Gazlerdi tazalaw

Kóbikli (barbatajlı) shań ólshegishler quramında, qattı bóleksheler kóp hám júdá úlken kólemdegi shańlı gazlerdi tazalawǵa arnalǵan (3.35-súwret). Kóbikli (barbatajlı) shań ólshegishler tarelkalı skrubber kórinisinde boladı. Shańlı gaz qurılmanıń tómengi bólimindegi shtutser arqalı jiberiledi hám ol joqarıǵa qaray háreket etedi. Qurılmanıń cilindrili qabıq 1 diń ortasında jaylasqan shtutser arqalı juwıwshı suw (yamasa suyıqlıq) tesiklı tarelka ústıne jiberiledi. Tómennen kiyatırǵan shańlı gaz aǵımı suyıqlıqtı barbataj qıladı hám nátiyjede háreketsheń kóbikli qatlam payda boladı. «Gaz - suyıqlıq» aralaspasınan ibarat kóbiklerde soqlıǵısıw yamasa urılıw júzesi úlken hám bóleksheni ilindiriw imkániyati joqarı.
Sonıń ushın da, kóbikli shań uslaǵıshlarda shańlı gazlerdiń tazalanıw dárejesi joqarı. Gazdiń tazalanıw dárejesine qarap qurılmadaǵı tesiklı tarelkalar sanı anıqlanadı.

Nasadkalı skrubber. 1 – búrkegish; 2 – nasadka	Venturi skrubberi. 1 – ajratqısh; 2 – aǵımdı uyırmelendırıwshı úskene; 3 –Venturi trubası; 4 – ventilyator	e

Kóbıklı qatlamda shańnıń tiykarǵı muǵdarı (- 80%) suyıqlıq penen uslanadı hám kóbik penen birge tuwırlawshı bosaǵa 2 arqalı shıǵarıladı. Suyıqlıqtıń qalǵan bólimi (-20%) tarelka tesikleri arqalı tómenge túsedi hám onıń astındaǵı boslıqta shańlı gaz quramındaǵı iri bólekshelerdi uslap, tómenge alıp ketedi. Payda bolǵan aqaba suw konus tárizli trubadaǵı shtutser arqalı shıǵarıladı. Kóbikli qurılmalarda gazlerdiń tazalanıw dárejesi 95...99% hám onnan joqarı boladı. Qurılmanıń dúzilisi ápiwayı hám ıqsham, hámde az kapital hám ekspluataciyalıq sarıplar talap etedi.