Индивидуал лойиха ишини тайёрлаш бўйича

9.4 Муфта монтажи

Оптик – толали кабелларнинг муфта монтажи ўз ичига қуйидаги технологик операция жараёнларини олади.

1. 
   Пайвандлаш тақсимлагичини тайёрлаш;
   
2. 
   Кабелларнинг оҳирги томонидан учларини ажратиш;
   
3. 
   Толаларни пайвандлашга тайёрлаш;
   
4. 
   Кабел учларини муфтага махкамлаш;
   
5. 
   Кассетага кабел модулларини махкамлаш;
   
6. 
   Толаларни пайвандлаш;
   
7. 
   Модулларни жойлаштириш, кассета махкамланиб ва пайвандлаган блокни ёпиш;
   
8. 
   Тайёр муфтани ёпиш.
   

Муфталар монтажи пайвандлаш кассетасини тайёрлашдан яъни унинг ичига тақсимлагични жойлаштиришдан бошланади. Шундан сўнг кабел учлари ажратилади ва ташқи полиэтилен қобиғ кесиладиган жой белгиланиб, аввал пичоқ ёрдамида кундалангига ва узунасига иккита бўлакга ажратиш учун кесилади. Полиэтилен қобиғ термоускуна ёрдамида қиздирилиб шундан сўнг ажратилиб ечилади. Тўлқинсимон қобиғ аввал устига қопланган ёпиштирувчи қоплами артиб тозаланади ва аввал қобиғ бир мунча қиздирилгандан сўнг уланган чокидан ажратилади ҳамда олиб ташланади. Унинг тагидаги арамид ип тўқималари 200 ммга қадар қисқартирилади. Модуллар термоускуналар ёрдамида иссиқ ҳаво остида 550 мм узунликда текисланади. Шундан сўнг қабул қилиб модуллар қабул қилинган методика асосида қизил рангдан бошлаб монтаж учун тайёрланади. Марказий кучайтирувчи элемент эса 300 мм узунликга қадар қисқартирилади, агар оптик кабел тўлқинсимон пўлат қобиғга эга бўлса, у ҳолда игнали қисқич ёрдамида муфтанинг ички платасига махкамланади. Блокда жойлашган қаттиқ ушлаб турувчи қисқич орасида жойлашган кассеталар бўштилади. Марказий кучайтирувчи элемент билан бирга арамид ип тўқималари боғланган блокнинг пастки томонидан ўтказилиб кучайтирувчи ускунага олиб борилади ва шайба ҳамда болт ёрдамида тортилган боғлам махкамланади, унинг учлари эса кесиб ташланади. Шундан сўнг модул махсус кескич ёрдамида айланма қилиб кесилади ва секин асталик билан ўралади. Тасма билан ўралган модул кассетага жойлаштирилиб қисқич ёрдамида махкамланади. Модуллдан ажратилган оптик толалар кассета ичига максимал эгилиш радиуси бўйича учта ўрам қилиб айлантириб жойлаштирилади.
Кассета ичига жойлаштирилган толалар пайвандлаш аппаратининг юқори қисмига болт билан махкамланади. Модул эса пайвандлаш аппаратининг модул ушлагич ичида махкамланади. Стриппер ёрдамида толалар 40 мм узунликда мухафазаловчи қоплам ва толалар қобиғи тозаланади. қобиғдан ажратилган тола юмшоқ қоғоз салфетка ёрдамида яхшилаб артилиб тозаланади. Пайвандлаш аппаратининг махсус кескичи ёрдамида тола ўзаги тўғри бурчак остида синдирилади ва аппаратнинг чап томонига қисқич ёрдамида жойлаштирилади. Худди шундай операция йули билан ўнг томондаги тола қисқич ёрдамиа жойлаштирилади. Пайвандлаш аппаратида толалар бири–бири билан пайвандлаб уланади. Пайвандлаб уланган толалар пайвандлаш тақсимлагичининг биринчи жойига жойлаштирилади. Шу усул билан модулдаги қолган оптик толалар пайвандлаб уланган пайвандлаш тақсимлагичининг кейинги жойларда жойлаштирилади ва компаунд қуйилиб усти ёпилади.
Пайвандлаш тақсимлагичлари жойлашган кассета айлантирилмай унинг ичига модуллар ёки мухафазоловчи адаптер найчалари бир–бири устига жойлаштирилади. Кассета муфта ичига жойлаштирилиб болт ёрдамида махкамланади. Ҳамма толалари пайвандланган кассеталар муфта ичига жойлаштирилиб бўлгач муфта қуйидагича ёпилади. Муфта ичига киритиладиган кабел қобиғи яхшилаб тозалангач компаунд суркалади ва қуритилади, қобиғ устига ўраладиган ёпишқоқ тасма қисқичга қадар ўралади. Усти ўралган қобиғ диаметри калибратор ёрдамида текширилади. Агар муфтага иккита кабел киритиладиган бўлса, у ҳолда қолган иккита кабел киритилувчи тешиклар махсус втулка (қопқоқлар) ёрдамида беркитилади.
Муфтанинг пастки ярми уланадиган жойига муфтани герметизация қилиш учун герметик шнур ўралади. Муфтанинг пастки қисмига қуритгич пакети очилиб солинади. Муфтанинг пастки ярим қисми устига устки ярим қисми аста секинлик билан жойлаштирилиб бир–бири билан сиқилади. Муфтани сиқиш учун аввал муфтанинг кичик томонидаги болтлар буралиб сиқилади. Муфталар орасидаги оралиқ калибраторлар ёрдамида текширилади, шундан сўнг муфтанинг узун томонидаги болтдлар сиқиб тортилади. Муфтанинг ёпилиш сифати калибратор ёрдамида текширилади ва болтлар ёпишқоқ тасма билан ёпиштирилиб муҳофазаланади.