Ганиева М. А., Файзуллаева Д. М. Кейс-стади ўқитишнинг педагогик технологиялари тўплами

Вазиятдан чиқиб кетиш ҳаракатлари
“Миллат бор экан, миллий давлат бор экан, унинг мустақиллиги ва эркинлигига, анъана ва урф-одатларига таҳдид соладиган, уни ўз таъсирига олиш, унинг устидан ҳукмронлик қилиш, унинг бойликларидан ўз манфаати йўлида фойдаланишга қаратилган интилиш ва ҳаракатлар доимий хавф сифатида сақланиб қолиши муқаррар”, деб ёзади Президентимиз. Шундай экан вояга етаётган ҳар бир фарзандимиз юрагида она Ватанга, бой тарихий меросимизга ҳурмат ҳисларини уйғотиш зарур. Президентимиз ибораси билан айтганда мафкуравий иммунитетини кучайтириш лозим. Жамиятда мафкуравий иммунитет ҳосил қилиш учун уни, аввало, тараққиёт қонунларини ўзида чуқур акс эттирган соғлом, инсонпарвар мафкура билан қуроллантириш зарур.
Якуний хулоса
Мафкуравий жараёнларнинг умумбашарий ва минтақавий кўринишлари мураккаб тус олаётган бугунги кунда, аввало, Марказий Осиёда тинчлик ва барқарорликни таъминлаш, хусусан Марказий Осиё давлатлари ўртасида ҳамжиҳатликни мустаҳкамлаш, иқтисодий ҳамкорлик миқёсларини кенгайтириш, жамоатчиликнинг ҳушёрлигини ошириш, террорчиликка қарши курашда ягона Марказ ташкил этиш, Марказий Осиёда ядро қуролидан холи бўлган ҳудудни яратиш, минтақа мамлакаталри ўртасидаги ҳамкорлик ва дўст-биродарлик жараёнларини кучайтириш. Шунингдек, Ўзбекистоннинг мустақил тараққиётини асраб-авайлаш, эркин ва фаровон ҳаётга бўлган ишонч-эътиқодни мустаҳкамлаш, бу йўлда хавф-хатарнинг олдини олиш учун муттасил огоҳ бўлиб яшаш.
V. Кейс-стади ўқитиш технологияси
Ўқув машғулотининг технологияси модели

Мавзу	Мафкуравий жараёнларнинг умумбашарий ва минтақавий кўринишлари
Ўқувчилар сони: 21	2 соат
Ўқув машғулоти шакли	Билимларни кенгайтириш, чуқурлаштириш, кўникма ва малакаларни шакллантиришга қаратилган амалий машғулот
Мавзу режаси	1.Кейс-стади мазмунига кириш. Ўқувчилар билимларини фаоллаштириш мақсадида “Блиц - сўров” ўтказиш. Кейс-стади мазмуни билан танишиш ва якка тартибда ишлашни ташкил қилиш. “Кейс-стади”ни гуруҳларда ечиш. Натижалар тақдимоти ва муҳокамасини ўтказиш. Якуний хулоса чиқариш. Эришилган ўқув натижаларига кўра ўқувчилар фаолиятини баҳолаш
Машғулотнинг мақсади: Мафкуравий жараёнларнинг умумбашарий ва минтақавий кўринишлари ҳақидаги билимларни чуқурлаштириш, муаммоли амалий вазиятларни таҳлил этиш ва ҳал қилиш малакаларини шакллантириш
Педагогик вазифалар:		Ўқув фаолияти натижалари:.
кейс-стади мазмунини мустақил ўрганиш учун асос яратади; “Ҳозирги замонда инсон қалби ва онги учун кураш” муаммосига оид вазият билан таништиради; муаммони ажратиб олишга ўргатади, таққослашга, таҳлил қилишга умумлаштиришга кўмак беради; муаммони ҳал этиш бўйича аниқ ҳаракатлар кетма-кетлигини тушунтириб беради; муаммоли вазифаларни ечишга шарт-шароит яратади, мантиқий хулоса чиқаришга кўмак беради		кейс-стади мазмуни билан олдиндан танишиб чиқиб, ёзма тайёргарлик кўради; “Ҳозирги замонда инсон қалби ва онги учун кураш” муаммосини ечиш бўйича аниқ вазиятларнинг кетма – кетлигини аниқлайди; муаммоли вазифаларни ечишда назарий билимларини қўллайди; муаммони аниқлаб, уни ҳал қилишда ечим топади; якуний мантиқий хулосалар чиқаради.
Ўқитиш методлари		Кейс-стади, ақлий ҳужум, инсерт, мунозара, амалий усул
Ўқитиш воситалари		Ўқув материали, ўқувчига услубий кўрсатмалар, тақдимот, флипчарт
Ўқитиш шакллари		Индивидуал, фронтал, жамоа, гуруҳларда ишлаш
Ўқитиш шарт-шароитлари		Гуруҳларда ишлашга мўлжалланган, аудитория
Қайтар алоқа усул ва воситалари		Блиц-сўров, тақдимот, кузатув

Ўқув машғулотнинг технологик харитаси

Иш жараёнлари вақти	Фаолиятнинг мазмуни
	ўқитувчи	ўқувчи
I - босқич. Мавзуга кириш (10 дақиқа)