Identifikatsiyalash

II-BOB yuzasidan nazorat savollari
1.Transport masalasining iqtisodiy ma’nosini tushuntirib bering.
2.Transport masalasining matematik modeli qanday talqin qilinadi?
3.Ta’rif matritsasi nima?
4.Transport masalasining plani deganda nimani tushunasiz?
5.Transport masalasi qachon ochiq turdagi va qachon yopiq turdagi boʻladi?
6.Transport masalasini echish qanday etaplardan iborat?
7.Tayanch planni topishning qanday usullarini bilasiz?
8.Optimal planni topishning qanday usullarini bilasiz?
9.Optimal planni aniqlash qanday kriteriya yordamida aniqlanadi?
10.Ishlab chiqarishni rejalashtirishning matematik modelida mahsulotga qanday qoʻshimcha shart qoʻyiladi,
11.Ishlab chiqarishning planini deganda nimani tushunasiz?
12.Ishlab chiqarishni rejalashtirishning matematik modeli ta’rifini bering.
13.Ishlab chiqarishni rejalashtirish masalasi qoʻyilishini ta’riflang.
14.YUklarni yoki pasajirlarni tashishda yoʻllar boʻyicha transportlarni taqsimlash masalasi ta’rifini bering.
15.Maksimal oqim va minimal qirqim toʻgʻrisida tushuncha bering.
16.Ford-Falkerson algoritmining ketma-ketligini tushuntiring.
17.Toʻyingan yoy deganda qanday yoyni tushunnasiz?
III--BOB. BUTUN SONLI PROGRAMMALASH
3.1. Butun sonli programmalash masalasining matematik modeli
Oʻzgaruvchilarga butun sonli boʻlishlik sharti qoʻyilgan chiziqli programmalash masalalariga butun sonli programmalash masalalari deyiladi. Butun sonli programmalash masalalariga sayoh haqidagi masala, optimal jadval tuzish, transport vositalarini marshrutlashni optimallash, optimal joylashtirish masalasi va hokazolar misol boʻla oladi
Butun sonli programmalash masalasi matematik modelini umumiy holda yozishdan oldin quyidagi butun sonli programmalash masalalarini koʻrib chiqamiz.
1. Sayyoh haqidagi masala. Faraz qilaylik R₀ shaharda yashovchi sayyoh n ta R₁, R₂, . . . , R_n shaharlarida bir martadan boʻlib, minimal vaqt ichida R₀ shaharga qaytib kelishi kerak boʻlsin. Bu masalaning matematik modelini tuzish uchun sayyohning R_i shahardan R_j shaharga borishi uchun sarf qilingan vaqtini t_ij (i=1,2,..,n; j=1,2,..,m) bilan hamda uning har bir R_i shahardan R_j shaharga borish variantining xarakteristikasini x_ij bilan belgilaymiz. Agar sayyoh R_i shahardan R_j shaharga borsa, x_ij=1, bormasa, x_ij=0 boʻladi. U holda masalaning matematik modeli quyidagicha yozish mumkin.