Datly süýtler emişenim,
Dartyşyp donlar geýenim,
Dalaşyp nanlar iýenim,
Eziz käbäm balasy,
Ýaşlykda ýanan dogan –eý!
Aýal-gyzlara
degişli
agy
bentlerinde,olaryň
adamkärçiligi,
iş
başarjaňlygy, el işine nepisligi ulaldylyp görkezilýär:
Iňňesi guýy gazan,
Nusgasy iller gezen,
Edenine el ýetmez,
Dokanyndan suw ötmez,
Eý,waý… bagtym garalan,
Ne gazapdy salanyň!…
Türkmenlerde öleniň sarpasy saklanylýar. Halkyň arasynda ýaş çaga
ölende köp, dowamly ses edilmeýän bolsa-da, gysga wagt dowamynda sanalýan
bentler örän täsirli hem tolgundyryjy:
Gül aýagy ýörände,
Gyzyl dili saýranda,
Barjak öýün bellände,
Öz gapysyn tananda,
Eli taýak tutanda,
Boýy kölge atanda,
Daňdan görlen düýş bolduň,
Agaja gonan guş bolduň!
Hojalygyň baştutany, ýaşuly adamlar ölende aýdylýan bentleriň arasynda
onuň yzynda galan ogluna, gelnine, olaryň iň ulusyna nesihat beriji mazmunly
setirlere duş gelinýär:
Berk guşagyn biliňi,
Gaýyn enem öldi diýip,
Dargatmagyn yzyny,
Aglatmagyn ogluny,
Saraltmagyn gyzyny,
Gapyňdan myhman gelse,
Gülüp garşy alawer,
56
Ile syryň bildirme,
Gaýratyňa galawer-ow,
Eý,eh-eh-eh-ow!
Uruş ölüm-ýitimsiz bolmaýar. Gökdepe urşunda ähli perzendini aldyran
maşgalalar boldy. Agy bendinde ene ýüreginiň nalasy has-da eýmenç berilýär:
Gara daglam ýykyldy,
Çynarlarym çapyldy,
Bilimiň kuwwatlary,
Gözümiň göreçleri,
Do'stlaringiz bilan baham: |
