvozabonning 2 yoniga to`shalgan gimnastik to`shaklar qo`rqmasdan mashqni bajarilishiga yordam beradi. Darvozabon devorga to`pni shunday otishi kerakki, to`p uni yon tamonlariga, tepasiga yo`nalsin. Devordan qaytgan to`pga tashlanib-yiqilib to`pni qaytaradi. Darvozabon bilan devor oralig’idagi masofa 4-4,5 metr bo`lishi, uni to`pni devorga otish kuchi o`rtacha kuchlanishliligi e`tiborga olinishi lozim. Mashqni bajarish vaqti avvalgi mashqlardagiday. Darvozabonni har bir otilgan to`pga reaktsiya qilishga o`rgatish zarur. Darvozabon gimnastika to`shagida to`g’ri yiqilib, tashlanib to`pni qaytarishni to`la egallagandan so`ng, maydonda to`pga tashlanib yiqilib uni qaytarishga o`rgatiladi. Keyingi mashg’ulotlar bevosita darvozada turib o`tkaziladi.

Quyida yiqilish va to`pga tashlanish texnikasini o`rganish hamda mukammallashtirishga yordam beruvchi namunaviy mashqlarni ko`rib chiqamiz:

1.D.h. Darvobon 2 ta gimnastika to`shagi orasida turgan holat.

Oyoqda depsinib chap va o`ng tamonlarga “o`qday” tashlanib to`pni qaytarishni imitatsiya qilish.

Har tomonga 12-14 martadan tashlanib-yiqilish.

2.D.h. 1-mashqdagiday:

Darvozabondan 2 metr uzoqlikda gimnastika to`shagi ustiga to`p qo`yilgan. Darvozabon bir o`ng, bir chap tomonga yiqilib gimnastika to`shagi ustiga qo`yilgan to`plarni urib yuborib qaytaradi. Mashq ikkala tomonda 12-14 martadan bajariladi.

3.D.h. 1-mashqdagiday:

Darvozabon yarim o`tirgan holatdan gimnastika to`shagi ustiga tashlanib-yiqilib to`pni qaytarishni imitatsiya qiladi. Mashq ikkala tamonda 10-12 martadan qaytariladi. Imitatsiya variantlari:

-tizza balandligida;

-qorin balandligida;

-ko`krak balandligida;

-bosh va undan yuqorida.

4.D.h. 1-mashqdagiday:

Sherigi darvozabondan 1,5 m yondan to`pni yumalatadi. Darvozabon to`pga tashlanib-yiqilib uni qaytaradi. Har tomonga (o`ng-chap) mashq 12-14 martadan bajariladi.

5.Sherik bilan birga polga yuzma-yuz o`ltiradilar. Galma-gal bir-birlarini yon tamonlariga to`pni yumalatadilar. To`pni tashlanib ushlash va sherigiga dumalatish mashqi. Mashq 3-5 minut bajariladi.

6.D.h. Chap yonboshga yotgan, qo`llar oldinga uzatilgan holat.

Sherigi to`pni qarama-qarshi tomonga (darvozabonni oyoq tamoniga) dumalatadi. U tezda holatini o`zgartirib to`pni o`ziga qulay usulda tashlanib-yiqilib qaytaradi. Har tomonga 10-12 tashlanib yiqilish bajariladi.

7.D.h. Devordan 3-4 metr masofada turgan holat:

Darvozabon orqasidan sherigi to`pni devorga uradi. Qaytgan to`pni darvozabon yiqilib qaytaradi. To`pni sherigi polga urib devorga tekkizishi bunda to`pni qaytish balandligini pastlatishi yoki balandlatishi bilan mashq oddiydan-murakkablashtirilishi mumkin. Mashq har tamonda (chap-o`ng) 10-12 marta takrorlanadi.

8.D.h. 7-mashqdagiday d.h:

Darvozabon orqasidagi sherigi to`pni devorga shunday urishi kerakki, to`p qaytganda baland ko`tarilsin. Darvozabon bu to`pni sakrab qaytarishi kerak. Mashq 10-12 marta bajariladi.

9.D.h. Gimnastika to`shagiga oldida turgan holat: Sherigi qarama-qarshi tamonda, qo`lida to`p ushlagan holat. Sherigi to`pni gimnastika to`shagiga tashlaydi. Darvozabon to`pni tashlanib ushlab, tez sherigiga qaytarishga va d.h.ga qaytishi kerak. To`pni qaytarib yiqilayotganda qo`llariga tiralib qolishi kerak. Mashq 18-20 marta bajariladi.

10.D.h. 9-mashqdagiday:

Sherigi to`pni darvozabonga tashlaydi. U to`pni to`g’ri sherigiga qaytarishi kerak. To`pni qaytarish albatta yiqilishda amalga oshiriladi. Mashq 12-14 marta takrorlanadi.

11.D.h. Darvozabon darvoza o`rtasida turgan holat. Sherigi to`plarni darvozani pastdagi burchaklariga dumalatadi. Darvozabon yiqilib to`pni qaytaradi. Darvozani har tamoniga to`p 12-14 martadan yo`naltiriladi.

12.D.h. Darvozabon darvoza ustunlarining birortasi yonida joylashadi.

Sherigi to`plarni uzoq burchakka yo`llaydi, darvozabon to`plarga tashlanib-yiqilib ularni qaytaradi. Har tamonda 8-10 marta yiqilib to`p qaytariladi.

13.D.h. Darvoza ustunlarining birini yonida darvozabon yonboshiga yotadi.

Sherigi to`pni poldan sakrab chiqib darvozani uzoq burchagiga yo`nalishini ta`minlaydi. Darvozabon tez o`rnidan turib, to`p tomonga qadamma-qadam siljib, yiqilishida to`pni qaytarishi kerak. Mashq chap va o`ng tamonlarda 8-10 martadan bajariladi.

14.D.h. Darvozani bir tamondagi ustuni yoniga gimnstika to`shagi to`shaladi. Darvobon gimnstika to`shagi oldida joylashadi: Darvozabon to`shak ustida oldinga do`mbaloq oshadi, bu vaqtda sherigi to`pni pastdan darvozaga otadi.

Do`mbaloq oshishini yakunlab, tez turishga erishgan darvozabon qadamma-qadam siljib to`pni (yiqilib, sakrab va x.k.) qaytaradi. Mashq chap va o`ng tamonlarda 10-12 martadan bajariladi.

15.D.h. Darvozabon darvoza o`rtasida, darvozaning yuqori burchaklarida 1 ta dan to`p osib qo`yilgan holat. Darovzabon yiqilib tashlanib to`plarni qaytaradi. Mashq chap va o`ng tamonlarda 6-8 martadan bajaradi.

16.D.h. Darvoza maydon ichiga devorga qaratib 4-5 m masofada qo`yilgan, darvozabon darvoza o`rtasida joylashgan holat. Darvoza ustunlari yonida turib olgan 2 ta sherik galma-gal to`pni devorga otadi. To`p devordan darvozabonga kelishi kerak. To`p otish 10-12 marta takrorlangandan so`ng darvozabonlar almashadi.

17.D.h. Darvozabon darvoza o`rtasida turgan holat. Ikki sherik futbol to`pi bilan darvozadan 6-7 metr masofadan galma-gal darvozaning barcha burchaklariga oyoqda kuchli zarbalar berishadi. Darvozabon to`plarni yiqilib tashlanib qaytaradi. Mashq tezligi-maksimal. Har 1 minutda darvozabonlar almashib turishadi.

18.D.h. 17-mashqdagiday. 7-8 o`yinchi erkin to`p tashlash chizig’i bo`ylab turishadi. Mashqni o`ng tamon qanotdan boshlanadi. O`yinchilar galma-gal darvozaning uzoq burchaklariga to`pni otishadi. Darvozabon tashlanish, yiqilish usullarida to`pni qaytaradi. Darvozabonlar har 2-3 minutda joylarini almashtirishadi.

Aldamchi harakatlar o`rgatish (fintlar)darvozabonlar asosiy o`yin texnikalarini mukammal egallab olishgandan so`ng ularni aldamchi harakatlarga va ularni mukammallashtirishga o`rgatiladi.

Aldamchi harakatlarga o`rgatish uchun mashqlar:

1. D.h. Asosiy turish: Darvozabon darvoza o`rtasida, oyoqlari orasi 50 sm qo`yilgan. Sherik to`pni oyoqlari orasidan darvozaga o`tkazish uchun harakat qiladi. Darvozabon to`pni o`tkazmaslik harakatida bo`ladi. Mashq 20-30 qaytarish bilan bajariladi.

2.D.h. Darvozabon chap ustun tamonroqda joylashgan holat. Sherigi darvozani o`ng tamon yuqori burchagiga to`pni kuchli otadi. Darvozabon to`pni tashlanib-yiqilib qaytaradi. Mashq 10-12 marta takrorlangandan so`ng darvozabon d.h.ni o`zgartiradi. Sherik to`pni chap yuqori burchakka zarb bilan yo`llaydi.

3.D.h. Darvozabon darvoza ustunidan 20-30 sm uzoqroqda turgan holat. Sheriklar darvoza ustuni bilan darvozabon orasida paydo bo`lgan bo`shliq orqali gol urishni, darvozabon esa to`pni qaytarishni amalga oshirishadi. Mashq 20-30 marta takrorlanadi.

4.D.h. Yonchalab turish holati: Qo`l tushirib turilgan (darvozani yaqin yuqori burchagi ochiq) holat. Sherik shu ochiq burchakka to`pni otadi, darvozabon to`pni qaytaradi. Mashq 20-30 marta bajariladi.

5.D.h. Darvozabon darvozaning o`ng burchagiga yaqinroq turgan holat: Sherik to`pni qarshi tamon past burchagiga zarb bilan otadi. Darvozabon to`pni “yarim shpagat” va “shpagat” usulllarida qadamma-qadam siljigandan keyin qaytaradi. Mashq 12-15 marta takrorlanadi.

6.D.h. Darvozabon darvoza o`rtasida: Sherik to`pni darvozaga otguncha darvozabon biror tomonga aldamchi harakat qiladi. Bundan foydalangan (bu fintga “uchgan”) sherik to`pni darvozabonning qarama-qarshi yo`nalishiga otadi. Darvozabon avval o`rgangan usullari yordamida to`pni qaytaradi. Mashq ikkala tamonda 12-14 marta takrorlanadi.

7.D.h. Darvozabon qanotdan hujum qilinadiganda oladigan yonchalab turgan, uzoq burchakni berkitadigan qo`l tushirilgan holatda: sherik shu ochiq burchakka to`pni otadi, darvozabon to`pni qaytaradi. Mashq har qanotdan 20-30 marta bajariladi.

8.D.h. Qanotdan hujum qilinadi darvozabon yonchalab turish holatida, darvozabon 0,5 oldinda turgan holati: Qo`llari tushirilgan. Sherik darvozaga to`pni yuqoridan otadi. Darvozabon to`plarni qo`llari bilan qaytaradi. Mashq 14-16 marta har ikkala qanotdan bajariladi.

Gandbol darvozabonining tayyorlash metodikasi.

Darvozabonning o`yin mazmuni maydondagi o`yinchilar o`yin mazmunidan farqlanadi.

Darvozabonlarga o`rgatishning birinchi yilida asosan texnik va bir nechta taktik usullar tanishtiriladi va o`rgatiladi. Ular 2 tomonlama o`yinda qatnashishadi hamda umumjismoniy va maxsus tayyorgarliklari asosiga poydevor qo`yiladi.

O`rgatishning 2-3 yilida asosiy texnik va taktik usullarni o`zlashtirish davom ettiriladi. Umumiy va maxsus jismoniy tayyorgarlik yuklamalari xajmi ko`paytiriladi. Ko`proq ruhiy tayyorgarlikka axamiyat beriladi. U o`yinlarda qatnashish malakasini takomillashtirib boradi.

O`rgatishni 3 chi yilidan boshlab aralash usulga o`rgatish bo`yicha tayyorlash boshlanadi va nazariy bilimlar bilan boyitiladi.

O`rgatishning 4-5 yilida aralash usuli bo`yicha o`yin texnikasi va taktikasini mukammallashtira boshlanadi. Umumjismoniy va maxsus mashqlar yuklamasini yuqori pog’onaga olib chiqiladi. Avvalgi 3 yilda texnik-taktik usullarni yakka tartibdagi mashqlarda (mashg’ulotlarda) o`rgatilsa, guruh mashg’ulotlarida o`yin texnikasi va taktikasini mukammallashtirib boriladi. Shu nda darvozabon o`rgatishning 5-yilining oxiri va 6-yilidan boshlab musobaqalarda qatnashish bo`yicha kerakli malakalarga ega bo`ladi.

O`rgatishning barcha bosqichlarida majmuali mashg’ulot usuli katta yordam beradi, chunki unda darvozabonning nazariy va amaliy bilimlari chuqurlashtira boriladi.

Darvozabonning istiqbolli o`quv-mashg’ulot mashg’ulotlarini rejalashtirish bir necha yilni o`z ichiga oladi. Darvozabonlarni 1 yillik o`quv-mashg’ulot mashg’ulotlari rejasi ularni maqsadli tayyorlashda bosqichlar bo`yicha amalga oshiriladi: tayyorlaov bosqichi, asosiy (musobaqa) bosqich hamda o`tish bosqichlari. 1 yillik tayyorlov bosqichining maqsadi darvozabon tayyorgarligining eng yuqori cho`qqisiga asosiy bosqichda olib chiqishdir.

Har bir bosqich bir necha kichik bosqichlardan iborat bo`lib, ular maxsus vazifa va vositalar deb Harakterlanadi.

Tayyorlov bosqichi- maydon o`yinchilari kabi musobaqalarga 2-3 oy qolganda boshlanadi. Bosqichning asosiy maqsadi darvozabonni yuqori jismoniy tayyorgarlikka erishtirish xisoblanadi. Bu bosqichda umumjismoniy tayyorgarlikni rivojlantirish bilan bir vaqtda tezlik, chidamlilik, kuch va epchillik kabi sifatlarni ham takomillashtiriladi. Bu yo`nalishni takomillashtirishda gimnastik snaryadlardan, o`z og’irlik vazni qarshiliklaridan unumli foydalantiriladi.

Darvozabonning umumjismoniy tayyorligida uning chidamliligini oshirish maqsadida kross tayyorgarligidan, yugurishlaridan, futbol, suv polosi va uzoq masofalarga suzishlardan keng foydalanish maqsadga muvofiq bo`ladi.

Kuchni rivojlantirishda; gimnastikadagi umumrivojlantiruvchi mashqlardan, gimnastik snaryadlardan, gantellardan, to`ldirilgan to`plardan foydalanib, tezlik va epchillikni rivojlantirish uchun esa; akrobatik mashqlardan, Har xil turish holatlarida tezlanishlardan, texnik-taktik usularni imitatsiya qilish bilan erishiladi.

Tayyorgarlikda asosiy e`tibor esa, maxsus jismoniy tayyorgarlikka qaratiladi. Maxsus jismoniy tayyorgarlik ko`rishi natijasida jismoniy sifat va ko`nikmalar shakllanadi va takomillashadi. Maxsus tayyorgarlik uchun foydalanilayotgan mashqlar o`yin vaziyatlariga tenglashtirilgan holatlarda o`rganiladi. Mashqlar darvozabonning maxsus egiluvchanligi, epchilligi, vestibulyar apparati, sakrovchanligi, chidamliligi, harakat tezligi reaktsiyalarini takomillashtirishi uchun yo`naltirilishi lozim.

Maxsus egiluvchanlikni takomillashtirishda to`p va to`psiz bajariladigan gimnastik mashqlar har xil egilish va cho`zilish mashqlari yordam bersa, maxsus epchillikni takomillashtirishda va vestibulyar apparatini rivojlantirishda maxsus apparatlar nazoratida: gimnastik tramplindan sakrash, batutda mashqlar bajarish, muvozanatni saqlash mashqlari amalga oshiriladi.

Maxsus sakrovchanlikni takomillashtirishda predmetlar bilan mashqlar bajartirish yaxshi natija beradi. Maxsus tezlikni takomillashtirishda darvozabonga to`pni qaytarishdan oldin boshqa bir harakatni bajarishni yuklash va tez harakatni yakunlab to`pni qaytarish kabi mashqlar berilishi kerak. Maxsus chidamlilikni takomillashtirishda uzoq vakt darvozabonni darvozada joy almashtirish harakatini bajarishi juda ko`p marta otilgan to`plarni qaytarish 3-4 taym davomida darvozani qo`riqlashi kabi mashqlar beriladi.

Tayyorgarlikni yakunlovchi bosqichi darvozabon texnik-taktik tayyorgarligi bo`yicha keng majmuali tadbirlarni o`z ichiga oladi. Bu bosqichda texnik-taktik usullarni mukammallashtiradi, himoyachilar bilan o`zaro himoya harakatlarini takomillashtiradi. U texnik va taktik tayyorgarliklar vaqtini bir xil taqsimlashi zarur. Bu bosqichda mashg’ulotlar soni ko`payishi xaftada 3-4 marta o`tkazilishi mumkin.

Malakali darvozabonlar xaftada 5-6 marta mashg’ulotlarda qatnashadilar.Asosiy e`tibor bu bosqichda jismoniy va maxsus sifatlarni mukammallashtirishga qaratilishi bilan texnik-taktik usulda takomillashtirishga yo`naltiriladi.

Darvozabonning yakka tartibdagi mashg’ulotlariga e`tibor berib mashg’ulot vaqtini 60-90 minutga yetkazishga erishiladi. Bu bosqichda:

Ruhiy tayyorgarlikni maqsadi-ularda jamoa, o`rtoqlik hislarini rivojlantirish, katta jismoniy zo`riqishni yenga olishga qaratilgan bo`ladi. Bosqichni asosiy maqsadi esa darvozabonni rejali, bosqichma-bosqich sport formasining yuqorisiga (pikka) olib chiqishdir.

Musobaqa bosqichi. Musobaqalarni boshlash (ularga kirishish) davrida darvozabon yuqori sport formasiga chiqqan bo`lishi kerak. Bu bosqichning asosiy vazifasi-egallagan sport formasini ushlab turish, o`yin texnikasi va taktikasini mukammallashtirish xamda ruhiy sifatini yuqori bo`lishiga erishishdir.

Bu bosqichda jismoniy tayyorgarlik yuklamalari ozaytiriladi, lekin maxsus tayyorgarlikka katta e`tibor qaratiladi. Darvozabonni individual va aylanma mashg’ulot tayyorgarlik usullarida shu g’ullanishi davom ettiriladi. Lekin aylanma mashg’ulot haftada 1-2 marta, individual mashg’ulotlar tizimli ravishda o`tkazilish rejalashtirilishi zarur. Bu bosqichda o`tkazilgan har bir o`yin yakuni tahlil qilinishi va darvozabon harakatidagi xatolari ko`rsatilishi kerak. Musobaqa davri bir necha oydan iborat bo`ladi. Shu sababli ularning mashg’ulot mashg’ulotlari yuklamasiga ijodiy yondoshish talab etiladi. Mashg’ulotlarni o`rtacha va oz vaqt davomida galma-gallab olib boriladi. Kalendar o`yinlar boshlanishi oldidan esa yuklamalar ozaytirilishi zarur. Boshlovchi darvozabonlar uchun haftada 3 mashg’ulot belgilanishi kerak va bu mashg’ulotlarda yuklamalar quyidagicha taqsimlanadi:

Oz, o`rta, yuqori yuklamali.

Malakali darvozabonlar uchun esa;-musobaqa yig’inlari vaqtida mashg’ulotlar haftada 5 marta o`tkaziladi va mashg’ulotlar bir kunda 2 marta o`tkazilishi rejalashtirilishi kerak. Haftalik tsiklda darvozabon oz, o`rta, katta, dam olish kuni, o`rta, katta, dam olish kuni ko`rinishida shug’ullanishi lozim bo`ladi.

Musobaqa bosqichida asosiy diqqat nazariy tayyorgarlikka; bunda darvozabonlar raqib hujumchilari to`g’risidagi ma`lumotlar bilan tanishishlari, “snayper”larni asosiy (yaxshi ko`rgan) zarba berish usullarini o`rganiladi, o`z harakatlarini tuzishlari, xatolariga baho bera olishlariga qaratiladi. Bundan tashqari ruxiy muvozanat mashg’ulotsiga e`tibor berilib, holatni boshqara bilish, autogen mashg’ulot va kuchli chidamlilikni oshirish mashqlari bajarilishi kerak. O`yinlar oralig’ida faol dam olish lozim bo`ladi.

O`tish bosqichi-mashg’ulot yili jarayonida o`tish bosqichi bir oz shartliroq: o`yinlar va turlar orasidagi vaqt oz. Bu bosqich musobaqa bosqichidan keyinroq boshlanishi bilan izohlanadi. O`tish bosqichini vazifasi-faol dam olish, darvozabon jismoniy tayyorgarligini yaxshi holatda saqlab turish, boshqa sport turi bo`yicha mashg’ulotlarda qatnashtirishdir.

Bosqichning davomiyligi oz bo`lib 1 oydan kam vaqt oladi. Bu davrda yuklamalar jismoniy tayyorgarlik bo`yicha kamaytirilishi, mashqlar jismoniy tayyorlik va reaksiya sifatlarini ushlab turishi uchun qo`llanishi maqsadga muvofiq bo`ladi. Bu bosqichda sportning tennis, stol tennisi, basketbol, futbol, badminton, gorodki, turizm, eshkakda eshish, turlarida foydalanib darvozabonni ruhiy tetikligini ushlab turish muvaffaqiyatlar garovi xisoblanadi.

Bosqich davomida u yoki bu texnik usulni bajarish uchun yo`llanmalar berish, jismoniy va maxsus sifatlarni egallashga yordamlashu vchi topshiriqlar berish bilan cheklanishi kerak.

Darvozabonni nazariy tayyorgarligida o`tgan o`yinlar tahlili, kundaligiga o`yinlar xaqidagi taassurotlari, kuchli hujumchi (o`yinchi)lar to`g’risidagi fikrlari kiritilishi unga kelasi o`yinlarda muvaffaqiyatli o`ynashida yordam beradi.