Индустриал иқтисодиёт

Қисқача хулосалар

1. 
   “Индустриал иқтисодиёт“ курси иқтисодиёт фанининг муҳим қисми, билим ва кўникма берувчи фан ҳисобланади. У саноат ишлаб чиқариши ва халқ хўжалигининг бошқа соҳалари учун кадрлар тайёрлаш ва қайта тайёрлаш жараёнида алоҳида аҳамият касб этади.
   
2. 
   “Индустриал иқтисодиёт“ фан сифатида тасвирлаш, тушунтириш ва келажакка тегишли воқеликларни башорот қилишни таъминлайдиган назария ва методолигияни қўллашга асосланади.
   
3. 
   “Индустриал иқтисодиёт“ илмий курс сифатида умум иқтисодий қонунларни чуқурлаштиради, аниқлаштиради ва хусусий ҳамда ўзига хос қонуниятларни шакллантиради. У бу қонуниятлар, шунингдек, фундаментал қоидаларни саноат тармоқларининг баъзи бир типик гуруҳларига мувофиқ тарзда ўрганади.
   
4. 
   “Индустриал иқтисодиёт“ талабаларни маълум тармоқнинг корхона (фирма)ларида содир бўладиган воқеаларни режалаштириш, башоратлаш, таҳлил этиш, ҳисоб ва ҳисобот ишларини юритиш бўйича зарур бўлган билимлар билан қуроллантиради.
   
5. 
   “Индустриал иқтисодиёт“ илмий курс сифатида мамлакат ичида ва хорижда юз бераётган иқтисодий жараёнларни билишга имкон беради.
   

Назорат ва муҳокама учун саволлар

1. 
   “Индустриал иқтисодиёт“ фани нима учун ўқитилади?
   
2. 
   Бу фаннинг объекти деганда нималарни тушунасиз?
   
3. 
   Ушбу фан ёрдами билан қандай қонунлар ва қонуниятлар ўрганилади?
   
4. 
   Ушбу курсни ўрганишда қандай усуллардан фойдаланилади?
   
5. 
   “Индустриал иқтисодиёт“ фани қандай фанлар билан чамбарчас боғлиқ?
   
6. 
   Жамиятни демократлаштириш ва ижтимоий йўналтирилган бозор иқтисодига ўтиш даврида ушбу фан олдида қандай вазифалар турибди?
   

2-МАВЗУ. Саноат - миллий иқтисодиётнинг етакчи тармоғи


2.1. Саноат ва унинг миллий иқтисодиёт ривожидаги роли ва ўрни
2.2. Саноат тармоқлари ва уларнинг ривожланиши