Государственный стандарт узбекистана

Таълим босқичи	Битирувчилар	Умумевропа халқаро стандарти даражалари
Даража номланиши
Умумий ўрта таълим	Бошланғич синф (4-синф) битирувчилари	А 1	Чет тилини ўрганишнинг бошланғич даражаси
	9-синф битирувчилари	А 2	Чет тилини ўрганишнинг таянч даражаси
	Чет тиллар чуқурлаштириб ўқитиладиган ихтисослаштирилган мактабларнинг 9-синф битирувчилари	А 2+	Чет тилини ўрганишнинг кучайтирилган таянч даражаси
Ўрта махсус ва касб-ҳунар таълими	Чет тилларга ихтисослашмаган академик лицейлар битирувчилари	В 1	Чет тилини ўрганишнинг мустақил бошланғич даражаси
	Касб-ҳунар коллежлари битирувчилари
	Чет тилларга ихтисослашган академик лицейлар битирувчилари (иккинчи чет тили)
	Чет тилларга ихтисослашган академик лицейлар битирувчилари	В 1+	Чет тилини ўрганишнинг кучайтирилган мустақил бошланғич даражаси
Олий таълим	Олий таълим муассасаларининг ихтисослиги чет тили бўлмаган факультетлари бакалавриат босқичи битирувчилари	В 2	Чет тилини ўрганишнинг мустақил мулоқот даражаси
	Олий таълим муассасаларининг ихтисослиги чет тили бўлмаган факультетлари магистратура босқичи битирувчилари
	Олий таълим муассасаларининг ихтисослиги чет тили бўлган факультетлари бакалавриат босқичи битирувчилари (иккинчи чет тили)
	Олий таълим муассасаларининг ихтисослиги чет тили бўлган факультетлари бакалавриат босқичи битирувчилари	С1	Чет тилини ўрганишнинг эркин мулоқот даражаси
	Олий таълим муассасаларининг ихтисослиги чет тили бўлган факультетлари магистратура босқичи битирувчилари

Мазкур стандарт асосида чет тиллари (инглиз, француз, немис ва бошқа тиллар) бўйича таълим муассасаси хусусиятларини инобатга олган ҳолда давлат аттестацияси учун назорат-баҳолаш кўрсаткичлари, ўқув дастурлар ишлаб чиқилади ва тегишли вазирликларнинг буйруқлари билан тасдиқланади.
ДАВЛАТ ТАЪЛИМ СТАНДАРТИНИНГ ТУЗИЛИШИ

Чет тиллар бўйича узлуксиз таълим учун давлат таълим стандарти қуйидагиларни белгилаб беради:

ўқув фанининг мақсад ва вазифалари;
чет тилини ўқитиш ва ўрганишнинг мазмуни;
таълимнинг барча босқичларида таълим муассасалари битирувчиларининг мажбурий тайёргарлик даражаларига қўйиладиган талаблар.
ЎҚУВ ФАНИНИНГ МАҚСАД ВА ВАЗИФАЛАРИ

Ўзбекистон Республикасида таълимнинг барча босқичларида чет тилини ўқитишнинг асосий мақсади ўрганувчиларнинг кўп маданиятли дунёда кундалик, илмий ва касбга оид соҳаларда фаолият олиб бориши учун чет тилида коммуникатив компетенциясини шакллантиришдан иборат.

Чет тили коммуникатив компетенцияси - ўрганилаётган чет тили бўйича эгаллаган билим, кўникма ва малакаларни мулоқот жараёнида қўллаш қобилиятидир.
Ушбу ҳужжатда компетенциялар қуйидаги гуруҳларга ажратилади: