Ilmshunoslik fanining maqsad va vazifalari

48. Ilmiy ishda asosiy qism
Asosiy qismda odatda, asosiy nazariy holatlar bayon etiladi. Ularda o'rganilayotgan masalalarga muallif nuqtai nazari aks etadi. Bundan tashqari tadqiqot predmetini maksimal darajadagi to'liq tavsifi va tasviri beriladi. Tadqiqotning xarakteri va maqsadlariga bog'liq tarzda tadqiqot materiali asosiy qism doirasida turli rol o'ynashi va turli o'rin egallashi mumkin. Aksariyat hollarda olim muayyan ilmiy asarni yaratganda qandaydir yetarli darajada ishlab chiqilgan nazariyaga tayanadi. Bunday holatlarda mazkur masala birlamchi tavsifga ega bo'lgan manbalarni so'zma-so'z bayon etmasdan, ularga xavola qilish yetarlidir, ayniqsa, agarda mazkur nazariya barchaga ma'lum bo'lsa. Mazkur turdagi ishlarda mulohaza, dalil, formulirovka bilan taqdim etilgan nazariya kam bo'lishi mumkin, u muallif nuqtai nazari, til materialini tanlash yo'nalishi, tahlil uslubi va talqini orqali o'z ifodasini topadi. Muallifning yondashuvi qay darajada yangiroq va original, uning nuqtai nazari qay darajada an’anaviy bo'lmasa, ishning asosiy qismida nazariy asoslarni bayon etish va isbot etish ko'proq hajmni egallaydi. Bunda xattoki, muallif tayyor nazariyaga tayansada, u mazkur nuqtai nazar uchun barcha mas’uliyatni, bu nazariyaning barcha kuchli va kuchsiz tomonlari uchun javobgarlikni o'z bo'yniga oladi.


49. Til materiali
Tadqiqot asosiy qismining juda ham ahamiyatli komponenti til materialining tasviridir. Agarda to'plangan til dalillarini tadqiq etish jarayonida tadqiqotchi nuqtai nazarida bo'lgan barcha obyektlar tahlilga tortilsa, ilmiy matnda ularni tasvirlashda qat’iy va aniq tanlovga asoslanish lozim. Til materialini taqdim etish tartibga solingan bo'lishi, uning joylashuvi to'liq tahlilda aniqlangan xususiyat va qonun-qoidalarni ko'rgazmali va ishonchli ko'rsatilishi kerak. Ilmiy matnda til materiali tavsiflashda uni tartibga solish uslubini tanlash til materiali xarakteri va matnni tuzilmasi mantig'i, mu- alliflik talqin mantig'i bilan shartlanadi. Bu ikki omillarning o'zaro ta'siri muallif tomonidan obyektlarning tavsifida ma’lum tizimni yaratishda o'z aksini topadi. Masalan, barcha til obyektlarining ommasini sinf, guruhlarga ajratish, bu tasnif aniqlangan belgi va qonunlar asosida amalga oshiriladi. Taqdim etilgan tasnifni tushuntirish va asoslab berish, tadqiqotning konseptual-nazariy va tahliliy-amaliy aspekti o'rtasidagi aloqani aniq ko'rish imkoniyatini beradi. Bundan tashqari bunday tavsif jarayonida til materiali tahlili metodikasi namoyish etiladi. Til materialini taqdim etishning bunday uslubi tavsif va uning asosida qilingan xulosalarning ishonchliligining zaruriy darajasini ta'minlab beradi.


50. Jonli til
Jonli til tavsifning har qanday eng optimal bo'lgan tizimidan ko'ra xilma-xilroq va ziddiyatliroqdir, uni tushuntirib beruvchi nazariyadan doimo boyroq va turliroqdir. Aynan shuning uchun tadqiqotchi o'z g'oyalariga qanchalik qiziqmagan bo'lsada, uning konsepsiyasi voqelikning tadqiq etilayotgan hodisalarini tushuntirish va izohlab berishning qanchalik kuchli qobiliyatiga ega bo'lmasin, u o'ziga uning imkoniyat chegaralarini yaxshi belgilab olishi lozim. Agarda tadqiqot jarayonida tadqiqotchi taklif qilgan talqinga mos kelmaydigan dalillar paydo bo'lsa, shu payt ularni izohlab tushuntirib bera olmasada, mazkur tadqiqotchi ularning mavjudligini ko'rsatib o'tishi lozim. Ko'rsatilgan tuzilmaviy ma'no komponentlardan tashqari asosiy qismda tarixiy eksskurslar, mavzudan chekinish, turli xil izoh va tushuntirishlar berilishi mumkin.