Displey – axborotni elektron nurli trubka ekranida vizual tasvirlaydigan qurilma.
Doktor revizorlar – fayl va diskning tizimli sohasidagi o’zgarishlarni aniqlash bilan birga, o’zgargan fayllarni dastlabki holatiga qaytara oladigan virusga qarshi dasturlar.
Yo’llovchi – kompyuter tarmog’ida ma’lumotlarni manzilga yetkazuvchi dasturlar paketi.
Yopiq axborot – tarqatilishi faqatgina kafolati mavjud bo’lgan tashkilotlar tomonidan berilgan ruxsat asosida amalga oshiriladigan maxfiy axborot.
Yordamchi diskni tayyorlab qo’yish – kompyuterni ishga tushirishga mo’ljallangan tizimli diskni tayyorlash.
Jarayon – qo’yilgan maqsadga erishish uchun yo’naltirilgan hatti-harakatlarning muayyan majmui.
Zamonaviy axborot texnologiyasi (kompyuter axborot texnologiyasi) – bu kompyuterlarni qo’llash, foydalanuv-chilarning (dasturlash sohasida kasb egasi bo’lmagan-larning) axborot jarayonida faol ishtirok etishiga, «do’stona» foydalanuvchi interfeysning yuqori daraja-siga, umumiy va muammoviy belgilanishdagi amaliy dasturlar paketini keng qo’llashga, EHMning hisoblash tarmoqlari tufayli foydalanuvchini uzoqlashtirilgan ma’lumotlar bazalari va dasturlariga kiritishga asoslangan texnologiyadir.
Ikkilik sanoq sistemasi – asosi 0 va 1 bo’lgan pozitsion sanoq sistemasi.
«Inson-mashina» tizimi – moddiy boyliklar yaratish, boshqarish, axborotni qayta ishlash va boshqa jarayonlarda inson-operator (operatorlar guruhi) texnik qurilma bilan birgalikda ishlaydigan murakkab tizim.
Integrallashgan dasturlar – bir necha soha masalala-rini yechishga mo’ljallangan amaliy dasturlar majmui.
Intellekt – insonning tafakkur yuritish qobiliyati (aql, ong).
Intellektual axborotli izlash tizimlari – ish joyidan turib bilimlar bazasidagi kerakli axborotni izlashga imkon beradigan tizimlar.
Do'stlaringiz bilan baham: |
