Гуманитар фанлар факультети Кенгашининг 1-сонли йиғилиш баённомаси

6.6-масала юзасидан кафедра мудирларининг (А.Шофқоров, А.Давлатова, Ш.Тоғаев, О.Носиров, Ш.Жумаева, О.Норматов, А.Екабсонс, Б.Бадалова, Э.Сергеева)нинг ахборотлари тингланди:

Кун тартибидаги масала муҳокама этилиб,

ҚАРОР ҚИЛИНДИ:
1. Масъулларнинг берган ахборотлари маълумот учун қабул қилинсин.
2. 2022/2023 ўқув йилида 1-курс бакалавриат босқичи кундузги, сиртқи таълим шакли ҳамда магистратура йўналишига ўқишга тавсия этилган талабалар билан ишлаш, уларнинг ҳужжатларини қабул қилиб олиш учун масъуллар бириктирилсин ва уларнинг вазифалари тушунтирилсин.
(масъуллар: Р.Хайтметов, Л.Муҳаммадиев)
3. Барча ўқув хоналарининг ҳолати қайта кўриб чиқилсин ва мавжуд камчиликлар ўқув йили бошлангунга қадар бартараф этилсин.
(масъуллар: кафедра мудирлари)
4. Илмий-тадқиқотга йўналтирилган семинарлар ижроси тасдиқланган режа асосида амалга оширилиши таъминлансин.
5. Ҳар ой якунида иқтидорли талабалар ва ёш илмий тадқиқотчиларнинг илмий тадқиқот ишларини муҳокама қилиб бориш йўлга қўйилсин.
6. Битирувчиларни иш билан таъминлаш бўйича олиб борилаётган ишлар самарадорлиги оширилсин.
7. Ўзбек тилшунослиги кафедрасини – “Тилшунослик назарияси ва методикаси”, Ўзбек адабиётшунослиги кафедрасини – “Адабиёт назарияси ва методикаси” деб номлаш таклифи бир овоздан тасдиқлансин.
8. Тарих кафедраси негизида – “Ўзбекистон тарихи” ва “Умумий тарих ва таълим методикаси” кафедраларини, Рус тили ва адабиёти кафедраси негизида – “Рус тили ва таълим методикаси” ва “Рус адабиёти ва таълим методикаси” кафедраларини ташкил этиш таклифи бир овоздан тасдиқлансин.
9. Илмий унвон ва илмий даражага эга бўлмаган ўқитувчиларга маъруза машғулотлари ўрнатилган тартибда вақт меьёрлари асосида берилиши белгилансин.
10.Ушбу қарорлар ижроси назорати декан муовинлари Л.Муҳаммадиев, Р.Хайтметов, С.Тоштемирова, Е.Айдаров, Ж.Аликуловлар зиммасига юклатилсин.
Қарор бир овоздан маъқулланди.


Кенгаш раиси Р.А.Икрамов
Котиб А.К.Нафасов