«innovative academy» ilmiy tadqiqotlarni

Денов тадбиркорлик ва педагогика институти ўқитувчиси 
[e-mail]
 
Аннотация: Ушбу мақолада мустақил демократик тараққиёт йўли – 
ўзбекистоннинг миллий юксалиши асосларининг шаклланиш омили масалалари 
назарий-методологик жиҳатдан кўриб чиқилган. Ҳамда соҳа мутахассисларини бу 
бўйича ёндашувлари таҳлил қилинган. Шунингдек, хулоса қисмида муаллифнинг 
мавзуга доир фикр-мулоҳазалари келтирилади. 
Калит сўзлар: демократик тараққиёт йўли, миллий ғоя, тизим, элемент, 
дунёқараш, фикр, мулоҳаза, онг, тафаккур, тараққиёт, ислоҳот, ижтимоий ҳаёт соҳалари. 
КИРИШ 
 
Мустақил тараққиётимизнинг кейинги йиллари мобайнида республикамиз 
Президенти Шавкат Мирзиёев раҳбарлигида Ўзбекистон тараққиётининг янги 
босқичига, миллий юксалиш даврига қадам қўйилди. Бу борада амалга оширилаётган 
кенг кўламдаги ислоҳотлари туфайли халқимиз ҳаётида талайгина ўзгаришлар кўзга 
кўринмоқда, одамларнинг дунёқараши, тафаккури ўсиб бормоқда. Демократик 
ислоҳотларни янада такомиллаштириш фуқаролик жамиятини ривожлантириш бўйича 
бир қатор янгича қадрият ва анъаналар шаклланмоқда. Мамлакатимиз мустақилликка 
эришгач, бозор иқтисодиётига асосланган ҳуқуқий демократик давлат қуриш, эркин 
фуқаролик жамиятимустаҳкамлаш бош стратегик мақсад қилиб олинди. Республикамиз 
мустақиллика эришган йилларида кўпгина самарали ишлар амалга оширилди. Буларга,
миллий давлатчиликка асосланган давлат қуриш, унинг суверенитетини 
мустаҳкамлаш, ҳуқуқ-тартиботни, хавфсизлик, давлатимиз чегаралари дахлсизлигини, 
қонун устуворлигини, инсон ҳуқуқ ва эркинликларини, миллатлараро тотувлик ва 
диний бағрикенглик муҳитини яратиш, халқимизнинг тинч-осуда ҳаёт кечириши, 
фуқароларимизнинг бунёдкорлик ишларини амалиётга тадбифқ қилиш кабилар шулар 
жумласига киради. 
АДАБИЁТЛАР ТАҲЛИЛИ ВА МЕТОДОЛОГИЯ 
Мустақиллик йилларида мамлакатимизда амалга оширилган кенг кўламли 
ислоҳотлар миллий давлатчилигимиз ва унинг суверенитетини мустаҳкамлаш, 
хавфсизлик ва ҳуқуқ-тартиботни, давлатимиз чегаралари дахлсизлигини, жамиятда 
қонун устуворлигини, инсон ҳуқуқ ва эркинликларини, миллатлараро тотувлик ва 
диний бағрикенглик муҳитини таъминлаш учун муҳим пойдевор бўлди, халқимизнинг 
фаровон ва бахтли ҳаёт кечириши, фуқароларимизнинг бунёдкорлик салоҳиятини 
рўёбга чиқариши учун зарур булган шарт-шароитлар ва имкониятларни яратди. 
Бугунги глобаллашув шароитида миллий юксалиш тамойиллари табиатида рўй 
бераётган ўзгаришлар масаласида хилма-хил интеллектуал ёндашувлар ва баҳолар 
шаклланган бўлиб, уларни нафақат сиёсий ёки ҳуқуқий фанлар доирасида балки 
ижтимоий- фалсафий нуқтаи назардан ўрганиш ҳамда моҳиятини англаш муҳим илмий 
ва методологик аҳамиятга эга бўлиб бормоқда. Айниқса, мамлакатимизнинг Шарқ 

---