Хом ашёни тайёрлаш ва пиролиз газини тоблаш бўлимини технологик схемасининг баёни 4

Хом ашёни олдиндан қиздириш

ЕА-1130 этан хом ашёси иситкичида тоблаш суви билан иссиқлик алмашиш ҳисобига узлуксиз амалга оширилади.
Хом ашёнинг уч оқими бирлашиб этан хом ашёсини олдиндан иситиш учун ЕА-1130 иситкичининг икки кириш йўли орқали, унинг қувурлараро ҳудудига берилади.
ЕА-1130 этан хом ашёсини олдиндан иситкичи, сузувчи каллакли ва қувур компенсаторли тўрт йўллик, ғилофқувурли горизонтал иссиқлик алмашгич бўлиб, унинг қувурлар ҳудудига тоблаш суви, қувурлараро ҳудудига эса газ ҳолидаги этан берилади.
ЕА-1130 иситкичдан олдин этаннинг босими РС-11001 тартиблангич билан бир маромда ушлаб турилади, унинг PV-11001 «НЁ» клапани этанни ёнилғи гази тизимига чиқариш қувурўтказгичида ўрнатилган.
Параметрнинг максимал қийматида (736 kPа) сигнал бериш кўзда тутилган.
ЕА-1130 иситкичдан олдин, қувурўтказгичдаги S-1100 намуна олиш мосламасидан этаннинг таркибини лаборатория назорати учун, намуна олиш амалга оширилади.
ЕА-1130 иситкичдан кейин этаннинг температураси ТС-11001 тартиблангич билан 60 ^оС қийматида ушлаб турилади, унинг ТV-11001 «НЁ» клапани GA-1101А,В,S насослардан тоблаш сувини аппаратнинг қувурлар ҳудудига бериш қувурўтказгичида ўрнатилган.
Параметрнинг минимал (50 ^оС) ва максимал (70 ^оС) қийматларида сигнал бериш кўзда тутилган.
ЕА-1130 иситкичдан кейин этанни температурасининг назорати TI-11007 асбобининг кўрсаткичлари бўйича ҳам олиб борилади.
ЕА-1130 иситкичдан кейин этан қувурўтказгичидаги босим РС-11002 тартиблагич билан бир маромда ушлаб турилади, унинг PV-11002А,В «НЁ» клапанлари суюқ этанни FA-1804 “хўллаш” суюқлиги сиғимидан EA-1820 буғлаткичга чиқариш қувурўтказгичида ўрнатилган. Параметрнинг минимал (550 kPа) қийматида сигнал бериш кўзда тутилган.
ЕА-1130 иситкичдан кейин тоблаш сувини температурасининг назорати жойида ўрнатилган TW-11051 асбобининг кўрсаткичлари бўйича олиб борилади.
DA-1102 сатураторнинг I-1192 авария ҳолатида ажратиш тизими (ААТ) ишлаб қолганда PV-11001 «НЁ» ва РV-11002 А,В «НЁ» тартибга солиш клапанларининг ёпилиши кўзда тутилган.
ЕА-1130 иситкичдан температураси 60 ^оС бўлган этан оқими DA-1102 сатураторга берилади.