Gazlerdi tazalaw

Yarım qattı, filtrlewshi tosıqlı filtrler kassetalardan quralǵan boladı. Gaz quramındaǵı bólekshelerdi uslap qalıw ushın kassetada eki tor arasında shiyshe talshıqlar, metal qırındı yamasa basqa materiallar qatlamı jaylastırilǵan boladı. Sekciyalarda biriktirilgen kassetalar tómen koncentraciyalı 0,001...0,005 г/м³ shańlardı tazalaw ushın arnalǵan.
Qattı filtrlewshi tosıqlı filtrler ádette shańlı gazlerdi jumsaq tazalaw ushın qollanıladı. Filtrlewshi tosıqlar gewekli keramıka, pressleńgen yamasa qızdirip biriktirilgen poroshoklar, hámde plastmassalardan tayarlanıwı múmkin.

Jeńli filtr. 1 – rom; 2 – silkitiwshi mexanizm; 3 – qabıq; 4 – jeń; 5 - shnek	Patronlı fıltr. 1 – qapqaq; 2 – kollektor; 3 – truba panjeresı; 4 – qabıq; 5 – fıltrlewshı element; 6 – tu’p; 7 – shan’ jıynag’ısh

Cilindrlik filtrlewshi elementli, patronlı filtrler. Temperaturası joqarı bolǵan shańlı gazlerdi tazalaw ushın qollanıladı. Bul qurılmalardıń filtrlewshi elementi gewekli qılıp metallokeramikadan tayarlanadı hám olar patronlar dep ataladı (3.33-súwret).
Filtrlewshi elementler cilindrlik saqıyna tárizli yamasa tegis formada bolıwı múmkin.
Shań filtrlewshi elementten ótip, tazalanǵan gaz qurılmanıń joqarı bólegindegi shtutserden shıǵıp ketedi. Shańlar bolsa filtrlewshi patronnıń sırtqı júzesinde hám geweklerde uslanıp qaladı. Patronlardıń sırtqı júzesi hám gewekleri shań menen tolıp qalsa, process tezligi keskin ráwıshte páseyedi.
Sonıń ushın olar qısılǵan gaz yamasa hawa járdeminde úplenip qayta tiklenedi. Onnan keyin jáne qaytadan gazdi tazalaw processi dawam ettiriledi. Qayta tiklew waqıtında patronnan úplep shıǵarılǵan shańlar konus tárizli túp 6 dan shań jıynaǵısh 7 ge tógiledi. Metallokeramikalı filtr elementi filtrde bólekshelerdiń ólshemi 5 mkm dan joqarı bolǵan shańlı gazlerdi tazalaw múmkin.
Patronlı filtrlewshi elementler qattılıǵı, joqarı mexanikalıq bekkemligi, ximiyalıq hám temperaturanıń keskin terbeliwlerine shıdamlılıǵı menen ajıralıp turadı. Sonıń ushında bul filtrlewshi elementler ximiyalıq agressiv hám ıssı shańlardı tazalaw ushın qollanıladı.
Gazlerdi tazalaw filtrleriniń esabın ótkeriwden maqset, onıń ulıwma filtrlew júzesin anıqlawdan ibarat, yaǵniy
(3.70)
bul jerde V – shańlı gazdıń kólemlik sarıpı, m³/s; V_sal – filtrlerdiń salıstırma tezligi, m³/(m^2.с);
Filtrlewshi elementler sanı bolsa, usı teńlikten tabıladı:
(3.71)
bul jerde d hám l - jeńnıń diametri hám uzınlıǵı.