Hususiyatlari

M onomerni faolligi kamayadi

Radikalni faolligi kamayadi

Bularga mos bo`lgan radikallarning reaktsion qobiliyati esa o`ng tomondan chap tomonga qarab kamayadi [16-22].

2.2. Radikal polimerlanish jarayoninig inisirlanish samaradorligi va uni
aniqlash.

Radikal polimerlanish zanjirili reaktsiyalar mexanizmi bo`yicha boradi. Faol markaz vazifasini monomerlar bilan oson birikadigan erkin radikallar bajaradi. erkin radikallar xosil bo`lish jarayonini reaktsiyaning boshlanishi deb ataladi. Bu jarayon yuqori xarorat, turli nurlar va boshqa ta`sirlar natijasida monomerlardan radikallar hosil qilish bilan yoki monomer muxitiga qizdirilganda oson radikallarga parchalanadigan kimyoviy moddalar qo`shish yordamida olib boriladi.

Polimerlanish reaktsiyasini boshlab beruvchi radikallarni hosil qilish usuliga qarab termik, fotokimyoviy, radiatsion va kimyoviy polimerlanish deb ataladi. Bular ichida eng ko`p qo`llaniladigani monomer muxitida radikallarga oson parchalanadigan modda (initsiator)lar-boshlagichlar yordamida olib boriladigan kimyoviy usuldir.
Initsiator (boshlagich)ning parchalanishidan hosil bo`lgan birlamchi radikallarning barchasi polimerlanishni initsirlash uchun sarf bo`lmaydi. Birlamchi radikallar o`zaro birikib, neytral molekulalarni hosil qilishi mumkin. SHu sababli initsirlash samaradorligi (f) initsiator parchalanishining birinchi bosqichida hosil bo`lgan radikallarning qancha qismi polimerlanishni boshlab berishga sarf bo`layotganligini ifodalaydi. Initsirlanish samaradorligi monomer kontsentratsiyasiga bog’liq ravishda kamayadi [16-20].