Ибрайым юсупов

 
СОНЕТ 
Базарға барсаң, адам өлмегендей,
Ким не менен бунда саўда етти екен?
Әўлийеге барсаң адам қалмағандай,
Дүньяға қанша адам келип-кетти екен? 
Қай жерде ким алмаған есабан буның.
Лекин дем санаўлы, өлшеўли десер.
Пышық қуўып таўсар найшаның жибин.
Қайтып келмес жолға кәрўаның көшер. 
Бунда иләҳият даналығы бар:
Өлмейтуғынлығын билсе адамлар, 
Ҳәмме тири жүрсе жердиң жүзинде. 
Нешик кешер еди дүньяның ҳалы? 
Бес күн өмир сүргенниң өзинде, 
Астан-кестен етип атыр дүньяны . . . 
ҚУЛПЫТАСТАҒЫ ЖАЗЫЎЛАР 
 
Турдымурат аға Бекимбетовтың басындағы жазыў 
 
Жаңа заманда жетилген
Түптен салған урпақ едиң.
Кәтқудалық ис питирген

---

70
Ири қарақалпақ едиң. 
Бабаш Исмаиловтың қулпытасындағы жазыў 
Минезиң бар еди жипектен майда,
Енди бизге сендей жанажан қайда 
Адамшылық деген уллы сарайда
Қалыс хызмет етип турдың да кеттиң. 
 
Қарақалпақ миллий киимлериниң ҳәм нағысларының 
шебери Заҳира Оразбай қызының басындағы жазыў. 
Кимнен қалмаған бул өмир жағысы,
Сени алып кетти тәғдир ағысы.
Ел ядында сақлар сени, Заҳира,
Өзиң тиккен көк көйлектиң нағысы. 
 
Халық артисти Гүлхан Ширазиеваға 
Гүлхан апа, өзиң айтқан "Адыңнан"
Ҳеш ўақытта шығар емес ядымнан.
Ел ҳүрметлеп еске алар мудамы,
Хош ҳаўазлы сендей қызын қадирдан. 
 
Профессор Досжан Насыровтың қулпытасындағы 
жазыў. 
 
Ана тилдиң арын арлап өттиң сен,
Даңқлы алымлық дәрежеге жеттиң сен.
Адам едиң арысландай азамат,
Ялғаншыны ерте таслап кеттиң сен. 
 
Хожанияз Режеповтың басындағы жазыў 
Ели суйген ер жигиттиң бири едиң,

---

71
Халыққа қалыс хызмет етип жүр едиң.
Бул дуньядан биймезгил көз жумғаның
Дағлап кетти досларыңның жүрегин. 
Хатира Қырғызбаева естелигине 
Даўыл үзген жапырақтай солдың кеттиң, 
Дүньяға келмегендей болдың кеттиң. 
* * * 
Гүлдей перзент берген соң,
Узағына берсе екен.
Ырасында да бул дүнья
Опасы жоқ нәрсе екен. 
ҚОЛТАҢБАЛАР 
(автографлар) 
 
 Рафаэли даламның 
(Сүўретши Қыдырбай Сайыповқа) 
Сынығындай алтынның
Минезиң бар-аў, қарағым. 
Жалқаў йошы халқымның,
Рафаэли даламның.
О дүньяда сүўретке.
Жан бересең деседи.
Тәңирим бирақ әлбетте
Гүнаңды сениң кешеди. 
Өйткени сен өзиңниң 
Салған сүўретлериңе
Нур жуўыртып көзиңнен,
Жан бересең тириңде… 
1971-жыл. 

---

72