I bob. Aholini ijtimoiy muhofaza qilishning tashkiliy-huquqiy asoslari va moliyaviy manbalari

Buxoro viloyati Shofirkon tuman mahalliy byudjeti xarajatlari tarkibi¹⁹

foizda

№	Ko‘rsatkichlar	2015-yil	2016-yil	2017-yil
1.	Ijtimoiy soha va aholini ijtimoiy qo‘llab-quvvatlashga xarajatlar - jami	91,4	91,5	90,8
2.	Iqtisodiyotga xarajatlar	4,6	4,5	5,1
3.	Davlat boshqaruv organlarini saqlash	1,0	1,0	1,0
4.	Fuqarolarning o‘zini-o‘zi boshqarish organlarini saqlash	3,0	3,0	3,1
	Jami xarajatlar	100,0	100,0	100,0

Ma’lumki, aholini ijtimoiy jihatdan qo‘llab-quvvatlash xarajatlari qariyb 100 foiz mahalliy byudjetlar hisobidan amalga oshiriladi. Tahlil uchun tanlab olingan Buxoro viloyati Shofirkon tuman mahalliy byudjeti xarajatlari ijrosi ko‘rsatkichlarini tahlil qilish shuni ko‘rsatmoqdaki, tuman byudjetining salmoqli qismi ijtimoiy-madaniy sohalarni saqlash va aholini ijtimoiy qo‘llab-quvvatlash maqsadlariga sarflanadi. Xususan, 2015-2017-yillar davomida tuman byudjetining 90,8-91,5 foizi ijtimoiy maqsadlarga safarbar qilingan (3-jadval).

Xarajatlar tarkibidagi ko‘p bolali va kam ta’minlangan oilalarga to‘lanadigan ijtimoiy nafaqalarga ajratilgan mablag‘lar 2015-yilda 7841,1 mln.so‘m, 2016-yilda 8621,4 mln.so‘m, 2017-yilda 7995,6 mln.so‘mdan iborat bo‘ldi (4-jadval).





¹⁸ Manba: http://buxoro.uz/post/buxoro-viloyati-shofirkon-tumani-hokimligi-75161
¹⁹ Shofirkon tuman moliya bo‘limi hisobotlari asosida muallif tomonidan tuzildi.