Immunoglobulinlar

IMMUNOGLOBULINLAR

IMMUNOGLOBULINLAR (Ig) – umurtqali hayvonlar va odamning qon zardobidagi antitelolar faolligiga ega boʻlgan globulyar oqsillar guruhi. Immunoglobulinlarning tegishlicha 5 sinfi bor Bular: IgG, IgM, IgA, IgD, IgE. Immunoglobulinlar limfa hujayralarida sintezlanadi va immunitet hosil boʻlishida ishtirok etadi; ular, asosan, qonda, qisman soʻlak, oʻt, orqa miya suyukligi, siydik, turli sekretlar va boshqa toʻqima suyukliklarida boʻladi. Immunoglobulinlarning asosiy effektor reaksiyalari har bir antigenga oʻziga xos antitelolar ishlab chiqish orqali amalga oshadi. Uning bu xususiyatidan tibbiyotda ayrim infeksion kasalliklarni masalan: koʻkyoʻtalga, stafilokokka qarshi davolashda foydalaniladi.
Immunoglobulin G (IgG) inson tanasidagi eng oddiy antikor turi hisoblanad. Bundan tashqari, inson organizmidagi barcha immunoglobulinning 75 foizini immunoglobulin G tashkil qiladi. Xususan, immunoglobulin G viruslar, bakteriyalar va zamburug'lar kabi patogenlarni bog'lab, infektsiyalar va toksinlardan himoya qilib turadi.Bu antikorning eng kichigi bo'lsa ham, sutemizuvchilarning tanasida, shu jumladan inson organizmida eng ko'p mavjud. Oddiy tuzilishi tufayli IgG odam yo'ldoshiga kirishga qodir. Aslida, boshqa hech qanday Ig sinflari murakkab tuzilmalari tufayli buni qila olmaydi. Shunday qilib, u homiladorlikning dastlabki oylarida yangi tug'ilgan chaqaloqni himoya qilishda juda muhim rol o'ynaydi. Bu immunoglobulin g ning asosiy funksiyalaridan hisoblanadi.
Immunoglobulinlar_A_(IgA)'>Immunoglobulinlar A (IgA) antitelolar sinfidir. Tana sekretlarida (soʻlak, ovqat hazm qilish shirasi, burun shilliq qavati va sut bezlari sekretsiyasida) IgA uchraydi. Ularning qon plazmasidagi ulushi barcha immunoglobulinlarning umumiy miqdorining 10-15 % ni tashkil qiladi. Kun davomida odamlarda 3 g dan 5 g gacha IgA ichak boʻshligʻiga chiqariladi. Odamlarda IgA ning ikkita kichik sinfii mavjud: IgA1 va IgA2. IgA1 molekulalari eng koʻp qon plazmasida, IgA2 esa sekretlarda uchraydi. Turli limfoid toʻqimalarda IgA1 va IgA2 ni ajratuvchi hujayralar nisbati har xil boʻladi.
Immunoglobulinlar M (IgM)—antitellar sinfi boʻlib IgM molekulalari eng ogʻir (molekulyar ogʻirligi 990 kDa) va eng murakkab tashkil etilgan immunoglobulinlar hisoblanadi. Antigen organizmga birinchi marta kirganda, barcha antitelalardan birinchi boʻlib IgM immunoglobulinlari hosil boʻladi^. Bundan tashqari, ular birinchi boʻlib ontogenez va filogenezda paydo boʻladi. Odamlarda va boshqa sutemizuvchilarda IgM taloqda joylashgan plazma hujayralari tomonidan sintezlanadi^. IgM antibakterial immunitetda va bir qator autoimmun kasalliklarda eng faoldir hisoblanadi.
Immunoglobulin D (IgD) noyob immunoglobulin bo'lib, qon zardobida IgG, IgA va IgM konsentratsiyasidan ancha past, lekin IgE nikidan ancha yuqori. (IgD), 1965 yilda kashf etilgan, bu B limfotsitlari (mIgD) membranasida faollashuvidan oldin topilgan (IgM bilan birga) sirt immunoglobulinidir. Uning antijenler uchun dastlabki retseptorlari vazifasi bor. Uning molekulyar og'irligi 185000 Daltonni tashkil qiladi va organizmdagi immunoglobulinlarning taxminan 1% ni tashkil qiladi.
Immunoglobulin E (IgE) faqat sutemizuvchilarda uchraydigan antitelolar sinfidir. Qon plazmasidagi IgE ning miqdori juda past bo'lib, ularning asosiy roli allergik reaksiyalarning rivojlanishida, bundan tashqari, parazitlar, shuningdek gelmintlarga qarshi immun javob reaksiyasida ishtirok etadilar .