Gografik obyektlar turlarini toifalarga ajratish boʻyicha yoʻriqnoma

magistral yoʻllar- oʻtkazish qobiliyati yuqori boʻlgan, qarama-qarshi harakat qatorlari oʻrtasida chegara qoʻyilgan, boshqa yoʻllar bilan bevosita kesishmaydigan, kesishish qismlari koʻpriklar va aylanma yoʻllar bilan ajratilgan avtomobil yoʻli;
halqa avtomobil yoʻli- bir nuqtadan boshlanib shahar va aholi punktlari atroflarini o‘rab turuvchi boshlangan nuqta bilan tutashuvchi aylana shaklidagi yo‘l;
koʻchalar- aholi punktlari va ulardan tashqarida joylashgan koʻchmas mulk obyektlariga manzil berish uchun ajratilgan avtotransport vositalari va odamlar oʻtishiga moʻljallangan yoʻl;
koʻchmas mulk obyektlari manzillari yagona reyestri- manzillar, ularning geokodlari, oʻzgarish tarixi va hozirgi holati toʻgʻrisidagi ma’lumotlarning yagona axborot tizimi;
shoh koʻchalar- tuman yoki shahar markazidagi asosiy yoʻl;
berk koʻchalar- boshqa yoʻllarga oʻzaro oʻtib boʻlmaydigan, tarkibida shu va shunga oʻxshash boshqa turdagi yoʻllar mavjud boʻlmagan, oxiri obyekt bilan toʻsilgan yoʻllar;
tor koʻchalar- aholi punkti ichida ikkita yoʻlni oʻzaro bogʻlovchi, tarkibida shu va shunga oʻxshash boshqa turdagi yoʻllar mavjud boʻlmagan yoʻl;
bulvarlar- ikki tomonlama qatnov yoʻnalishiga ega boʻlgan koʻchalar orasidagi keng xiyobon;
maydon- markazida biror maqsad yoki sababga koʻra oʻrnatilgan, yodgorlik va (yoki) belgini ifodalaydigan monument stella, haykal yoki shunga oʻxshash, atrofi obodonlashtirilgan joy;
xiyobonlar-maydon va koʻchalarning dam olish uchun ajratilgan kichik yashil qismi;
istirohat bogʻi-aholining madaniy hordiq chiqarishi uchun turli xil koʻngilochar oʻyinlar va atraksionlar bilan jihozlangan dam olish joyi;
hayvonot ogʻi- ilmiy, ma’rifiy, madaniy muassasa boʻlib, suvda va quruqlikda yashovchi hayvonlar, qushlar hamda shu kabilar tutqunlikda va yarim tutqunlikda saqlanadigan joy;
bogʻ- aholining madaniy hordiq chiqarishi uchun moʻljallangan yashil zonalar sifatida bunyod etilgan, manzarali daraxtlar va turli xildagi oʻsimliklar ekilgan joy;