I. Кириш II. Асосий қисм Бухгалтерия хисобининг регистрлари

Йиғма қайдномаларда маълум бир хисобот даври ичида айрим бухгалтерия хужжатларининг маълумотлари бўйича бир хилдаги хўжалик муомалалари жамланиб борилади. Бундай турдаги қайдномаларга махсулотларни жўнатиш ва сотиш бўйича қайднома ҳамда бошқа қайдномалар мисол бўла олади.
Гурухловчи қайдномаларда бир хилдаги ижро хужжатларининг ойлик маълумотлари йиғиб ёзилади. Бунга иш хақини тақсимлаш қайдномаси ва бошқа қайд­номалар мисол бўла олади.
Корхонада бухгалтерия хисобининг қуйидаги қайдномалари қўлланилади:

• 
  Асосий воситалар ва хисобланган амортизация ажратмаларини хисобга олиш қайдномаси;
  
• 
  Ишлаб чиқариш ҳаражатларини хисобга олиш қайдномаси;
  
• 
  Ишлаб чиқариш захиралари, тайёр махсулот, шунингдек, улар бўйича тўланган К,К,Сни хисобга олиш қайдномаси;
  
• 
  Пул маблағларини хисобга олиш қайдномаси;
  
• 
  Махсулот сотилишини хисобга олиш қайдномаси;
  
• 
  Мол етказиб берувчилар билан хисоб-китобларни хисобга олиш қайдномаси;
  
• 
  Мехнатга хак тўланишини хисобга олиш қайдно­маси;
  
• 
  Шахматли қайднома.
  

Ҳар бир қайднома фойдаланилаётган бухгалтерия хисобларидан бири бўйича муомалаларни хисобга олиш учун қўлланилади. Ҳар бир муомала бўйича сумма бир вақтнинг ўзида иккита қайдномада акс эттирилади:

• 
  Кредитланувчи счётни кўрсатган счёт, дебети бўйича биттасида;
  
• 
  Дебетланувчи счётни қайд этган холда корреспонденцияланувчи счётнинг кредити бўйича бошқасида.
  

Сўнгра шахматли қайдномада корхона фаолиятининг ойлик якунлари бўйича умумлаштирилади.
Бухгалтерия хисоби регистрларининг энг кўп қўлланиладиган тури—карточкалардир. Карточкалар корхонада амалга ошириладиган хўжалик муомалаларини рўйхатга олиш учун мўлжалланган бир хил шаклдаги қоғоз еки картондан тайёрланган бир неча устунли жадваллардир. Улар бир хил бўлганлиги учун махсус белгиланган яшикларда сақланади. Карточкалар мажмуасига картотека дейилади.
Карточкалар, одатда, бир йилга мўлжалланган бўлади. Улар картотекага хеч бир кийинчиликсиз жойлаштирилади, шунинг учун ҳам улардан бир йилда ҳар бир счётка канча талаб қилинишини олдиндан аниқлаш зарурияти йуқ Карточкадан фойдаланиш бух­галтерия хисоби техникасини такомиллаштириш, хисоб ходимлари ўртасида меҳнатни тугри тақсимлаш учун кенг имкониятларни яратиб беради.
Корхоналарда бухгалтерия хисоби ишларини ташкил қилиш ва юритишнинг бир нечта усулларидан фойдаланилади.