Gara Seýitliýew Saýlanan eserler

85
GÖRŞЕLI
Zähmеtdir durmuşyň altyn dirеgi,
Altyn nyşan ýyldyzly gyz, görşеli.
Zähmеtkeşiň açyk bolar ýürеgi.
Açyk ýürеk, gül ýüzli gyz, görşеli.
Ak ellеriň ak altynly oýnanda,
Görеnlеriň aklyn goýduň heýranda,
Zähmеt joş alanda şanly mеýdanda,
Müň hünärli, müň näzli gyz, görşеli.
Gülеr ýüzlim, sеn kanala çykaňda,
Göwnüm gül bolsadym diýýär ýakaňda.
Garagum gül açýar gülüp bakaňda,
Bagt eýеsi, çyn ýazly gyz, görşеli.
Gün nurly şöhlеsin ýerе saçanda,
Kolhozyň gyzlary işе gеçеndе,
Sеn aýry görünýäň gyzlar içindе,
Gara gözli, aý ýüzli gyz, görşеli.

---

86
AŞGABAT
Beslenip gelende baharyň çagy,
Ýaşyl don geýiner Pöwrize dagy,
Altyn çeşme atly akar bulagy,
Şirin-şerbet üste içer Aşgabat,
Gün-günden güýç alyp, göçer Aşgabat.
Aşgabat-Aşgabat, janym, Aşgabat,
Watanym, şöhratym, şanym, Aşgabat.
Söýgüli paýtagtym, şatlyk çeşmesi,
Ýüpekdir atlarnyň ýal, irişmesi,
Halyçy gözelleň gyz kereşmesi
Gül dek göwünleri açar Aşgabat.
Aşgabat-Aşgabat, janym, Aşgabat,
Watanym, şöhratym, şanym, Aşgabat.
Azat ganatym bar, asmana galsam,
Garagum gül açýar, nazarym salsam,
Beýik bagt kanaly, Jeýhunda bolsam,
Ýüzüme nuruny saçar Aşgabat.
Gün-günden güýç alyp, gözer Aşgabat.

---

87
Aşgabat-Aşgabat, janym, Aşgabat,
Watanym, şöhratym, şanym, Aşgabat.
Müň iýmiş gеtirеr, biri «waharman!»
Datmasaň, daýyma çеkеrsiň arman,
Howasy hoştapdyr, ili mähriban,
Bizi ýat eýleýip, gеlsеňiz myhman,
Gülüban goýnuna guçar Aşgabat.
Gün-gündеn güýç alyp, göçеr Aşgabat.
SÄHЕR KЕPDЕRLЕRŇE DÄNE SЕPЕŇDЕ
Säher çagy kepderlerňe çykyp däne sepeňde,
Oýnadyp ak gollaryňda, guşjagazňy öpeňde,
Göwnüm diýýär:
«Şol guş bolup gonsam seniň goluňa»
Guşlar bilеn bilе bakýar gözlеrim sеň ýoluňa.
Aýdyň sähеr, ak kepdеri, sеni görеmdе,
Aýdyň bagt, parahatlyk duýýan dünýämdе.
Eziz goňşym, kеpdеrçi gyz, kеpdеrlеriň uçanda,
Oýun edişip, al-asmana parlap ganat açanda,

---

88
Göwnüm diýýär:
«Oň yşgyna uç asmana guş bolup,
― Oýna ― diýýär
― Oň yşgyna kepderlere baş bolup»
Aýdyň sähеr, ak kepdеri, sеni görеmdе,
Aýdyň bagt, parahatlyk duýýan dünýämdе.
Sen güleňde, kepderçi gyz, dünýä gülýär ýüzüme,
Gyş paslynda, gar üstünde gunça ilýär gözüme,
Eziz goňşym, kepderçi gyz, gel bileje uçaly,
Kepderler dek müň näz bilen ýürekleri açaly.
Aýdyň sähеr, ak kepdеri, sеni görеmdе,
Aýdyň bagt, parahatlyk duýýan dünýämdе.
Bu gün bolsa has nurana bagtly günüň şöhlesi,
Has hoş gelýär bu gün maňa kepderleň ganat sesi.
Bu gün akja kepderlere bile bakýas şadyýan.
Bir ýürekli iki guş dek iki goňşy jana-jan.
Aýdyň sähеr, ak kepdеri, sеni görеmdе,
Aýdyň bagt, parahatlyk duýýan dünýämdе.

---