И. Каримов номидаги тошкент давлат техника университети

КЕЙС – СТАДИ: «Инқироз даврида етакчилик (лидерлик)
хусусиятлари»
Қуйида тадбиркорлардан бирининг хати келтирилган:
«Мен хозирги пайтдаги воқеалар ва хатти-харакатларни ўзимнинг нуқтаи-назаримдан тасвирлаб бермоқчиман. Умуман юзага келган вазият мени қониқтиради. Менинг назаримда, мамлакат хозир танг вазиятда қолган. Умид қиламанки, туб ўзгаришлар зарурлигини ва бошқача йњл йњқлигини тушуниш учун унинг ахолиси етарлича ақлга эга. Менда шок холати бњлмаган, йўқ ва бўлмайди хам. Иқрор бўламан, биз $60000 – $80000 яқин маблағ йўқотдик (бизнинг бор-йўғимиз шу эди). Кейинчалик мен ўзимни қўлга олдим ва бу шунчаки синов эканлигини тушундим.
Мен яшаб қолмоқчиман ва хозирги вақтда курашдан завқ олмоқдаман. Мен қилган биринчи иш – «Хозир рўй бераётган ходисаларнинг хаммаси – муваффақиятимизнинг бир қисмидир» деган сўзлар ёзилган қоғозларни офисда, омборхонада ва савдо залида осиб қуйишни ходимларимдан сўрадим. Кейин сўм қадри бутунлай тушиб кетмасдан одамлар ўзига бирор нарса харид қилсин деб, хаммага ойлик иш хаққини муддатидан олдин бердим. Буни шу билан изохладимки, компаниямизга омад кулиб боқди ва биз буларнинг хаммасига тайёрмиз дедим.
Бир неча вақт илгари солиқ полицияси ташриф буюрди ва шу туфайли биз бутун кампания бўлиб лойихани бошладик ва уни тугатдик (агар шулар бўлмаганда, уни қачон тугатишимизни худо биларди). Энди мен компанияни Америка бўйича учта янги лойихани ишлаб чиқишга йўналтирдим, улар анча катта ва, менинг фикримча, жуда қизиқарли. Бундан ташқари, биз барча хамкорларимизга таклифномалар жўнатдик ва сентябрда уч кунга улар Владивостокга келадилар. Биз сотишларни вақтинча тўхтатиб қўйдик, лекин салон ишлашни давом этмоқда эди, умуман олганда хеч нарса бўлмагандай туюлади. Биз хазиллашамиз, куламиз, сотиш санъатимизни машқ қилмоқдамиз, мижозларимизга ажойиб буклетларимизни тарқатиб, ахборот бермоқдамиз – хуллас уларга маълумот бермоқдамиз, хамма нарса жой-жойига тушганда улар кимдан нима харид қилишни яхши биладилар. Бу билан «биз минимум 70 ишлаймиз» деган шиоримизни тасдиқламоқдамиз.
Ўйлайманки, бир ойга яқин фаол сотилишлар бўлмайди, шунинг учун ходимларнинг ярмига мехнат таътили пулларини (отпускнойларни) бериб, таътилга жўнатиш хақида қарор қабул қилдим. Ходимларнинг иккинчи ярми билан ишлаб турамиз, фақат ойлик иш хаққи бироз пасайтирилади. Яъни, биз ўз хаётимизнинг сифати учун курашиш ниятидамиз. Умуман, қанчалик қувонч олаётганимни билсангиз эди. Мен ўзим хам ўзгардим. Мен ўзимга айтдим: мен бизнесда беш йилдан бери ишлайман, бу менинг университетим, бу ерда ўқишим учун бошида эмас, охирда тўлашимга тўғри келди. Хозир мен уни тугатдим ва эндиликда мен тажрибали ёш мутахассис. Бир ой ичида хамма нарса тинчийди деб ўйлайман ва октябр охирида сенинг семинарларингни ўтказамиз. Ўтказмасликнинг иккита сабаби бўлиши мумкин: биринчиси – бу сенинг рад жавобинг, иккинчиси – фуқаролар уруши ёки иқтисодиётнинг бутунлай барбод бўлиши ва барча тадбиркорларнинг уй-уйларига қамалиб олиши. Хозирча ана шу».
(Имзо).
Вазифа:

1. 
   Хат муаллифи мазкур вазиятда етакчининг (лидернинг) қайси хусусиятларини намоён қилди?
   
2. 
   Шахсан Сизга унинг қайси фазилатлари ёқиб қолди? Нима учун?