Ибрайым юсупов ҳӘр кимниң ӨЗ

ЖЕТПИС—СЕНИҢ ЖЕЗДЕҢ ЕМЕС... 
Абдулла Бекмановқа дослық ҳәзил 
Жақсы атлар аз киснейтуғын
Көп шабады, шаршамай терлеп.
Сен аз сөйлеп, көп ислейтуғны 

---

61 
Әдетиң бар-жасларға өрнек. 
Елдеги зор қурылыс ислерин
Хүкимет саған тапсырар еди.
Қайтпас қарыў, билим, күшлериң
Көп сынақтан апшығар еди. 
Шешен туўған минезиңе келсек,
Туўры айтасаң қарамай бет-жүзге.
Сени еле жас ғой деп жүрсек,
Келип қапсаң мине жетписке. 
Жаслық дәўран қайтадан келмес,
Ол туўралы ойлама. бала.
Жетпис—сениң жездең емес,
Жетпис пенен ойнама, бала. 
Жетпис пенен ойнама, демек,
Ол баяғы елиўиң емес.
Сен кешеги Дәмеге еркелеп,
Былғаңлап келиўиң емес... 
Бул ескертў тек саған емес,
Өзиме де айтып атқаным.
Шаўып үйренген атлардың басын
Әсте жүр деп тартып атқаным. 
Жас әўладлар ҳүрметлеп, еслеп,
Атымызды тутып байласын
"Қайнағалар жаман емес" деп,
Келинлеримиз де сыйласын... 
 

---

62 
 
 
ДОС ҲƏЗИЛИ 
Оразақ Бекбаўлиевтың 50 жыллығына ҳәзил 
Бес төбеден нәзер салсам ҳәр жайға,
Маған бир әжайып мурын көринди.
Ышқы оты жаман екен, жанларым,
Мурынлар ишинде бурын көринди. 
Әлқысса, мен оның айтайын сырын,
Буннан саппа-саррас елли жыл бурын,
Ялғаншыға келди бул даңқлы мурын,
Ол жыл өзимниң де жылым көринди. 
Мурын көрмегенге мурын таң болып,
Иши күйгенлердиң баўыры қан болып,
Қуўанысып пүткил Назархан болып,
Той берисип атқан елиң көринди. 
Мурын ийесине сондаў жарасты,
Көп жигитлер қызғанысып қарасты.
Нөкис ҳәм Қазаннан қызлар таласты,
Жолларыңда бирим-бирим көринди. 
Досжан, Омарлардың пәти басылды,
Биразлар мурт қойып, мурнын жасырды.
Шылпық пəсте қалып, таўлар бас урды,
Бийигинен Кавказ, Қырым көринди. 
Гөззал инсан бул мурынның ийеси,
Талай көпирлерден өткен түйеси.
Көп қызлардың болған еди дәмеси,
Оларды кәлемей, қырын көринди. 

---

63 
Студентлик жыллар бирге жас болдық,
Бир күн тойып жүрсек, бир күн аш болдық.
Төрт жыл институтта парылас болдық,
Устазлар не айтса, билим керинди. 
Көрдим илим қуўып жуўырғанларын.
Берунийдиң бизде туўылғанларын,
Жазды китап етип, хәм де Тарастың
Арал бойларына қуўылғанларын. 
Мурын көрмек болсаң, көрип қалыңлар,
Ыссыласаң саясына барыңлар.
Жипек минез жигит болайын десең,
Оразақтан бизиң өрнек алыңлар! 
1979-жыл, сентябрь.