Гулистон давлат университети бошланғич ва мактабгача таълим методикаси кафедраси

1-асосий саволнинг қисқача мазмуни.
Мактабгача таълим бакалавриат таълим йўналишида таҳсил олаётган талабалар ўқув режаси ва фанлар дастурлари таркибидаги қуйидаги мажбурий фанлар блокларини ўзлаштиришлари зарур:
1. Гуманитар ва ижтимоий-иқтисодий фанлар: Ўзбекистон тарихи, Миллий ғоя, Фалсафа, Диншунослик, Иқтисодиёт назарияси,Фуқаролик жамияти, Хорижий тил, Жисмоний маданият ва ҳ.к..
2. Математик ва табиий-илмий фанлар: Математика, Таълимда ахборот технологиялари, Педиатрия ва болалар спорти, Болалар анатомияси ва физиологияси, Эклология ва табиатни муҳофаза қилиш ва ҳ.к.
3. Умумкасбий фанлар: Умумий психология, Умумий педагогика, Мактабгача педагогика, , Болалар психологияси ва психодиогностикаси, Она тили ва болалар адабиёти, Нутқ ўстириш назарияси ва методикаси, Математик тасаввурларни шакллантириш назарияси ва методикаси, Жисмоний тарбия назарияси ва методикаси, Табиат билан таништириш назарияси ва методикаси, Тасвирий фаолиятга ўргатиш назарияси ва методикаси.
4. Ихтисослик фанлари: Мактабгача таълимни ташкил этиш ва раҳбарнинг ташкилотчилик маданияти, Мактабгача таълимда педагогик диогностика, Мактабгача таълимни ўқитиш технологияси ва лойиҳалаштириш.
5. Қўшимча фанлар: Солиқ ва солиққа тортиш, Кичик бизнес ва тадбиркорлик, Ҳаёт фаолияти хавфсизлиги, Терминалогия ва давлат тилида иш юритиш, Амалий инглиз тили ва бошқа фанлар.
Талабалар касбий фаолият кўникмаларини эгаллашлари учун (1,2,3,4- курсларда) малака амалиётлари ўтилиши назарда тутилган.


2-асосий саволнинг қисқача мазмуни.
Ўқув режалар мажбурий ўқув фанлари билан бир қаторда талабалар танлаган фанларни ҳам ўз ичига олади. Ҳар бир фанлар блокида танлов фанларини белгилаш кафедра, факультет, олий таълим муассасаси ихтиёрида бўлиб, ҳудудий истемолчиларнинг эҳтиёжлари, соҳадаги муаммолардан келиб чиқиб танланади.
Бакалавриат таълим йўналиши ўқув режаси ва фанлар дастурларини ўзлаштиришда талабаларнинг ўқув фанларига оид бир қанча масалалар ва муаммолар бўйича мустақил билим олиши (ТМИ) назарда тутилган. Талабаларнинг мустақил таълим олишлари учун ўқув режалари ва фан дастурларида етарли миқдордаги вақт (соатлар) ажратилган бўлиб, талабаларнинг аудиториядан ташқари вақтларида тегишли Низом талаблари асосида амалга оширилади. Талабаларнинг фанлардан билимларни мустақил ўзлаштиришлари ЖН, ОН, ЯН турларини баҳолашда инобатга олинади. Ривожланган хорижий давлат олий таълим муассасаларида таълимнинг бундай шакл ва турларига алоҳида эътибор қаратилиб, таълим сифатини таъминлашда мустақил билим олиш муҳим омил бўлиб хизмат қилади.
Бакалавриат таълим йўналиши ўқув режасига мувофиқ равишда якуний давлат аттестацияси билан тугалланади. Якуний давлат аттестацияси синовлари ўқув режасига асосан Ўзбекистон тарихи (Миллий истиқлол ғояси), Чет тили фанлари, ихтисослик бўйича БМИ (битирув малакавий иш)ни бажариш билан якунланади. ДАС (давлат аттестация синовлари) комиссияси раиси ОЎМТВ томонидан белгиланиб, комиссия таркибига кафедранинг салоҳиятли профессор-ўқитувчилари, мактабгача таълим тизимининг тажрибали мудир, тарбиячи, методистлари, халқ таълим бошқармасининг етакчи раҳбар ходимлари киритилади.
Ўқув режага киритиладиган ихтисосликка оид фанларнинг амалий ва лаборатория машғулотлари олий таълим муассасаси, базавий ташкилот ва таълим муассасаларида ўтказилиши мақсадга мувофиқ ҳисобланади.
Назария ва амалиёт яхлитлигини таъминлаш учун талабаларнинг малакавий амалиётлари (1,2,3,4-курсларда) мактабгача таълим муассасалари, базавий ташкилот ва мактабдан ташқари таълим муассасаларида ўтказилади.