Ilk qadam davlat o‘quv dasturi asosida kichik guruhlarda yil davomida

Kutilayotgan natija:

• Bolalar 2 guruh predmetlarni taqqoslashni va buni nutqda ifoda etishni o’rganadilar.

  
  

Kerakli jihozlar:

• Namoyishlar taxtasi va rangli buyumlar (4 ta), 2 ta sichqoncha, 4 ta sharf.

  
  

Tarqatma material:

• Har bir bolaga 2 ta kartochka (birinchi kartochkada 3 ta anor, ikkinchisida 4 ta anor tasvirlangan).

  
  

• Xamma bolaga bir xil kichik o’yinchoqlar to’plami.

  
  

• «Pazl» O’yini uchun uchburchak va kvadrat shaklida 4 ta bo’lakka bo’lingan rasmlar. (Har bir bolaga bitta yoki kichik guruhlarga bittadan pazl).

  
  

Faoliyatning borishi:
Tarbiyachi namoyishlar taxtasida buyumlar ostiga buyumlarni qo’yish usuli bilan teng, teng emasligini aniqlashni o’rgatadi. «Qanday qilib qancha buyum bo’lsa, shunchani birdaniga qo’yish mumkin?» Tarbiyachi buyumlarni guruh-guruh qilib qo’yar ekan «teng» so’zini ishlatadi va «Yuqoridagi har bir narsaning tagiga narsani qo’ysak, ularning soni teng bo’ladi», deb tushuntiradi. Bolalarni navbat bilan chaqirib yuqoridagi qatorga qancha buyum qo’ysa, pastki qatorga ham shuncha buyum qo’yishni taklif qiladi (2 tadan-4 tagacha).
Bolalar uchun amaliy ish.
Bolalarga 3 tadan kartochkalar beriladi va kartochkaning yuqori qatorida qancha rasm tasvirlangan bo’lsa shuncha o’yinchoqni pastki qatorga qo’yish o’rgatiladi. 3-4 topshiriq beriladi.
Har bir boladan kartochkadagi tasvirda qancha narsa tasvirlanganligi va o’nga teng bo’lishi uchun qancha o’yinchoq qo’yganligini izohlab berish so’raladi. Bolalarning nutqda qancha, shuncha so’zlarini to’g’ri ishlatishiga e’tibor beriladi. Noto’g’ri aytgan bolalarga to’g’ri aytish o’rgatiladi.